bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sotho
/
Sotho 1951 (BIBELE)
/
Job 38
Job 38
Sotho 1951 (BIBELE)
← Chapter 37
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 39 →
1
Bjale gwa fetola Morena, a bolela le Jobo a le ledimong, a re:
2
Ke mang eo a širago dikelelo ka polelo di se nago tlhaloganyo?
3
Itleme letheka senna; ke tlo go botšiša mme wa nthuta.
4
O be o le kae mola ke thea lefase? -- Bolela ge o tseba.
5
Monaganakelo ya lona ke mang? -- Ke be ke re o a tseba. -- Motheametheo ya lona ke mang?
6
Dithekgo tša lona di tsemilwe kae? Motheamathekgadikhutlo tša lona ke mang?
7
Ke tša mola go hlalala naledi tša meso tšohle, go gobela bana bohle ba Modimo.
8
Ke mang a ageletšego lewatle ka maforo, mola le hlaga, le etšwa mo le tswetšwego?
9
Mola ke sa le apešitše maru, ke sa le phuthetše ka leswiswi le legolo;
10
ka le beela magomo mo ke bego ke go rata, ka le beela meswiko le magoro;
11
ka re: O tlo tla o goma fa, wa se fetele pele; gona fa ke mo go tlogo phohlela boikgogomošo bja maphoto ago.
12
Mola o phelago a o kile wa laola moso? A o kile wa laetša mahuba madulo?
13
Gore a sware morumo wa lefase, go hlohlorwe ba babe ba go lona;
14
la fetoga bjalo ka letsopa ge le bopša, la itlhopha eke ke matsaka;
15
ya ba go tima lebone la babe; ya ba go roba tsogo le le bego le akgilwe?
16
A o kile wa ya kua go lego methopo ya lewatle? Wa itshepelela kua tlasetlase madibeng a lona?
17
A o kile wa bulelwa kgoro tša lehu, wa bona kgoro ya thiti ya lehu?
18
Bophara bja lefase a o bo lemogile? -- Bolela ge tše ka moka o di tseba.
19
E kae tsela e yago kua go dulago seedi? Bodulo bja leswiswi bo go kae?
20
Gore o kgone go yo di tšea gona kua mellwaneng ya tšona, ka go tseba mmila wa motseng wa tšona.
21
Aowii, o a di tseba! Gobane ke tša mehla o šetše o tswetšwe. Ehlale o le wa matšatši!
22
Kua matlolong a leswela a o kile wa fihla? Dišego tša difako a o di bone?
23
Tšona ke di boloketše mehla ya tlaletšo, mehla ya tlhabano le ya ntwa.
24
E kae tsela e yago kua go abaganywago seetša, mo go tsogago phefo ya bohlabatšatši, ya tšea lefase ka moka?
25
Ke mang a thulelago pula tša mafula mmila? Mme tladi ya medumo a e bulela tsela?
26
Gore pula e ne mafaseng go sego motho, mahanateng mo go sa dulego batho.
27
Gore go nošetšwe nagatshehla le masodi, go tle go mele bjang bjo bofsa.
28
A fa pula e na le tatayo? Marotholodi a a phoka a tswalwa ke mang?
29
Mmagomeetsemagatsela naa ke mang? Ke mang a belegago tšhwane ya godimo?
30
Meetse a gatsela a etša letlapa, sefahlogo sa bodiba sa thatafa.
31
A ke wena o kago kgokaganya Selemela? Goba wa tlemolola tlemo tša boMagakgala?
32
A ke wena o kago tsoša molokoloko wa dinaledi? A ke wena o kago gapa Thutlwa le Thutlwana?
33
A o tseba melao e beetšwego magodimo? A ke wena o a fago maatla a go buša fase leno?
34
A lentšu la gago le ka fihla kua marung, wa bitša lefula la meetse la go ribegela?
35
A o ka roma dikgadima tša sepela, tša tla tša go rera tša re: Ke rena ba!?
36
Ke mang a beilego bohlale diphiring? Ke mang a neilego dilo tša leratadima tsebo?
37
Ke mang wa go hlalefa go ka bala maru? Ke mang a tšhololago meeta yeo ya godimo?
38
Ke tša mohla mobu o omile, e le makokota, o bopagane ka makoloboto.
39
A ke wena o tsomišago tau phoofolo, wa horiša ditawana dimpa?
40
Ka gobane di patlame matšabeng a tšona; di lalela di utame mo sekgweng.
41
Ke mang a fago magukubu dijo, ge bana ba ona ba llela Modimo mohla ba timetše ba se ne sa go ja?
← Chapter 37
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 39 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42