bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Shekhawati
/
Shekhawati
/
Galatians 1
Galatians 1
Shekhawati
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 2 →
1
इ चिठी म, म पोलुस मेरो अर मेरै सागैहाळा सगळा भायां को, गलातिया दिसावर की बिस्वासी मंडळ्यानै नमस्कार मांडूँ हूँ। म बोई पोलुस हूँ जिनै भेजेड़ो चेलो होबा ताँई मिनख कोनी बुलाया पण ईसु मसी अर परम-पिता परमेसर जखो ईसु मसीनै मरेड़ा मऊँ जिंदो कर्यो हो बे टाळ्या हीं।
3
थार प आपणा परम-पिता परमेसर अर परबु ईसु मसी की दया अर सुक-स्यांती बणी रेह्वै।
4
परम-पिता परमेसर की इंछ्यानै पूरी करबा ताँई मसी आपणा पाप ताँई खुदनै मरबा ताँई दे दिओ जिऊँ आपा बुरी दुनियाऊँ छुटाया जावां।
5
परमेसर की मेमा जुग-जुग होवै! अंय्यांई होवै।
6
मनै ताजूब होर्यो ह, क परमेसर थानै मसी की दयाऊँ बुलायो हो। अर थे बि परमेसरनै तावळाई छोडर दुसराई समचार प बिस्वास कर्या हो।
7
पण मसी का चोखा समचारनै छोडर दुसरो समचार तो आथई कोनी, पण क्युंक मिनख थानै भंगरार्या हीं अर मसी का चोखा समचार म हेर-फेर करबो चावीं हीं।
8
पण जखा बी थानै म्हारा सुणाईड़ा चोखा समचार क अलावा दुसरो समचार सुणावै ह चाए फेर बे म्हें हो नहिस ईस्बर नगरी दुत हो बे नरक का भागी होसी।
9
जंय्यांकी म्हें थानै पेल्याई कह्या हा, अर इब बी म ओज्यु बोलुँ हूँ क, जि चोखा समचारनै थे मान्या हा बिकै अलावा ज कोई थानै दुसरो चोखो समचार सुणावै ह बो नरक को भागी होसी।
10
के म मिनखाऊँ मंजुरी लेबो चाऊँ? मनै इकी जुर्त कोनी! जिकी मनै जुर्त ह बा परमेसर की मंजुरी ह! म मिनखानै राजी करबो कोनी चाऊँ ज म अंय्यां करबो चाऊँ जणा म मसी को सेवक कोनी।
11
मेरा लाडला बिस्वास्यो, म थानै समजाबो चाऊँ हूँ, क म थानै जखो चोखो समचार सुणायो हो बो मिनख की मंजुरीऊँ कोनी हो।
12
क्युं क ओ मनै कोई मिनखऊँ कोनी मिल्यो अर नइ कोई मनै सीखायो, पण ओ मेर प ईसु मसी क जरिए परगट कर्यो गयो।
13
अर थे जाणो हो क म पेली यहूदि मत म कंय्यांसिक जीआ करतो हो। अर थे ओ बी जाणो हो क म परमेसर की बिस्वासी मंडळी का मिनखानै कंय्यां सताया करतो अर बिनै मिटाबा की कोसिस करतो हो।
14
अर म यहूदि मत को पालन करबा म दुसरा यहूदि मिनखाऊँ कट्टर हो, अर आपणा बडकाऊँ आपानै जखा रिती-रिवाज मिल्या हा बानै म निभातो हो।
15
पण मेरा जलमऊँ पेली परमेसर मनै टाळ लिओ, अर आपकी दयाऊँ मनै आपकी सेवा करबा ताँई बुलायो। अर जद बे आ ध्यारी,
16
क बे आपका बेटानै मेर प परगट करै, जिऊँ म गैर-यहूदि मिनखानै ईसु मसी का चोखा समचार सुणाऊँ, बि टेम म कोईकिई राय कोनी ली,
17
अर नइ म यरूसलेम म बा मिनखा क कनै गयो जखा मेरूँ पेली भेजेड़ा चेला हा। पण म तावळोसो अरब दिसावर चलेगो, अर बिकै पाछै दमिसक नगरी आग्यो।
18
अर तीन बरसा क पाछै म यरूसलेम म केफाऊँ जाणकारी लेबा गयो, अर बिकै सागै पन्दरा दिन रिह्यो।
19
पण म परबु का भाई याकूबनै छोडर बठै कोईसा बी भेजेड़ा चेलाऊँ कोनी मिल्यो।
20
म परमेसरनै मेरै सामै जा'णर थारूँ खेऊँ हूँ! क जखी बाता म थानै मांडर्यो हूँ बे झूठी कोनी।
21
अर म बिकै पाछै सिरीया अर कलिकीया दिसावरा म गयो।
22
पण यहूदिआ दिसावर की मसी बिस्वासी मंडळी मनै कोनी पिछाण्ती ही।
23
पण बे मेरै बारां म मिनखाऊँ अंय्यां खेता सुणता हा क ओ बोई मिनख ह जखो पेल्या आपानै सताया करतो हो। पण इब ओ बी मसी को परचार करै ह जिनै ओ पेल्या नास कर्या करतो हो।
24
अर बे मेरी बजेऊँ परमेसर की बडाई करबा लाग्या।
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 2 →
All chapters:
1
2
3
4
5
6