bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Shekhawati
/
Shekhawati
/
Galatians 6
Galatians 6
Shekhawati
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
1
ओ मेरा लाडला बिस्वास्यो, थे जखा आत्मिक जीवन जीओ हो, ज थारी नजर्या म थार मऊँ कोई पाप करतो पकड़्यो जावै, जणा बिकै सागै नरमाईऊँ बरताव कर बिकी मदद करो जिऊँ बो पाछो बिस्वास म आज्यावै। अर थे बी हुस्यार रेहज्यो कदै थे पाप म नइ पड़ जाओ।
2
अर थे एक दुसरानै दुख की घड़ी म सारो द्यो, अर ज थे अंय्यां करस्यो जणा मसी का नेम-कायदानै मानबाळा होस्यो।
3
ज कोई मिनख सोचै क, म सक्यु हूँ जदकी बो होवै क्युंई कोनी, अंय्यां को मिनख खुदनै धोको देवै ह।
4
पण हरेक मिनखनै खुदका कामा क बारां मई जाच पड़ताळ करनी चाए। क्युं क अंय्यां करबाऊँ बिनै खुदनै गुमान करबा को मोको मिलसी। पण बिनै दुसराऊँ खुदकी बराबरी नइ करबो चाए।
5
क्युं क हरेक मिनखनै खुदको बोज उठाणो चाए।
6
जखा बचन की सीख सीखै ह, बिनै चाए क जखी चोखी चिजा बिकन ह, बो बानै आपका सीखाबाळा क सागै बांटै।
7
धोको मना खाओ, परमेसरनै कोई बावळो कोनी बणा सकै, क्युं क मिनख जखो बोसी बोई काटसी।
8
क्युं क जखो काया की बुरी इंछ्या ताँई बोवै ह बो आपकी काया की बजेऊँ नास होबाळी फसल काटसी। पण जखो पबितर आत्मा ताँई बोवै ह बो पबितर आत्मा की बजेऊँ अजर-अमर जीवन की फसल काटसी।
9
जणा आपानै चाए क जीज्यानऊँ भला काम करबा म लाग्या रेह्वां। जिऊँ ठिक टेम आबा प आपानै बिको फळ मिलै।
10
जणा जठै ताँई मोको मिलै, आपा सगळा क सागै भलाई करां, अर खास कर बिस्वासी भाईड़ा क सागै।
11
सुणो, इब म खुद मेरै हातऊँ थानै मोटा-मोटा आंक म मांडर्यो हूँ!
12
जखा मिनख देख-दिखावो चावीं हीं बे थानै सुन्नत करबा ताँई जोर देवीं हीं, अर बे अंय्यां इ ताँई करीं हीं, क बे मसी की सुळी का समचार की बजेऊँ सताया नइ जावीं।
13
जदकी सुन्नत कराईड़ा खुद तो नेम-कायदानै कोनी मानै, पण थारी सुन्नत इ ताँई कराबो चावै ह क बानै थारी काया की बजेऊँ गुमान होवै क बे थारी सुन्नत कराई ह।
14
पण परबु ईसु मसी जखो सुळी प मर्यो, मनै आ बाता क अलावा ओर कोई बात पई गुमान कोनी। अर म जगत ताँई अर जगत मेरै ताँई सुळी प मरग्यो ह।
15
क्युं क नइ तो सुन्नत कराबाळा अर नइ सुन्नत नइ कराबाळा क्यु ह, पण जखी बात माईनो राखै ह बा ह क, सगळा नई सरस्टि ह।
16
अर जत्ताबी इ रीतनै मानसी बापै अर सगळा परमेसर का मिनखा प इजरायल का परमेसर की दया अर स्यांती बणी रेह्सी।
17
इब म आखरी म खेऊँ हूँ क, आगै कोई बी मनै दुखी नइ करै, क्युं क म तो मेरी काया म ईसु मसी का घाव लेर घूमर्यो हूँ।
18
ओ मेरा लाडला बिस्वास्यो, आपणा परबु ईसु मसी की दया थारै सगळा की आत्मा प होती रेह्वै। अंय्यांई होवै।
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
All chapters:
1
2
3
4
5
6