bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Shekhawati
/
Shekhawati
/
John 13
John 13
Shekhawati
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 14 →
1
फसै का त्युंहार क पेलीई ईसु आ जा'णर क, “मेर ताँई बा घड़ी आगी जद म इ दुनियानै तजर मेरा परम-पिता कनै जाऊँ।” बो धरती प जत्ता बी बिका हा बाऊँ आखरी ताँई एकसोई परेम करतो रिह्यो।
2
ईसु अर बिका चेला आथण्या रोटी खार्या हा, जणा सेतान समोन का बेटा यहूदा इस्करोती क मन म ईसुनै धोकाऊँ पकड़ाबा की बात घाल दिओ हो।
3
ईसु जाणतो हो क परम-पिता बिकै हाता म सक्यु सूप दिओ ह। अर बो परमेसर क कनैऊँ आयो अर बिकनई पाछो जार्यो ह।
4
जणा बो आपकी खाबाळी चोकीऊँ खड़्यो होयो अर आपको कोटियो उतार एक गमछ्यो आपकी कड़त्यु प बांद्यो।
5
जणा पाछै बो बठळ म पाणी भर आपका चेला का पग धोबा लाग्यो, अर कड़त्यु प भंदेड़ा गमछ्याऊँ बानै पुछ्यो।
6
जद बो समोन पतरस क कनै आयो, समोन बोल्यो, “परबु, थे मेरा पग धोस्यो?”
7
ईसु बिनै जुबाब दिओ, “म जखो करूं हूँ बिनै तू हाल कोनी समज सकै, पण पाछै तेरै समज म आसी।”
8
पतरस बिऊँ बोल्यो, “नइ आ कदैई कोनी हो सकै क, थे मेरा पग धोओ!” ईसु बोल्यो, “ज म तेरा पग नइ धोऊँ जणा तू मेरो चेलो कोनी।”
9
समोन पतरस बोल्यो, “जणा परबु तू मेरा पगई क्युं, हात अर माथो बी धो दे!”
10
ईसु बोल्यो, “जखो न्हा लिओ बिनै पग धोबा किई जुर्त ह, क्युं क बो पूरो पबितर ह। एकनै छोडर थे सगळा साप हो।”
11
ईसु पेल्याऊँ जाणतो हो क, बिनै कूण पकड़ासी जणाई तो बो बोल्यो हो क, “एकनै छोडर सगळा पबितर हो।”
12
चेला का पग धोया पाछै, बो आपको कोटियो पेर पाछो आपकी झघा प जार बेठगो। बो बुज्यो, “म जखो थारै सागै कर्यो बिनै समज्या के?
13
थे मनै गरूजी अर परबु बोलो हो, आ बात सई ह, क्युं क म हूँ।
14
म थारो परबु अर गरूजी होर थारा पग धोयो, जणा थानै बी एक दुसरा का पग धोणो चाए।
15
म अंय्यां कर थारै सामै एक मिसाल दिनी ह। जिऊँ थे बी बंय्यांई करो जंय्यां म थारै सागै कर्यो हूँ।
16
म थारूँ साची बोलुँ हूँ, कोईबी दास आपका मालिकऊँ बडो कोनी, अर नइ भेजेड़ो आपका भेजबाळाऊँ बडो।
17
इब थे अ बाता जाणग्या हो, जद थे आनै करस्योक जणा परमेसर थानै आसिरबाद देसी।
18
“म थारी सगळा की बात कोनी करूं, म बानै जाणू हूँ जानै म टाळ्या हूँ। सास्तर म मंडेड़ो आंक पूरो होसी, ‘जखो मेरी रोटी खाई बोई मेरै लात मारी।’
19
“इकै होबाऊँ पेलीई म थानै आ बतार्यो हूँ, जिऊँ जद अ बाता होवै जणा थे बिस्वास करो क म बोई हूँ।
20
म थारूँ सची बोलुँ हूँ, जखो बी बानै मानै जखानै म भेजूँ हूँ बो मनै बी मानै ह अर जखो बी मनै मानै, बो मनै भेजबाळानै बी मानै ह।”
21
आ खेबा क पाछै ईसु आपकी आत्मा म बोळो दुखी होया। अर साप-साप बोल्यो, “म थारूँ सची बोलुँ हूँ, थार मऊँ एक जणो मनै धोकाऊँ पकड़ासी।”
22
चेला एक दुसरा को मुंडो देखबा लाग्या, अर सोच म पड़गा क बिको इसारो की कानि ह।
23
बाका चेला मऊँ एक जणो, जखो लाडलो खुवातो हो। बो ईसु क सारै बेठ्यो हो।
24
समोन पतरस बिकै कानि इसारो कर बोल्यो, “ईसुऊँ बुज बो किकै बारां म खेर्यो ह।”
25
जणा बो चेलो ईसु क कान क कनैसिक मुंडो कर बाऊँ बुज्यो, “परबु, बो कूण ह?”
26
ईसु बोल्यो, “म ओ रोटी को टुक इ कचोळा म डूबार जिनै देस्युँ, बोई बो मिनख ह।” जणा बे रोटी को टुक तोड़र बिनै डबोर समोन का बेटा यहूदा इस्करोतीनै दिआ।
27
रोटी को टुक लेताई यहूदा म सेतान बड़गो। जणा ईसु बिऊँ बोल्यो, “तू जखो करबो चावै ह, बो तावळोसो करकरा ले।”
28
खाबा बेठ्या दुसरा चेला मऊँ कोईसा कई आ पलै कोनी पड़ी की ईसु बिऊँ आ बात क्युं बोली।
29
यहूदा कनै रिपीआळी थेली रेह्ती ही, इ बजेऊँ क्युंक चेला सोच्या क ईसु बिनै इ बजेऊँ खेवै ह की बो जार त्युंहार ताँई बानै जखो चाए बिनै मोल लिआवै नहिस गरीबा म क्युं बाट देवै।
30
रोटी को टुक लेताई यहूदा बारनै चलेगो। बो रात को टेम हो।
31
यहूदा क जाबा क पाछै, ईसु बोल्यो, “टेम आगो जद मिनख का बेटा की मेमा परगट होसी, अर बिकै जरिए परमेसर की मेमा परगट होसी।
32
ज परमेसर की मेमा बिकै जरिए होवै। जणा तावळोई परमेसर मिनख का बेटा की मेमा परगट करसी।
33
“मेरा टाबरो म क्युंक टेम ताँई थारै सागै हूँ। थे मनै ढुंढस्यो, अर इब म थानै बी बात बोलुँ हूँ जखी यहूदि बडकाऊँ कही ही, क जठै म जार्यो हूँ, बठै थे कोनी आ सको।
34
“अर इ टेम म थानै नयो हुकम देऊँ हूँ क एक दुसराऊँ प्यार-परेम राखो। जंय्यां को प्यार-परेम म थारूँ कर्यो, बंय्यांई आपसरी म थे बी करो।
35
ज थे आपसरी म प्यार-परेम राखस्यो, जणा सगळा जाणसी की थे मेरा चेला हो।”
36
समोन पतरस बुज्यो, “परबु थे कठै जार्या हो?” ईसु बोल्यो, “जठै म जार्यो हूँ बठै हाल तू मेरै गेल कोनी आ सकै पण पाछै तू बठै मेरै गेल आसी।”
37
पतरस बोल्यो, “परबु इ टेम म थारै सागै क्युं कोनी चाल सकूँ? इबकी स्यात म थारै ताँई मेरा पिराण दे सकूँ हूँ!”
38
ईसु बिऊँ बोल्यो, “के तू साच्याई मेर ताँई पिराण दे सकै ह? पण म तेरूँ साची बोलर्यो हूँ, मुरगा क बांग देबाऊँ पेली तीन बार तू मनै पिछाण्बाऊँ मना कर देसी।”
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 14 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21