bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Tulu
/
Tulu (ಪೊಸ ಒಡಂಬಡಿಕೆ)
/
2 Corinthians 1
2 Corinthians 1
Tulu (ಪೊಸ ಒಡಂಬಡಿಕೆ)
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 2 →
1
ದೇವೆರೆ ಚಿತ್ತದ ಪ್ರಕಾರ ಕ್ರಿಸ್ತ ಯೇಸುನ ಅಪೊಸ್ತಲೆ ಆಯಿ ಪೌಲುಲಾ ನಮ ಸಹೋದರೆ ಆಯಿ ತಿಮೋಥಿ ಕೊರಿಂಥ್ಯೊಡುಪ್ಪು ದೇವೆರೆ ಸಭೆಕ್ಲಾ ಅಖಾಯ ಸೀಮೆಡುಪ್ಪು ಮಾತ ದೇವಜನೊಕುಲೆಗ್ಲಾ ಈ ಪತ್ರಿಕೆನ್ ಬರೆಪಿನಿ.
2
ನಮ ಅಮ್ಮೆ ಆದುಪ್ಪು ದೇವೆರೆಡ್ದ್ಲಾ ಕರ್ತವೆ ಆದುಪ್ಪು ಯೇಸು ಕ್ರಿಸ್ತಡ್ದ್ಲಾ ದಯಲಾ ಸಮಾಧಾನಲಾ ಆವಡ್.
3
ನಮ ಕರ್ತವೆ ಆದುಪ್ಪು ಯೇಸು ಕ್ರಿಸ್ತನ ದೇವೆರ್ಲಾ ಅಮ್ಮೆಲಾ ಆದುಪ್ಪುನಾಯಗ್ ಉಪಕಾರ ಸ್ತುತಿ ಆವಡ್; ಆಯೆ ಕನಿಕರ ಇತ್ತಿ ಅಮ್ಮೆ ಮಾತ ರೀತಿಡ್ ಆದರಿಪುನಾಯೆಲಾ ಆದುಲ್ಲೆ.
4
ನಂಕ್ ಉಂಡಾಪಿ ಮಾತ ಭಂಗೊಲೆಡ್ಲಾ ಆಯೆ ನಮನ್ ಆದರಿಪುವೆ. ಇಂಚ ದೇವೆರೆಡ್ದ್ ನಂಕಾಪಿ ಅವ್ವೇ ಆಧಾರೊಣೆಲೆಡ್ದ್ ನಮ ತರತರತ ಭಂಗೊಡು ಬೂರ್ದಿನಾಕುಲೆನ್ ಆದರಿಪೆರೆಗ್ ಶಕ್ತೆರಾಪ.
5
ದಾಯೆಗಂದ್ಂಡ ಕ್ರಿಸ್ತಡ್ ನಂಕ್ ಭಂಗೊಲು ಎಂಚ ಹೆಚ್ಚಾಪುಂಡಾ ಅಂಚೆನೇ ಕ್ರಿಸ್ತಡ್ದ್ ನಂಕ್ ಆಧರಣೆಲಾ ತಿಕ್ಕುಂಡು.
6
ಎಂಕುಲು ಭಂಗ ಅನುಭವ ಮಲ್ತ್ದಿನೆಡ್ದ್ ನಿಕ್ಲೆಗ್ ಆಧರಣೆಲಾ ರಕ್ಷಣೆಲಾ ಉಂಡಾಪುಂಡು. ಎಂಕ್ಲೆಗ್ ಆಧರಣೆ ಆಂಡ ಐಟ್ಟ್ ನಿಕ್ಲೆಗ್ ಆಧರಣೆ ಆಪುಂಡು. ಅಂಚೆನೇ ಎಂಕುಲು ಸಹಿಸೊನಿನ ಭಂಗೊಲೆನ್ ನಿಕುಲುಲಾ ತಾಳ್ಮೆಡ್ ಸಹಿಸೊನಿಯೆರೆ ನಿಕ್ಲೆಗ್ ಬಲ ಕೊರ್ಪುಂಡು.
7
ನಿಕುಲು ಎಂಕುಲೆ ಭಂಗೊಲೆಡ್ ಪಾಲ್ದಾರೆರಾಯಿ ಲೆಕ್ಕನೇ ಆಧಾರಣೆಲೆಡ್ಲಾ ಪಾಲ್ದಾರೆರಾದುಲ್ಲರ್ ಅಂದ್ದ್ ಎಂಕ್ಲೆಗ್ ತೆರಿದಿತ್ತಿನೆಡ್ದ್ ನಿಕ್ಲೆ ಸಂಗತಿಡ್ ಎಂಕುಲೆಡುಪ್ಪು ಭರವಸ ಸ್ಥಿರ ಆದುಂಡು.
8
ಸಹೋದ್ರೆರೇ, ಆಸ್ಯ ಸೀಮೆಡ್ ಎಂಕ್ಲೆಗಾಯಿ ಭಂಗದ ಸಂಗತಿಡ್ ನಿಕ್ಲೆಗ್ ತೆರಿದುಪ್ಪಡ್ ಅಂದ್ದ್ ಎಂಕುಲು ಬಯಕುವ. ಎಂಕುಲು ಬದ್ಕ ಇನ್ಪಿ ಆಸೆದಾಂತಿನಾತ್ ಬಲ ಮೀರು ಭಂಗೊಲೆನ್ ಅನುಭವ ಮಲ್ತ್ದ್ ಕುಂದುದು ಪೋಯ.
9
ಸತ್ಯಾದ್ ಮರಣ ಕಂಡಿತ ಪನ್ಪಿ ನಿಗಂಟ್ ಎಂಕ್ಲೆಗಾಂಡ್. ಆಂಡ ಎಂಕುಲು ಎಂಕುಲೆ ಮಿತ್ತ್ ಭರವಸೆ ದೀವೊನಂದೆ ಸೈತಿನಾಕುಲೆನ್ ಲಕ್ಕಾವುನ ದೇವೆರೆ ಮಿತ್ತೇ ಭರವಸ ದೀಪಿನಾಕುಲು ಆದುಪ್ಪೊಡು ಅಂದ್ದ್ ಇಂಚ ಆಂಡ್.
10
ಆಯೆ ಎಂಕ್ಲೆನ್ ಅಂಚಿತ್ತಿ ಭಯಂಕರ ಮರಣೊಡ್ದು ತಪ್ಪಾಯೆ; ದುಂಬಗ್ಲಾ ತಪ್ಪಾವೆ. ಆಯೆ ನನಲಾ ಎಂಕ್ಲೆನ್ ತಪ್ಪಾವೆ ಅಂದ್ದ್ ಎಂಕ್ಲೆಗ್ ಆಯ ಮಿತ್ತ್ ಭರವಸ ಉಂಡು.
11
ಐಕ್ ನಿಕ್ಲೆನ ಪ್ರಾರ್ಥನೆಡ್ದ್ ಎಂಕ್ಲೆಗ್ ಸಹಾಯ ಆಪುಂಡು. ಅಂಚಾದ್ ಮಸ್ತ್ ಜನೊಕುಲೆನ ಪ್ರಾರ್ಥನೆಡ್ದ್ ಎಂಕ್ಲೆಗ್ ತಿಕ್ಕುನ ಉಪಕಾರೊಗಾದ್ ಮಸ್ತ್ ಜನೊಕುಲೆಡ್ದ್ ದೇವೆರೆಗ್ ಸ್ತುತಿ ಕೊರ್ಪಿಲೆಕ್ಕ ಆಪುಂಡು.
12
ಎಂಕುಲು ನರಮಾನಿ ಗೇನೊನು ಅತ್ತಂದೆ, ದೇವೆರೆ ದಯೊನು ಆಶ್ರಯ ಮಲ್ತೊಂದ. ದೇವೆರೆಡ್ದ್ ಉಂಡಾಪಿನ ಸಜ್ಜನಿಗೆಡ್ಲಾ ಕಪಟದಾಂತೆಲಾ ಈ ಲೋಕೊಡು ವಿಶೇಷವಾದ್ ನಿಕ್ಲೆ ಎದುರುಡು ನಡತೊಂಡ ಅಂದ್ದ್ ಎಂಕುಲೆ ಮನಸ್ ಸಾಕ್ಷಿ ಪನ್ಪುಂಡು; ಉಂದೇ ಎಂಕ್ಲೆಗ್ ಉಪ್ಪುನ ಪುಗರಿಕೆ.
13
ನಿಕುಲು ಎಂಕುಲೆ ಪತ್ರಿಕೆಲೆಡ್ ಓದುದು ತೆರಿಯುನ ವಿಷಯಲೆನೇ ಅತ್ತಂದೆ ಬೇತೆ ವಾ ವಿಷಯೊಲೆನ್ಲಾ ನಿಕ್ಲೆಗ್ ಬರೆತ್ಜ. ನಿಕುಲು ಎಂಕ್ಲೆನ್ ಒಂತೆ ತೆರಿದಿತ್ತಿಲೆಕ್ಕನೇ ನನಲಾ ಹೆಚ್ಚ್ ತೆರಿಯೊನ್ವರ್ ಪನ್ಪಿ ನಿರೀಕ್ಷೆ ಯಾನ್ ಮಲ್ಪುವೆ. ಅಪಗ ನಿಕುಲುಲಾ ಕರ್ತವೆ ಆದುಪ್ಪು ಯೇಸು ಕುಡೊರ ಬರ್ಪಿ ದಿನೊಟು ಎಂಕುಲು ನಿಕ್ಲೆಗ್ ಪುಗರಿಕೆಗ್ ಕಾರಣ ಆದುಲ್ಲ. ಅಂಚೆನೇ ನಿಕುಲುಲಾ ಎಂಕ್ಲೆಗ್ ಪುಗರಿಕೆ ಕನವರ್.
15
ಎಂಕ್ ಇಂಚಿತ್ತಿ ಮಾತ ವಿಷಯೊಲೆಡ್ ಭರವಸ ಇತ್ತಿನೆಡ್ದಾವರ ನಿಕ್ಲೆಗ್ ರಡ್ಡ್ ಸರಿ ಎಂಕುಲೆಡ್ದ್ ದಯತ ವರ ತಿಕ್ಕುಲೆಕ್ಕ ಯಾನ್ ಸುರುಟ್ಟು ನಿಕ್ಲೆ ಕೈತಲ್ ಬರೊಡು ಅಂದ್ದ್ ಎನ್ನ್ದಿತ್ತೆ.
16
ಸುರುಟ್ಟು ನಿಕ್ಲೆ ಕೈತಲ್ ಬತ್ತ್ದ್ ಅಲ್ತ್ಡ್ದ್ ಮಕೆದೋನ್ಯೊಗು ಪೋದು, ಕುಡ ನಿಕ್ಲೆನ ಕೈತಲ್ ಬತ್ತ್ದ್ ಅಲ್ತ್ಡ್ದ್ ನಿಕುಲು ಎನನ್ ಯೂದಾಯೊಗು ಕಡಪುಡೊಡು ಅಂದ್ದ್ ಎನ್ನ್ದಿತ್ತೆ.
17
ಇಂಚ ಎನ್ನುನೆಟ್ಟ್ ಯಾನ್ ಹಗುರ ಮನಸ್ದಾಯೆ ಆದಿತ್ತೆನಾ? ಯಾನ್ ಎನ್ನುನೆನ್ ಎನ ಬುದ್ಧಿಡ್ ಎನ್ನ್ದ್ ಒರ “ಅಂದ್,” ಪಂಡಿ ಬೊಕ್ಕ ಕುಡೊರ “ಅತ್ತ್,” ಅಂದ್ದ್ ನರಮಾನಿ ಸ್ವಭಾವೊಡು ಪನ್ಪಿನಾಯಲೆಕ್ಕ ಆದುಲ್ಲೆನಾ?
18
ದೇವೆರ್ ನಂಬಿಗಸ್ತೆ ಆದುಪ್ಪುನೆಡ್ದ್ ಎಂಕುಲು ನಿಕ್ಲೆಗ್ ಪಂಡಿ ಪಾತೆರ ಒಂಜಿ ಸರಿ “ಅಂದ್,” ಅಂದ್ದ್ ಬೊಕ್ಕೊರ “ಅತ್ತ್,” ಆದುಪ್ಪುಜಿ.
19
ಯಾನ್, ಸಿಲ್ವಾನೆ, ತಿಮೋಥಿ ನಿಕ್ಲೆಡ್ ಪ್ರಚಾರ ಮಲ್ತಿನ ದೇವೆರೆ ಮಗೆ ಆದುಪ್ಪು ಯೇಸು ಕ್ರಿಸ್ತೆ ಒಂಜಿ ಕ್ಷಣೊಟು “ಅಂದ್,” ಬೊಕ್ಕೊಂಜಿ ಕ್ಷಣೊಟು “ಅತ್ತ್,” ಪಂಡ್ದ್ಲಾ ಇತ್ತ್ಜಿ. ಯೇಸು ಕ್ರಿಸ್ತಡ್ ಏಪಲಾ “ಅಂದ್,” ಪಂಡ್ದೇ ಇತ್ತ್ಂಡ್.
20
ದಾಯೆಗಂದ್ಂಡ ದೇವೆರೆ ವಾಗ್ದಾನೊಲು ಏತ್ ಇತ್ತ್ಂಡಲಾ ಅವು ಯೇಸು ಕ್ರಿಸ್ತಡ್ “ಅಂದ್ಲಾ,” ಆಯಡ್ ನಿಜಲಾ ಆದುಂಡು. ಅವೆಡ್ದಾವರ ದೇವೆರೆ ಮೈಮೆ ಆಪಿಲೆಕ್ಕ ಯೇಸು ಕ್ರಿಸ್ತಡ್ ಎಂಕುಲು “ಆಮೆನ್,” ಪನ್ಪ.
21
ಆಂಡ ಎಂಕ್ಲೆನ್ ನಿಕ್ಲೆಡೊಪ್ಪ ಕ್ರಿಸ್ತ ಕಡೆಕ್ಕ್ ಸ್ಥಿರ ಮಲ್ತ್ದ್, ಎಂಕ್ಲೆಗ್ ಅಭಿಷೇಕ ಕೊರಿನಾಯೆ ದೇವೆರೇ;
22
ಆಯೆ ನಂಕ್ ಧನಿ ಆದ್ ಮುದ್ರೆ ಪಾಡ್ದ್ ಪರಿಶುದ್ಧಾತ್ಮನ್ ನಮ ಉಡಲ್ಡ್ ಸಂಚಿಕಾರ ಆದ್ ಕೊರ್ತೆ.
23
ಆಂಡ ಎನ ಪ್ರಾಣದ ಮಿತ್ತ್ ದೇವೆರೆನ್ ಸಾಕ್ಷಿಗ್ ಲೆತ್ತ್ದ್ ಯಾನ್ ನಿಕ್ಲೆಗ್ ತೊಂದರೆ ಆವೆರೆ ಬಲ್ಲಿ ಪಂಡ್ದೇ ಕೊರಿಂಥಗ್ ಬತ್ತ್ಜಿ.
24
ಎಂಕುಲು ನಂಬಿಕೆದ ವಿಷಯೊಡು ನಿಕ್ಲೆನ ಮಿತ್ತ್ ಯಜಮಾನಿಕೆ ಮಲ್ಪುನಾಕುಲು ಅತ್ತ್. ನಿಕುಲು ನಂಬಿಕೆದ ಸಂಗತಿಡ್ ಸ್ಥಿರಾದ್ ಇತ್ತಿನೆಡ್ದ್ ನಿಕ್ಲೆನ ಸಂತೊಷೊಗು ಎಂಕುಲು ಜತೆಸೇವಕೆರಾದುಲ್ಲ.
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 2 →
All chapters:
1
2
3
4
5
6
7
8
9
10
11
12
13