bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Tulu
/
Tulu (ಪೊಸ ಒಡಂಬಡಿಕೆ)
/
2 Corinthians 3
2 Corinthians 3
Tulu (ಪೊಸ ಒಡಂಬಡಿಕೆ)
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 4 →
1
ಎಂಕ್ಲೆನೇ ಎಂಕುಲು ಪುಗರೊನಿಯೆರೆ ಕುಡ ಸುರು ಮಲ್ತೊಂದುಲ್ಲನಾ? ಇಜ್ಜಾಂಡ ಕೆಲೆವೆರೆಗ್ ಬೋಡಾಪಿಲೆಕ್ಕ ನಿಕ್ಲೆಗ್ ತೋಜಾವೆರೆಗಾದ್ ಪ್ರಮಾಣ ಪತ್ರ ಎಂಕ್ಲೆಗ್ ಅಗತ್ಯನಾ? ಅತ್ತ್ಡ ಅಂಚಿತ್ತಿ ಪತ್ರಿಕೆಲೆನ್ ನಿಕ್ಲೆಡ್ದ್ ದೆತ್ತೊನೊಡಾ?
2
ನಿಕುಲೇ ಎಂಕ್ಲೆನ ಪುಗರಿಕೆದ ಪತ್ರ, ಅವು ಎಂಕುಲೆ ಉಡಲ್ಡೇ ಬರೆತ್ಂಡ್, ಆ ಪತ್ರೊನು ಮಾತೆರ್ ತೆರಿದೆರ್, ಮಾತೆರ್ಲಾ ಓದುವೆರ್.
3
ನಿಕುಲು ಎಂಕುಲೆ ಸೇವೆಡ್ದ್ ಆಯಿ ಕ್ರಿಸ್ತನ ಪತ್ರ ಆದುಲ್ಲರ್ ಅಂದ್ದ್ ತೋಜುವರ್. ಅವು ಶಾಯಿಡ್ ಬರೆತಿನವು ಅತ್ತ್, ಜೀವ ಇತ್ತಿ ದೇವೆರೆ ಆತ್ಮೊಡ್ದೇ ಬರೆತಿನವು. ಕಲ್ಲ್ದ ಪಲಯಿದ ಮಿತ್ತ್ ಅತ್ತ್ ನರಮಾನಿನ ಉಡಲ್ಡ್ ಬರೆತಿನವು ಆದುಂಡು.
4
ಇಂಚಿತ್ತಿ ಭರವಸ ಯೇಸು ಕ್ರಿಸ್ತಡ್ದೇ ನಂಕ್ ದೇವೆರೆ ಮಿತ್ತ್ ಉಂಡು.
5
ಎಂಕ್ಲೆಡ್ದೇ ಒವ್ವಾಂಡಲಾ ಉಂಡಾಂಡ್ ಪನಿಯೆರೆಗ್ ಎಂಕ್ಲೆಡ್ ಸಾಮರ್ಥ್ಯ ಇಜ್ಜಿ. ಎಂಕ್ಲೆನ ಸಾಮರ್ಥ್ಯ ದೇವೆರೆಡ್ದೇ ಬೈದಿನವು.
6
ಎಂಕ್ಲೆನ್ ಆಯೆ ಪೊಸ ಒಡಂಬಡಿಕೆದ ಎಡ್ಡೆ ಸೇವಕೆರಾದ್ ಮಲ್ತೆ. ಅವು ಬರೆತಿನ ನಿಯಮೊಲು ಆದುಪ್ಪಂದೆ ದೇವೆರಾತ್ಮದ ಸಮ್ಮಂಧ ಆದುಂಡು. ಬರೆತಿನ ನಿಯಮೊಲು ಮರಣೊನು ಕೊರೊಂದುಪ್ಪುಂಡು; ಆಂಡ ದೇವೆರಾತ್ಮ ಜೀವೊನು ಕೊರೊಂದುಪ್ಪುಂಡು.
7
ಮರಣದಂಡನೆ ಕೊರ್ಪಿನ ನ್ಯಾಯಕಟ್ಟಲೆದ ಸೇವೆ ಕಲ್ಲ್ದ ಪಲಯಿದ ಮಿತ್ತ್ ಬರೆತಿ ಅಕ್ಷರದ ಮಿತ್ತ್ ಆದಾರವಾದಿತ್ತ್ಂಡಲಾ ಆ ನ್ಯಾಯಕಟ್ಟಲೆ ದೇವೆರೆ ಮೈಮೆಡ್ದ್ ಬತ್ತಿನೆಡ್ದ್ ಮೋಶೆನ ಮೋನೆಡಿತ್ತಿನ ಬೊಲ್ಪುನು ಇಸ್ರಾಯೇಲ್ಯೆರೆಗ್ ತೂಯೆರೆ ಆಯಿಜಿ. ಆತ್ ಮೈಮೆಡಿತ್ತ್ಂಡಲಾ ಐತ ಬೊಲ್ಪು ಮಾಜಿದ್ ಪೋದಿತ್ತ್ಂಡ್.
8
ಇಂಚ ಉಪ್ಪುನಗ ಪೊಸ ರೀತಿಡ್ ದೇವೆರಾತ್ಮದ ಸೇವೆಲು ಏತೋ ಹೆಚ್ಚ್ದ ಮೈಮೆದವು ಆದುಪ್ಪೊಡತ್ತಾ?
9
ಜನೊಕುಲೆನ್ ತೀರ್ಪು ಮಲ್ಪುನ ಪರ ರೀತಿದ ಸೇವೆಲು ಮೈಮೆದವು ಆದಿತ್ತ್ಂಡ, ಜನೊಕುಲೆನ್ ನೀತಿವಂತೆರ್ ಮಲ್ಪುನ ಪೊಸ ರೀತಿದ ಸೇವೆಲು ಐಡ್ದ್ಲಾ ಹೆಚ್ಚ್ ಮೈಮೆದವು ಆದುಂಡು.
10
ನಿಜಾದ್ ಪೊಸ ರೀತಿದ ಮೈಮೆ ಹೆಚ್ಚ್ ಮೈಮೆದವು ಆದಿತ್ತಿನೆಡ್ದ್ ಆ ಪರ ರೀತಿದ ಮೈಮೆಗ್ ಹೋಲಿಕೆ ಮಲ್ತ್ಂಡ ಅವು ದಾಲಾ ಮೈಮೆದಾಂತಿನವು ಆದುಂಡು.
11
ಮಾಜಿದ್ ಪೋಪಿನವು ಈತ್ ಮೈಮೆದವು ಆದಿತ್ತ್ಂಡ ಏಪೊಗ್ಲಾ ಒರಿಯುನವು ಐಡ್ದ್ಲಾ ಹೆಚ್ಚ್ ಮೈಮೆದವು ಆದುಪ್ಪೊಡತ್ತಾ.
12
ಅಂಚಾಂಡ ಇಂಚಿತ್ತಿ ಭರವಸೆ ಎಂಕ್ಲೆಗ್ ಉಪ್ಪುನೆಡ್ದಾದ್, ಎಂಕುಲು ಧೈರ್ಯೊಡುಪ್ಪುವ.
13
ಎಂಕುಲು ಮೋಶೆ ಲೆಕ್ಕ ಅತ್ತ್; ಮಾಜಿದ್ ಪೋಪಿನ ಮೈಮೆದ ಅಂತ್ಯೊನು ಇಸ್ರಾಯೇಲ್ಯೆರ್ ತೂವಂದಿಲೆಕ್ಕ ಆಯೆ ತನ ಮೋನೆಗ್ ಮುಸ್ಕುನು ಪಾಡೊಂದಿತ್ತೆ.
14
ಆಂಡ, ಅಕ್ಲೆನ ಉಡಲ್ ಮಂದ ಆದ್ ಪೋಂಡು; ಈ ದಿನ ಮುಟ್ಟಲಾ ಪರ ಒಡಂಬಡಿಕೆದ ಪಾರಾಯಣ ಆನಗ ಆ ಮುಸ್ಕು ದೆರ್ಪಂದೆ ಉಂಡು. ಆಂಡ ಅವೆನ್ ಕ್ರಿಸ್ತಡ್ದ್ ದೆತ್ತ್ ಪಾಡಿಯೆರೆ ಸಾದ್ಯ ಆಂಡ್.
15
ಇನಿಕ್ಲಾ ಮೋಶೆನ ಗ್ರಂಥೊಲೆನ್ ಓದುನಗ ಈ ಮುಸ್ಕು ಅಕ್ಲೆ ಉಡಲ್ದ ಮಿತ್ತ್ ಪಾಡ್ದುಂಡು.
16
ಏರಾಂಡಲಾ ಕರ್ತವ ಕಡೆಕ್ಕ್ ತಿರ್ಗ್ಂಡನೇ ಆ ಮುಸ್ಕು ದೆತ್ತ್ ಪಾಡ್ದಿನವು ಆಪುಂಡು.
17
ದಾಯೆಗಂದ್ಂಡ, “ಕರ್ತವೆ,” ದೇವೆರಾತ್ಮೆ ಆದುಲ್ಲೆ; ಕರ್ತವ ಆತ್ಮೆ ಓಲ್ ಉಲ್ಲೆನಾ ಅಕ್ಲೆಗ್ ಬುಡುಗಡೆ ಉಂಡು.
18
ನಮ ಮಾತೆರ್ಲಾ ಮುಸುಕು ಇಜ್ಜಂದಿನ ಮೋನೆಡ್ ಕರ್ತವನ ಮೈಮೆದ ಬೊಲ್ಪುನು ತೋಜಾವ. ಆಯೆ ನಮನ್ ಕರ್ತವಲೆಕ್ಕ ಬದಲಾವಣೆ ಮಲ್ಪುವೆ. ಒಂಜಿ ಮೈಮೆಡ್ದ್ ಬೊಕ್ಕೊಂಜಿ ಮೈಮೆದ ರೂಪೊಗು ಸೇರಾವೆ. ಉಂದು ಆಪಿನಿ ಆತ್ಮೆ ಆದುಪ್ಪು ಕರ್ತವಡ್ದ್.
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 4 →
All chapters:
1
2
3
4
5
6
7
8
9
10
11
12
13