bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Tulu
/
Tulu (ಪೊಸ ಒಡಂಬಡಿಕೆ)
/
Hebrews 10
Hebrews 10
Tulu (ಪೊಸ ಒಡಂಬಡಿಕೆ)
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 11 →
1
ನ್ಯಾಯಕಟ್ಟ್ಡ್ ದುಂಬಗ್ ಬರಿಯರೆ ಉಪ್ಪು ಎಡ್ಡೆಂತಿನ ಪ್ರತಿಬಿಂಬನೇ ಅತ್ತಂದೆ ಐಕ್ಲೆ ನಿಜ ರೂಪದವು ಅತ್ತಂದಿನೆಡ್ದ್ ಆ ನ್ಯಾಯಕಟ್ಟ್ ವರ್ಸವರ್ಸೊಗು ಕುಡ ಕುಡ ಅರ್ಪಣೆ ಆಪಿನ ಒಂಜೇ ತರತ ಬಲಿಲೆನ್ ಅರ್ಪಣೆ ಮಲ್ತ್ದ್ ದೇವೆರೆ ಕೈತಲ್ಗ್ ಬರ್ಪಿನಾಕುಲೆಗ್ ಏಪೊಗ್ಲಾ ಪರಿಪೂರ್ಣತೆಗ್ ಕನವಂದ್.
2
ಕಂತಿನ ಪಕ್ಷೊಡು ಆ ಯಜ್ಞದ ಅರ್ಪಣೆ ಮಲ್ಪುನವು ಉಂತುದು ಪೋತು. ದಾಯೆ ಪಂಡ ದೇವಾರಾಧನೆ ಮಲ್ಪುನಾಕುಲು ಒಂಜೇ ಸರಿ ಶುದ್ಧ ಆಯಿ ಬೊಕ್ಕ ಅಕ್ಲೆಗ್ ಪಾಪ ಉಂಡು ಅಂದ್ದ್ ಅಕ್ಲೆನ ಮನಸ್ ನನಲಾ ಸಾಕ್ಷಿ ಕೊರ್ಪಿನಿ ದಾಯೆಗ್?
3
ಆಂಡ ಆ ಬಲಿ ಅರ್ಪಣೆಲೆಡ್ದ್ ಪ್ರತಿ ವರ್ಸೊಡ್ಲಾ ಪಾಪೊಲೆ ನೆನೆಪು ಆಪುಂಡು.
4
ಬೋರಿಲೆ ಬೊಕ್ಕ ಏಡ್ಲೆ ನೆತ್ತೆರ್ಡ್ದ್ ಪಾಪೊಲು ಪರಿಹಾರ ಆಪಿನವು ಸಾದ್ಯದಾಂತಿನವು ಆದುಂಡತ್ತಾ.
5
ಅಂಚಾಯಿನೆಡ್ದ್ ಕ್ರಿಸ್ತೆ ಭೂಲೋಕದ ಉಲಯಿ ಬನ್ನಗ, “ದೇವೆರೇ ಬಲಿ ಅರ್ಪಣೆಲು ನಿಕ್ಕ್ ಇಷ್ಟ ಆದಿತ್ತಿಜಿ. ಎಂಕ್ ಶರೀರೊನು ತಯಾರ್ ಮಲ್ತ್ ಕೊರಿಯ.
6
ಸರ್ವಾಂಗ ಹೋಮೊಲೆಡ್ದ್ಲಾ ಪಾಪ ಪರಿಹಾರದ ಬಲಿಡ್ದ್ಲಾ ಈ ಸಂತೋಷ ಪಡೆಯಿಜ.
7
ಅಪಗ ಯಾನ್, ‘ಇಂದಾ ದೇವೆರೇ, ಯಾನ್ ನಿನ ಚಿತ್ತೊನು ಮಲ್ಪೆರೆಗಾದ್ ಬೈದೆ.’ ಗ್ರಂಥದ ಸುರುಳಿಡ್ ಎನ ಬಗೆಟ್ ಬರೆತ್ಂಡ್,” ಪಂಡೆ
8
ನ್ಯಾಯಕಟ್ಟ್ದ ಪ್ರಕಾರ ಸಮರ್ಪಣೆ ಆವೊಂದು ಬರ್ಪಿ ಬಲಿ ಅರ್ಪಣೆಲುಲಾ ಸರ್ವಾಂಗ ಹೋಮೊಲುಲಾ ಪಾಪ ಪರಿಹಾರ ಯಜ್ಞೊಲುಲಾ ನಿಕ್ಕ್ ಇಷ್ಟ ಆದಿತ್ತಿಜಿ. ಈ ಐಡ್ದ್ ಸಂತೋಷ ಪಡೆಪುಜ ಪಂಡ್ದ್ ಪಂಡಿನಪಗನೇ,
9
“ಇಂದಾ ನಿನ ಚಿತ್ತೊನು ಮಲ್ಪೆರೆ ಬೈದೆ,” ಪಂಡ್ದ್ ಪನ್ತೆ. ಆಯೆ ರಡ್ಡನೆದೆನ್ ಸ್ಥಾಪನೆ ಮಲ್ಪೆರೆಗಾದ್ ಸುರುತ್ತೆನ್ ದೆತ್ತ್ದ್ ಬುಡ್ಪೆ.
10
ಯೇಸು ಕ್ರಿಸ್ತೆ ಒಂಜೇ ಸರಿ ತನ ಶರೀರೊನು ಅರ್ಪಣೆ ಮಲ್ತ್ದ್ ದೇವೆರೆ ಚಿತ್ತೊನು ನಡಪಾಯಿನೆಡ್ದೇ ನಮ ಶುದ್ಧ ಆಯ.
11
ಉಂದತ್ತಂದೆ ಮಾತ ಯಾಜಕೆರ್ ದಿನಾಲ ಸೇವೆ ಮಲ್ತೊಂದು ಏಪೊಗ್ಲಾ ಪಾಪ ನಿವಾರಣೆ ಮಲ್ಪರೆ ಆವಂದಿ ಒಂಜೇ ತರತ ಬಲಿಲೆನ್ ಗಡಿಗಡಿ ಅರ್ಪಣೆ ಮಲ್ತೊಂದು ಉಂತೊಂದುಪ್ಪುವೆರ್.
12
ಆಂಡ ಈ ಕ್ರಿಸ್ತೆ ಪಾಪ ಪರಿಹಾರೊಗಾದ್ ಉಂತೊಂದುಪ್ಪುನ ಒಂಜೇ ಯಜ್ಞೊನು ಅರ್ಪಣೆ ಮಲ್ತ್ದ್ ದೇವೆರೆ ಬಲತ್ತ ಮರ್ಗಿಲ್ಡ್ ಕುಲ್ಲೊಂಡೆ.
13
ಆನಿಡ್ದ್ ತನ ವೈರಿಲೆನ್ ತನ ಪಾದಪೀಠ ಆದ್ ಪಾಡುನೆಟ್ಟ ಆಯೆ ಕಾತೊಂದುಪ್ಪುವೆ.
14
ಪರಿಶುದ್ಧೆರಾಪಿನಾಕುಲೆನ್ ಒಂಜೆ ಬಲಿಡ್ದ್ ನಿತ್ಯೊಗ್ಲಾ ಪರಿಪೂರ್ಣತೆಗ್ ಕನೈದೆ.
15
ಪರಿಶುದ್ಧಾತ್ಮೆಲಾ ನಂಕ್ ಸಾಕ್ಷಿ ಕೊರ್ಪಿನಾಯೆ ಆದ್,
16
“ಆ ದಿನೊಕುಲು ಬತ್ತಿ ಬೊಕ್ಕ ಯಾನ್ ಅಕ್ಲೆಡೊಪ್ಪ ಮಲ್ತೊನುನ ಒಡಂಬಡಿಕೆ ಇಂಚ ಉಪ್ಪುಂಡು. ಎನ ನ್ಯಾಯಕಟ್ಟ್ಲೆನ್ ಅಕ್ಲೆನ ಮನಸ್ಡ್ ದೀಪೆ. ಅಕ್ಲೆನ ಉಡಲ್ಡ್ ಅವೆನ್ ಬರೆಪೆ. ಪಂಡ್ದ್ ಕರ್ತವೆ ಪನ್ಪೆ,” ಪಂಡ್ದ್ ಪಂಡಿ ಬೊಕ್ಕ,
17
“ನನ ಅಕ್ಲೆನ ಪಾಪೊಲೆನ್ಲಾ ಅನ್ಯಾಯೊಲೆನ್ಲಾ ಯಾನ್ ನನ ಏಪೊಗ್ಲಾ ನೆನೆಪುಗು ಕನವಯೆ,” ಪಂಡ್ದ್ ಪನ್ಪೆ.
18
ಪಾಪೊಲು ಪರಿಹಾರ ಆಂಡ ನನಲಾ ಐತ ಸಂಗತಿಡ್ ಅರ್ಪಣೆ ಮಲ್ಪುನ ಅಗತ್ಯ ಇಜ್ಜಿ.
19
ಇಂಚ ಉಪ್ಪುನಗ ಸಹೋದ್ರೆರೇ, ಯೇಸು ನಂಕಾದ್ ಬಲಿ ಆಯಿನ ಜೀವ ಇತ್ತಿ ಪೊಸ ಸಾದಿಡ್ ಆಯ ನೆತ್ತೆರ್ಡ್ದಾದ್ ಆಯನ ಶರೀರ ಪನ್ಪಿ ಪರದೆಡ್ದಾದ್ ದೇವೆರೆ ಪರಿಶುದ್ಧ ಸನ್ನಿಧಾನದ ಉಲಯಿ ಪೋವೆರೆ ನಂಕ್ ಧೈರ್ಯ ಉಂಡಾಂಡ್.
21
ದೇವೆರೆ ಇಲ್ಲದ ಮಿತ್ತ್ ಅಧಿಕಾರಿ ಆಯಿ ಮಲ್ಲ ಯಾಜಕೆ ನಂಕುಪ್ಪುವೆ.
22
ಅವೆಡ್ದಾವರ ಹಾಳ್ ಉಡಲ್ನ್ಲಾ ನಮ ಶರೀರೊನ್ಲಾ ತಲಿಪಾವೊಂದು ಶುದ್ಧ ನೀರ್ಡ್ದ್ ದೆಕ್ಕೊಂದು ಪರಿಪೂರ್ಣವಾಯಿನ ನಂಬಿಕೆ ಇತ್ತಿನಾಕುಲಾದ್ಲಾ ಸತ್ಯ ಮನಸಿತ್ತಿನಾಕುಲಾದ್ಲಾ ದೇವೆರೆ ಕೈತಲ್ ಬರ್ಕ.
23
ನಮ ನಿರೀಕ್ಷೆದ ಸಂಗತಿಡ್ ನಮ ಮಲ್ತಿನ ವಾಗ್ದಾನೊನು ಚಂಚಲಾವಂದೆ ದೃಢಾದ್ ಪತ್ತೊನುಗ. ವಾಗ್ದಾನ ಮಲ್ತಿನಾಯೆ ನಂಬಿಗಸ್ತೆ.
24
ಎಂಕುಲು ಒರಿಯನ್ ಒರಿ ಚಿಂತೆಕೆರಾದ್ ಪ್ರೀತಿ ಮಲ್ಪುನಾಕುಲಾದ್ಲಾ ಎಡ್ಡೆ ಬೇಲೆಲೆನ್ ಮಲ್ಪುನಾಕುಲಾದ್ಲಾ ಒರಿಯಗ್ ಒರಿ ಉಮೇದ್ ಕೊರ್ಕ.
25
ಸಭೆಯಾದ್ ಕೂಡ್ದು ಬರ್ಪಿನೆನ್ ಕೆಲೆವೆರ್ ರೂಢಿಯಾದ್ ಬುಡ್ತಿ ಪ್ರಕಾರ ಎಂಕುಲು ಬುಡ್ದು ಬುಡಂದೆ ಒರಿಯಗ್ ಒರಿ ಎಚ್ಚರಿಕೆ ಮಲ್ತೊನುಗ, ಕರ್ತವೆ ಬರ್ಪಿನ ದಿನ ಕೈತಲಾವೊಂದು ಬರ್ಪುಂಡು ಪಂಡ್ದ್ ನಿಕುಲು ತೂಪಿನೆಡ್ದ್ ಉಂದೆನ್ ಬೊಕ್ಕಲಾ ಮಲ್ಪುಲೆ.
26
ದಾಯೆ ಪಂಡ ಸತ್ಯದ ಗೇನೊನು ನಮ ಪಡೆಯಿ ಬೊಕ್ಕ ಬೋಡಂದ್ ಪಾಪ ಮಲ್ತ್ಂಡ, ಪಾಪ ಪರಿಹಾರೊಗಾದ್ ನನ ವಾ ಬಲಿಲಾ ಉಪ್ಪುಜಿ.
27
ಬಾರಿ ಪೋಡಿಗೆಡ್ ಕಾತೊಂದುಪ್ಪುನ ನ್ಯಾಯತೀರ್ಪುಲಾ ದೇವೆರೆ ವಿರೋಧಿಲೆನ್ ಪೊತ್ತಾವುನ ತೂತ ಉರಿಲಾ ಉಂದೇ ಎಂಕ್ಲೆನ ಎದುರು ಉಪ್ಪುನವು.
28
ಮೋಶೆನ ನ್ಯಾಯಕಟ್ಟ್ನ್ ಅಸಡ್ಡೆ ಮಲ್ತಿನಾಯಗ್ ಇರ್ವೆರ್ ಇಜ್ಜಾಂಡ ಮೂವೆರೆ ಸಾಕ್ಷಿಲೆ ಪಾತೆರದ ಮಿತ್ತ್ ಕನಿಕರದಾಂತೆ ಮರಣ ದಂಡನೆ ಆಪುಂಡಾತೆ.
29
ಏರ್ ದೇವೆರೆ ಮಗನ್ ದೊಂಕುದು, ನಮನ್ ಪರಿಶುದ್ಧ ಮಲ್ಪುನ ಒಡಂಬಡಿಕೆದ ನೆತ್ತೆರ್ನ್ ಅಶುದ್ಧ ಅಂದ್ದ್ ಎನ್ನ್ದ್, ದೇವೆರೆ ದಯತ ಆತ್ಮನ್ ತಿರಸ್ಕಾರ ಮಲ್ತ್ದೆನಾ ಆಯೆ ನನಲಾ ಏತೋ ಹೆಚ್ಚಿಗೆದ ಶಿಕ್ಷೆ ಹೊಂದುವೆ ಅಂದ್ದ್ ಆಲೋಚನೆ ಮಲ್ಪುಲೆ.
30
“ಪಗತೆಗ್ ಪಗತೆ ಕೊರ್ಪಿನವು ಎನ ಬೇಲೆ. ಯಾನೇ ಪ್ರತಿಫಲೊನು ಕೊರ್ಪೆ,” ಪಂಡ್ದ್ ಪಂಡಿನಾಯನ್ ತೆರಿದ. ಉಂದತ್ತಂದೆ, “ಕರ್ತವೆ ತನ ಜನೊಕುಲೆ ನ್ಯಾಯೊನು ವಿಚಾರ ಮಲ್ಪುವೆ,” ಪಂಡ್ದ್ಲಾ ಪನ್ತ್ಂಡ್.
31
ಜೀವ ಇತ್ತಿ ದೇವೆರೆ ಕೈಟ್ ಬೂರುನವು ಏತೋ ಭಯಂಕರವಾಯಿನವು.
32
ಅಂಚಾಯಿನೆಡ್ದ್ ನಿಕುಲು ಗೇನದ ಬೊಲ್ಪುಗು ಸೇರ್ದ್ ಕಷ್ಟ ಅನುಭವ ಪನ್ಪಿ ಮಲ್ಲ ಹೋರಾಟೊನು ಸಹಿಸೊಂದಿನ ಪಿರವುದ ದಿನೊಲೆನ್ ನೆನೆಪು ಮಲ್ತೊನ್ಲೆ.
33
ಮಸ್ತ್ ಸರ್ತಿ ನಿಕುಲು ನಿಂದೆ ಭಂಗ ಅನುಭವ ಮಲ್ತ್ದ್ ಹಾಸ್ಯೊಗು ಒಳಗಾಯರ್. ಕೆಲವು ಸರಿ ಅಂಚಿತ್ತಿನೆನ್ ಅನುಭವ ಮಲ್ಪುನಾಕುಲೆಡೊಪ್ಪ ಸೇರ್ದಿನಾಕುಲಾದ್ ಭಂಗ ಅನುಭವ ಮಲ್ಪುನಾಕುಲು ಆಯರ್.
34
ಸೆರೆಮನೆಟ್ ಬೂರಿನಾಕುಲೆನ ಭಂಗೊನು ತೂದು ಅಕ್ಲೆಡೊಪ್ಪ ನಿಕುಲು ಕನಿಕರ ಪಡೆಯಿನಿ ಅತ್ತಂದೆ ನಂಕ್ ಎಡ್ಡೆಂತಿನವುಲಾ ಸ್ಥಿರವಾದ್ಲಾ ಇತ್ತಿನ ಆಸ್ತಿ ಉಂಡು ಪಂಡ್ದ್ ಸರಿಯಾದ್ ತೆರಿಯೊಂದು ನಿಕ್ಲೆನ ಸೊತ್ತುಲೆನ್ ಒಯ್ತೊನುನಾಕುಲೆಗ್ ಸಂತೋಷೊಡು ಬುಡಿಯರ್.
35
ಅಂಚಾಂಡ ನಿಕ್ಲೆನ ಧೈರ್ಯೊನು ಬುಡ್ದು ಬುಡಡೆ. ಐಕ್ ಮಲ್ಲ ಪ್ರತಿಫಲ ಉಂಡು.
36
ದೇವೆರೆ ಚಿತ್ತೊನು ತೀರಿಸಾದ್ ವಾಗ್ದಾನದ ಫಲೊನು ಪಡೆವೊಡಾಂಡ ನಿಕ್ಲೆಗ್ ತಾಳ್ಮೆ ಬೋಡು.
37
“ಬರ್ಪಿನಾಯೆ ನನ ಒಂತೆ ಸಮಯೊಡು ಬರ್ಪೆ ತಡ ಮಲ್ಪುಜೆ.”
38
ಆಂಡ, “ಎನ್ನಾಯೆ ಆದುಪ್ಪು ನೀತಿವಂತೆ ನಂಬಿಕೆಡ್ದೇ ಬದುಕುವೆ. ಆಯೆ ಪಿರ ಜಾರಿಯೆಡ ಎನ ಪ್ರಾಣೊಗು ಆಯಡ ಮೆಚ್ಚಿಗೆ ಇಜ್ಜಿ,” ಅಂದ್ದ್ ಬರೆತ್ಂಡ್.
39
ಎಂಕುಲಾಂಡಲಾ ಪಿರಜಾರ್ದ್ ನಾಶ ಆಪಿನಾಕುಲತ್ತ್, ನಂಬುನಾಕುಲಾದ್ ಪ್ರಾಣ ರಕ್ಷಣೆನ್ ಪಡೆಪಿನಾಕುಲಾದುಲ್ಲಾ.
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 11 →
All chapters:
1
2
3
4
5
6
7
8
9
10
11
12
13