bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Tulu
/
Tulu (ಪೊಸ ಒಡಂಬಡಿಕೆ)
/
Philippians 3
Philippians 3
Tulu (ಪೊಸ ಒಡಂಬಡಿಕೆ)
← Chapter 2
Jump to:
Chapter 1
Chapter 2
Chapter 3
Chapter 4
Chapter 4 →
1
ಕಡೇತ ಪಾತೆರ ದಾನೆಂದ್ಂಡ, ಎನ ಸಹೋದ್ರೆರೇ, ಎಂಚಿನ ಆಂಡಲಾ ಕರ್ತವಡ್ ಸಂತೋಷ ಮಲ್ಪುಲೆ. ಎಂಕ್ ಈ ಪಾತೆರೊಲೆನ್ ಕುಡ ನಿಕ್ಲೆಗ್ ಬರೆಪಿನೆಟ್ಟ್ ದಾಲಾ ಬೇಜರ್ ಇಜ್ಜಿ; ಅವು ನಿಕ್ಲೆನ್ ಜೋಕೆಡ್ ಕಾತೊಂದುಪ್ಪುಂಡು.
2
ಆ ನಾಯಿಲೆಡ್ದ್ ಎಚ್ಚರಿಕೆ ಆದುಪ್ಪುಲೆ. ಹಾಳ್ ಮನಸ್ಡ್ ಬೇಲೆ ಮಲ್ಪುನಾಕುಲೆಡ್ದ್ಲಾ ಎಚ್ಚರಿಕೆ ಆದುಪ್ಪುಲೆ. ಸುನ್ನತಿ ಆವೊಡು ಪನೊಂದು ಅಂಗೊನು ಕಡ್ತ್ ಪಾಡುನಾಕುಲೆಡ್ದ್ಲಾ ಎಚ್ಚರಿಕೆ ಆದುಪ್ಪುಲೆ.
3
ನಿಜವಾಯಿನ ಸುನ್ನತಿದಾಕುಲು ಏರ್ ಅಂದ್ಂಡ, ದೇವೆರಾತ್ಮೊಡ್ದು ಪ್ರೇರಣೆ ಆದ್ ಆರಾಧನೆ ಮಲ್ಪುನಾಕುಲುಲಾ ಕ್ರಿಸ್ತ ಯೇಸುಡು ಸಂತೋಷ ಮಲ್ಪುನಾಕುಲುಲಾ ಶರೀರ ಸಮ್ಮಂಧವಾದುಪ್ಪುನೆಟ್ ಭರವಸ ದೀವಂದೆ ಉಪ್ಪು ನಮನೇ.
4
ಯಾನಾಂಡಲಾ ಶರೀರ ಸಮ್ಮಂಧವಾಯಿನೆಟ್ ಭರವಸ ದೀಂಡಲಾ ದೀವೊಲಿ. ಬೇತೆ ಏರಾಂಡಲಾ ಶರೀರ ಸಮ್ಮಂಧವಾಯಿನೆಟ್ ಭರವಸ ದೀವೊಲಿ ಅಂದ್ದ್ ಆಲೋಚನೆ ಮಲ್ಪುವೆಡಲಾ ಯಾನ್ ಆಯಡ್ದ್ಲಾ ಹೆಚ್ಚಾದ್ ಅಂಚ ಆಲೋಚನೆ ಮಲ್ಪೆರೆ ಕಾರಣ ಉಂಡು.
5
ಪುಟ್ಟುದಿನ ಎನ್ಮನೆ ದಿನೊಟು ಎಂಕ್ ಸುನ್ನತಿ ಆಂಡ್. ಯಾನ್ ಇಸ್ರಾಯೇಲ್ ವಂಶದಾಯೆ. ಬೆನ್ಯಾಮೀನ್ ಗೋತ್ರೊಗು ಸೇರಿದಿನಾಯೆ. ಇಬ್ರಿಯೆರೆಡ್ದ್ ಪುಟ್ಟುದಿನ ಇಬ್ರಿಯೆ ಆದುಲ್ಲೆ. ನ್ಯಾಯಕಟ್ಟಲೆದ ಲೆಕ್ಕೊಡು ತೂಂಡ ಯಾನ್ ಪರಿಸಾಯೆ.
6
ಎನ ಧರ್ಮಾಭಿಮಾನ ಏತ್ ಇತ್ತ್ಂಡ್ ಪಂಡ್ಂಡ ಯಾನ್ ಕ್ರೈಸ್ತ ಸಭೆಕ್ ಮಸ್ತ್ ಭಂಗ ಕೊರಿನಾಯೆ. ನೀತಿದ ವಿಚಾರೊಡು ತೂಪುಂಡ ಯಾನ್ ನ್ಯಾಯಕಟ್ಟ್ಡುಪ್ಪುನೆನ್ ಸರಿಯಾದ್ ಕೈಕೊಂದು ತಪ್ಪುದಾಂತಿನಾಯೆ ಆದುಲ್ಲೆ.
7
ಉಂದು ಮಾತ ಲಾಭ ಅಂದ್ದ್ ಯಾನ್ ಒರ ಎನ್ನೊಂದಿತ್ತೆ, ಆಂಡ ಕ್ರಿಸ್ತನ ಕಾರ್ಯದ ಎದುರುಡು ಅವು ಮಾತ ನಷ್ಟ ಅಂದ್ದ್ ಎನ್ನುವೆ.
8
ಅಂದ್, ನೆಡ್ದ್ ಹೆಚ್ಚಾದ್ ಎನ ಕರ್ತವೆ ಆದುಪ್ಪು ಕ್ರಿಸ್ತ ಯೇಸುನು ತೆರಿಯೊನುನೆತ್ತ ಮಲ್ಲ ಭಾಗ್ಯದ ಎದುರುಡು ಉಂದು ಮಾತಲಾ ವ್ಯರ್ಥ ಆದುಂಡು. ಆಯಗಾದ್ ಮಾತೆನ್ ಕಳೆವೊಂದು ಯಾನ್ ಅವೆನ್ ಕಜವು ಅಂದ್ದ್ ಎನ್ನ್ದೆ.
9
ಇಂಚ ಯಾನ್ ಕ್ರಿಸ್ತನ್ ಪಡೆಯೊಂದು ಆಯಡ ಒಂಜಿ ಆವೆರೆ ಆಪುಂಡು. ನ್ಯಾಯಕಟ್ಟ್ ಕೈಕೊನುನೆಡ್ದ್ ನೀತಿವಂತೆ ಆತೆ ಪನ್ಪಿನೆನ್ ಯಾನ್ ಗೆನ್ಪಂದೆ, ಇತ್ತೆ ಯಾನ್ ಕ್ರಿಸ್ತಡ್ ನಂಬಿಕೆ ದೀಪಿನೆಡ್ದೇ ನೀತಿವಂತೆ ಆತೆ ಅಂದ್ದ್ ನಂಬುವೆ. ದಾಯೆಗಂದ್ಂಡ ತನ ಒಟ್ಟುಗು ದೇವೆರ್ ನಮನ್ ನೀತಿವಂತೆರ್ ಮಲ್ಪುನವು ನಮ ನಂಬಿಕೆದ ಮಿತ್ತ್ ಆಧಾರ ಆದುಂಡು.
10
ಯೇಸು ಕ್ರಿಸ್ತನ್ ತೆರಿಯೊಂದು ಆಯನ್ ಸೈತಿನಾಕುಲೆಡ್ದ್ ಲಕ್ಕಾಯಿನ ಮಲ್ಲ ಶಕ್ತಿನ್ ಅನುಭವ ಮಲ್ತೊಂದು, ಆಯಡೊಪ್ಪ ಶ್ರಮೆನ್ ಸೈಸೊಂದು ಆಯ ಮರಣೊಡು ಪಾಲ್ದಾರೆ ಆವೊಡು ಅಂದ್ದ್ ಆಸೆ ಮಲ್ಪುವೆ.
11
ಅಂಚಾಂಡ, ಸೈತಿನಾಕುಲೆಡ್ದ್ ಕುಡ ಲಕ್ಕುನ ಅನುಭವ ಆವು ಪನ್ಪಿನ ನಿರೀಕ್ಷೆ ಎಂಕುಂಡು.
12
ಉಂದೆತ್ತ ಅರ್ಥ ಯಾನ್ ಇತ್ತೆನೇ ಮಾತೆನ್ ಪಡೆಯೊಂಡೆ ಪಂಡ್ದಾವಡ್, ಪರಿಪೂರ್ಣತೆಗ್ ಮುಟ್ಟಿಯೆ ಪಂಡ್ದಾವಡ್ ಪನ್ಪುಜಿ. ಆಂಡ ಕ್ರಿಸ್ತ ಯೇಸು ಒಯಿಕಾದ್ ಎನನ್ ಪತ್ತಿಯೆನಾ ಅವೆನ್ ಪತ್ತೊನೊಡು ಅಂದ್ದ್ ಪ್ರಯತ್ನ ಮಲ್ತೊಂದುಲ್ಲೆ.
13
ಸಹೋದ್ರೆರೇ, ಯಾನ್ ಗಡುಕು ಕಂಡಿತಾದ್ ಮುಟ್ಟುದುಜಿ ಅಂದ್ದ್ ಎನ್ನುವೆ, ಆಂಡ ಯಾನ್ ಒಂಜೆನೇ ದೃಷ್ಟಿಡ್ ದೀವೊಂದೆ, ಅವು ದಾನೆ ಪಂಡ್ಂಡ, ಪಿರವುದೆನ್ ಮದತ್ ಬುಡ್ದು ಎದುರು ಇತ್ತಿನೆಕ್ಕ್ ಗಮನ ದೀದ್,
14
ಈ ಪಾರುನೆತ್ತ ಕಡೆ ಮುಟ್ಟೆರೆಗಾದ್ ಪ್ರಯಾಸ ಮಲ್ತೊಂದುಲ್ಲೆ; ನಮನ್ ದೇವೆರ್, ಕ್ರಿಸ್ತ ಯೇಸುಡ್ದಾದ್ ಲೆತ್ತಿನ ಆ ಪರಲೋಕದ ಉಡಿಗೆರೆನ್ ದೆತ್ತೊನೆರೆಗಾದ್ ಪಾರೊಂದುಲ್ಲೆ.
15
ನಮ್ಮಾಕುಲೆಡ್ ಮಾತೆರ್ಲಾ ಆತ್ಮೀಕ ರೀತಿಡ್ ಪರಿಪೂರ್ಣ ಆತಿನಾಕುಲು ಉಂದೇ ಅಭಿಪ್ರಾಯದಾಕುಲು ಆದುಪ್ಪುಗ. ಬೊಕ್ಕ ಒವ್ವಾಂಡಲಾ ಒಂಜಿ ಸಂಗತಿಡ್ ನಿಕ್ಲೆಡ್ ಬೇತೆ ಅಭಿಪ್ರಾಯದಾಕುಲು ಆದಿತ್ತೆರ್ಡ ದೇವೆರ್ ಅವೆನ್ ನಿಕ್ಲೆಗ್ ಸ್ಪಷ್ಟ ಮಲ್ತ್ದ್ ತೋಜಾವೆ.
16
ಆಂಡಲಾ, ನಮ ವಾ ಕ್ರಮೊನು ಪತ್ತೊಂದು ಇದ ಮುಟ್ಟ ಬೈದನಾ ಅವೆನೇ ಪತ್ತೊಂದು ನಡತೊನುಗ.
17
ಸಹೋದ್ರೆರೇ, ನಿಕುಲು ಮಾತೆರ್ಲಾ ಎನ ಪಾಡ್ದಾಕುಲಾದುಪ್ಪುಲೆ ಬೊಕ್ಕ ಎಂಕುಲು ನಿಕ್ಲೆಗ್ ತೋಜಾಯಿನ ಮಾದ್ರಿದ ಲೆಕ್ಕ ಏರ್ ನಡತೊನ್ವೆರಾ ಅಕ್ಲೆನ್ ಲಕ್ಷ ದೀದ್ ತೂಲೆ.
18
ದಾಯೆಗಂದ್ಂಡ ಮಸ್ತ್ ಜನ ಕ್ರಿಸ್ತನ ಕ್ರುಸ್ಸುದ ವೈರಿಲಾದ್ ನಡತೊಂದುಲ್ಲೆರ್. ಅಕ್ಲೆನ ಸಂಗತಿಡ್ ನಿಕ್ಲೆಗ್ ಸುರುಟ್ಟು ಮಸ್ತ್ ಸರ್ತಿ ಪನ್ತೆ. ಇತ್ತೆಲಾ ಕಣ್ಣೀರ್ ಬುಡ್ದು ಕುಡ ಪನ್ಪೆ
19
ನಾಶನನೇ ಅಕ್ಲೆನ ಕಡೆತ ಸ್ಥಿತಿ, ಬಂಜಿಯೇ ಅಕ್ಲೆನ ದೇವೆರ್, ನಾಚಿಗೆದ ಬೇಲೆನೇ ಅಕ್ಲೆನ ಗತ್ತ್. ಅಕುಲು ಲೋಕದ ಕಾರ್ಯೊಲೆ ಮಿತ್ತ್ ಚಿಂತೆ ಮಲ್ಪುನಾಕುಲು.
20
ಎಂಕುಲಾಂಡಲಾ ಪರಲೋಕ ರಾಜ್ಯದಾಕುಲು, ಕರ್ತವೆ ಆದುಪ್ಪು ಯೇಸು ಕ್ರಿಸ್ತೆ ಅಲ್ತ್ಡ್ದೇ ನಮ ರಕ್ಷಕೆ ಆದ್ ಬರ್ಪಿನೆನ್ ಕಾತೊಂದುಲ್ಲ.
21
ಆಯೆ ಮಾತೆನ್ಲಾ ತನ್ಕ್ ವಶ ಮಲ್ತೊನೊಡಾಪಿನ ಕಾರ್ಯೊನು ಸಾದನೆ ಮಲ್ತ್ದ್ ಬಲಹೀನ ಸ್ಥಿತಿಟ್ಟೆ ಉಪ್ಪುನ ನಮ ಶರೀರೊನು ಮಾರ್ಪಾಟ ಮಲ್ತ್ದ್ ಮೈಮೆ ಇತ್ತಿ ತನ ಶರೀರದ ಸಮರೂಪ ಆಪಿಲೆಕ್ಕ ಮಲ್ಪುವೆ.
← Chapter 2
Jump to:
Chapter 1
Chapter 2
Chapter 3
Chapter 4
Chapter 4 →
All chapters:
1
2
3
4
Recommended Reading
Commentary
Philippians Commentaries
→
Devotional
Philippians Devotional Guide
→
Get This Bible
Tulu (ಪೊಸ ಒಡಂಬಡಿಕೆ) Study Bible
→