bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Tulu
/
Tulu (ಪೊಸ ಒಡಂಬಡಿಕೆ)
/
Revelation 21
Revelation 21
Tulu (ಪೊಸ ಒಡಂಬಡಿಕೆ)
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 22 →
1
ಬೊಕ್ಕ ಯಾನ್ ಪೊಸ ಪರಲೋಕೊನ್ಲಾ ಪೊಸ ಭೂಮಿನ್ಲಾ ತೂಯೆ. ದುಂಬುದ ಪರಲೋಕಲಾ ಭೂಮಿಲಾ ಇಜ್ಜಂದೆ ಪೋಂಡು. ಬೊಕ್ಕ ಕಡಲ್ಲಾ ನನ ಇಜ್ಜಿ.
2
ಉಂದತ್ತಂದೆ ಪರಿಶುದ್ಧ ಪಟ್ಟಣ ಆದುಪ್ಪು ಪೊಸ ಯೆರೂಸಲೇಮು, ಪರಲೋಕೊಡ್ದು ದೇವೆರೆ ಕೈತಲ್ಡ್ದ್ ಜತ್ತ್ದ್ ಬರ್ಪಿನೆನ್ ತೂಯೆ. ಅವು ತನ ಮದ್ಮಯಗಾದ್ ಐತ ಆತಿ ಮದ್ಮಲ್ ಲೆಕ್ಕ ಇತ್ತ್ಂಡ್.
3
ಉಂದತ್ತಂದೆ ಗದ್ದಿಗೆಡ್ದ್ ಬತ್ತಿ ಒಂಜಿ ಮಲ್ಲ ಸ್ವರ ಎಂಕ್ ಕೇಂಡ್ಂಡ್, “ಇಂದಾ, ದೇವೆರೆ ಗುಡಾರ ಇತ್ತೆ ಆಯನ ಜನೊಕುಲೆಡೊಪ್ಪ ಉಂಡು. ಅಕುಲು ಆಯಗ್ ಪ್ರಜೆಕುಲು ಆದುಪ್ಪುವೆರ್. ದೇವೆರ್ ತಾನೇ ಅಕ್ಲೆಡೊಪ್ಪ ಉಪ್ಪುವೆ.”
4
ಅಕ್ಲೆನ ಕಣ್ಣೀರ್ನ್ ಮಾತೆನ್ ಒಚ್ಚಿದ್ ಬುಡ್ಪೆ. ನನ ಮರಣ ಉಪ್ಪುಜಿ. ನನ ದುಃಖ ಆವಡ್, ಬುಲ್ಪುನವು ಆವಡ್, ಬೇನೆ ಆವಡ್ ಉಪ್ಪುಜಿ. ಸುರುಟ್ಟು ಇತ್ತಿನವು ಮಾತ ಇಜ್ಜಾಂದೆ ಪೋಂಡು ಅಂದ್ದ್ ಪಂಡ್ಂಡ್.
5
ಬೊಕ್ಕ ಗದ್ದಿಗೆಡ್ ಕುಲ್ಲುದಿನಾಯೆ ಪಂಡೆ, “ಇಂದಾ ಯಾನ್ ಮಾತೆನ್ಲಾ ಪೊಸತ್ತ್ ಮಲ್ಪುವೆ.” ಬೊಕ್ಕ ಆಯೆ ಎಂಕ್ ಪಂಡೆ, “ಉಂದೆನ್ ಬರೆಲ, ದಾಯೆಗಂದ್ಂಡ ಯಾನ್ ಪನ್ಪಿನ ಪಾತೆರೊಲು ನಂಬಿಕೆದವುಲಾ ಸತ್ಯದವುಲಾ ಆದುಂಡು.”
6
ಅಪಗ ಗದ್ದಿಗೆಡ್ ಕುಲ್ಲುದಿತ್ತಿನಾಯೆ, “ಮಾತ ನಡತ್ಂಡ್. ಯಾನೇ ಆದಿಲಾ ಅಂತ್ಯಲಾ, ಸುರುತ್ತಾಯೆಲಾ ಕಡೆತ್ತಾಯೆಲಾ ಆದುಲ್ಲೆ. ಬಾಜೆಲ್ ಆಯಿನಾಯಗ್ ಜೀವದ ವಸರ್ಡ್ದ್ ನೀರ್ನ್ ಕ್ರಯದಾಂತೆ ಪರಿಯೆರೆ ಕೊರ್ಪೆ.
7
ಗೆಂದಿನಾಯೆ ನೆಕ್ಕ್ ಮಾತೆಕ್ ಬಾಧ್ಯಸ್ತಿಗೆ ಆಪೆ. ಯಾನ್ ಆಯಗ್ ದೇವೆರಾದುಪ್ಪುವೆ. ಆಯೆ ಎಂಕ್ ಮಗೆ ಆದುಪ್ಪುವೆ.
8
ಆಂಡ ಪುಕ್ಕೆಲೆರ್, ನಂಬಿಕೆದಾಂತಿನಾಕುಲು, ಭ್ರಷ್ಟೆರ್, ಮಾನ್ಯ ಕೆರ್ಪಿನಾಕುಲು, ಹಾದ್ರದಾಕುಲು, ಮಾಟಮಂತ್ರ ಮಲ್ಪುನಾಕುಲು, ಮೂರ್ತಿಪೂಜೆ ಮಲ್ಪುನಾಕುಲು, ಮಾತ ಸುಳ್ಳು ಪನ್ಪಿನಾಕುಲು ಮೊಕ್ಲೆಗ್ ತಿಕ್ಕುನ ಪಾಲ್ ತೂ ಗಂಧಕೊಡು ಅರ್ಲೊಂದುಪ್ಪುನ ತೂತ ಕೆರೆನೇ. ಉಂದು ರಡ್ಡನೆ ಮರಣ,” ಅಂದ್ದ್ ಎಂಕ್ ಪಂಡೆ.
9
ಕಡೆತ ಏಳ್ ಉಪದ್ರೊಲೆಡ್ ದಿಂಜಿದ್ ಏಳ್ ಬಾಜನೊಲೆನ್ ಪತ್ತೊಂದಿತ್ತಿ ಏಳ್ ಮಂದಿ ದೂತೆರೆಡ್ ಒರಿ ಬತ್ತ್ದ್ ಎನಡ ಪಾತೆರೊಂದು, “ಬಲ, ಕುರಿತ ಕಿನ್ನಿದ ಮದ್ಮಲ್ ಆಪಿನ ಬೊಡೆದಿನ್ ನಿಕ್ಕ್ ತೋಜಾವೆ,” ಅಂದ್ದ್ ಪಂಡೆ.
10
ಬೊಕ್ಕ ಆಯೆ ಎನನ್ ಆತ್ಮೊಡು ಮಲ್ಲ ಎತ್ತರದ ಒಂಜಿ ಪರ್ವತದ ಮಿತ್ತ್ ಲೆತ್ತೊಂದು ಪೋದು, ಪರಿಶುದ್ಧ ಪಟ್ಟಣ ಆದುಪ್ಪು ಯೆರೂಸಲೇಮು ಪರಲೋಕೊಡ್ದು ದೇವೆರೆ ಕಡೆಡ್ದ್ ಜತ್ತೊಂದು ಬರ್ಪಿನೆನ್ ಎಂಕ್ ತೋಜಾಯೆ.
11
ಅವು ದೇವೆರೆ ಮೈಮೆಡ್ ಮಿಂಚೊಂದಿತ್ತ್ಂಡ್; ಪಟ್ಟಣ ಬಿಲೆ ಇತ್ತಿ ರತ್ನದ ಬೊಲ್ಪುಗು ಸಮ ಆದಿತ್ತ್ಂಡ್. ಪಳಪಳ ಮಿಂಚುನ ವಜ್ರದ ಲೆಕ್ಕ ತೋಜ್ಂಡ್.
12
ಆ ಪಟ್ಟಣೊಗು ಎತ್ತರ ಇತ್ತಿ ಮಲ್ಲ ಗೋಡೆಲಾ ಪದ್ರಾಡ್ ಬಾಕಿಲ್ಲಾ ಇತ್ತ್ಂಡ್, ಅವೆನ್ ಪದ್ರಾಡ್ ದೂತೆರ್ ಕಾತೊಂದಿತ್ತೆರ್. ಬೊಕ್ಕ ಇಸ್ರಾಯೇಲ್ಯೆರೆ ಪದ್ರಾಡ್ ಗೋತ್ರದ ಪುದರ್ ಆ ಪದ್ರಾಡ್ ಬಾಕಿಲ್ಡ್ ಬರೆದಿತ್ತ್ಂಡ್.
13
ಮುಡಯಿ, ಪಡ್ಡಯಿ, ಬಡಕಯಿ, ತೆನ್ಕಯಿ ಇಂಚ ನಾಲ್ ದಿಕ್ಕ್ಲೆಡ್ ಒಂಜೊಂಜೆಟ್ ಮೂಜಿ ಮೂಜಿ ಬಾಕಿಲ್ ಇತ್ತ್ಂಡ್.
14
ಪಟ್ಟಣದ ಗೋಡೆಗ್ ಪದ್ರಾಡ್ ಪಂಚಾಂಗದ ಕಲ್ಲ್ಲ್ ಇತ್ತ್ದ್ ಐಟ್ಟ್ ಯಜ್ಞದ ಕುರಿತ ಕಿನ್ನಿ ಆದುಪ್ಪುನಾಯನ ಪದ್ರಾಡ್ ಅಪೊಸ್ತಲೆರೆ ಪುದರ್ಲು ಬರೆದಿತ್ತ್ಂಡ್.
15
ಎನಡ ಪಾತೆರಿನಾಯೆ, ಆ ಪೇಂಟೆನ್, ಐತ ಬಾಕಿಲ್ಲೆನ್ಲಾ ಗೋಡೆಲೆನ್ಲಾ ಲಪ್ಪರೆಗಾದ್ ತನ ಕೈಟ್ ಬಂಗಾರ್ದ ಒಂಜಿ ಲಪ್ಪುನ ಕೋಲುನು ಪತ್ತೊಂದಿತ್ತೆ.
16
ಆ ಪಟ್ಟಣ ಚೌಕಾದಿತ್ತ್ಂಡ್, ಉದ್ಧದಾತೆ ಅಗೆಲಲಾ ಇತ್ತ್ಂಡ್. ಆಯೆ ಲಪ್ಪುನ ಕೋಲುದ ಉದ್ಧ, ಅಗೆಲ, ಎತ್ತರ ಮಾತಲಾ ಪದ್ರಾಡ್ ಸಾರ ಮೈಲ್ ಆದಿತ್ತ್ಂಡ್.
17
ಬೊಕ್ಕ ಆಯೆ ಗೋಡೆನ್ ಲಪ್ಪುನ ಕೋಲು ಅವು ನೂತ ನಲ್ಪತ್ತ ನಾಲ್ ಮುಳ ದಪ್ಪ ಇತ್ತ್ಂಡ್. ಅವು ಆ ದೂತೆ ಲತ್ತಿನಿ ನರಮಾನಿಲೆ ಅಳತೆದ ಲೆಕ್ಕನೇ.
18
ಆ ಗೋಡೆ ಸೂರ್ಯಕಾಂತಶಿಲೆಡ್ದ್ ಕಟ್ಟ್ದಿತ್ತ್ಂಡ್. ಬೊಕ್ಕ ಪಟ್ಟಣ ಕನ್ನಡಿದಲೆಕ್ಕ ಶುದ್ಧ ಆದಿತ್ತಿನ ಬಂಗಾರ್ದವು.
19
ಆ ಪಟ್ಟಣದ ಗೋಡೆನ್ ಮಾತ ಬಿಲೆ ಇತ್ತಿ ಕಲ್ಲ್ಲೆಡ್ ಪಂಚಾಂಗದ ಮಿತ್ತ್ ಕಟ್ಟ್ದಿತ್ತ್ಂಡ್. ಸುರುತ್ತ ಕಲ್ಲ್ ಸೂರ್ಯಕಾಂತಶಿಲೆ, ರಡ್ಡನೆದವು ನೀಲಮಣಿ, ಮೂಜನೆದವು ಪಚ್ಚೆ, ನಾಲನೆದವು ಪದ್ಮರಾಗ
20
ಐನ್ನೆದವು ಗೋಮೇಧಿಕ, ಆಜನೆದವು ಮಾಣಿಕ್ಯ, ಏಳನೆದವು ಪೀತರತ್ನ, ಎನ್ಮನೆದವು ಬೆರುಲ್ಲ, ಒಂರ್ಬನೆದವು ಪುಷ್ಯರಾಗ, ಪತ್ತನೆದವು ಗರುಡಪಚ್ಚೆ, ಪತ್ತೊಂಜನೆದವು ಇಂದ್ರ ನೀಲ, ಬೊಕ್ಕ ಪದ್ರಾಡನೆದವು ನೀಲಸ್ಫಟಿಕ.
21
ಬೊಕ್ಕ ಪದ್ರಾಡ್ ಬಾಕಿಲ್ ಪದ್ರಾಡ್ ಮುತ್ತುಲೆಡ್ದ್ ಮಲ್ತ್ದಿನವು. ಒಂಜೊಂಜಿ ಬಾಕಿಲ್ ಒಂಜೊಂಜಿ ಮುತ್ತುಡ್ದು ಮಲ್ತ್ದಿನವು. ಬೊಕ್ಕ ಐತ ಪಟ್ಟಣದ ಸಾದಿ ಕನ್ನಡಿದಲೆಕ್ಕ ಶುದ್ಧ ಬಂಗಾರ್ದವು ಆದಿತ್ತ್ಂಡ್.
22
ಆ ಪೇಂಟೆಡ್ ಎಂಕ್ ವಾ ದೇವಾಲಯಲಾ ತೋಜಿಜಿ; ದಾಯೆಗಂದ್ಂಡ ಸರ್ವತ್ರಾಣಿ ದೇವೆರಾದುಪ್ಪು ಕರ್ತವೆಲಾ ಯಜ್ಞದ ಕುರಿತ ಕಿನ್ನಿ ಆದುಪ್ಪುನಾಯೆಲಾ ಐತ ದೇವಾಲಯ ಆದಿತ್ತೆರ್.
23
ಬೊಕ್ಕ ಆ ಪಟ್ಟಣೊಗು ಸೂರ್ಯೆ ಆವಡ್ ಚಂದ್ರೆ ಆವಡ್ ಬೋಡಿತ್ತಿಜಿ. ದಾಯೆಗಂದ್ಂಡ ದೇವೆರೆ ಮೈಮೆನೇ ಆ ಪಟ್ಟಣೊಗು ತುಡರ್ದ ಬೊಲ್ಪು ಆದಿತ್ತ್ಂಡ್; ಯಜ್ಞದ ಕುರಿತ ಕಿನ್ನಿ ಆದುಪ್ಪುನಾಯೆ ಐತ ಬೊಲ್ಪು ಆದಿತ್ತೆ.
24
ಐತ ಬೊಲ್ಪುಡು ಜನಾಂಗೊಲು ನಡಪುವೆರ್ ಬೊಕ್ಕ ಭೂಮಿದ ಅರಸುನಕುಲು ತನ್ಕುಲೆ ಮಾತ ಮೈಮೆ ಪ್ರಭಾವಡೊಪ್ಪ ಆ ಪಟ್ಟಣೊಗು ಪ್ರವೇಶ ಆಪೆರ್.
25
ಪಗೆಲ್ಡ್ ಪಟ್ಟಣದ ಬಾಕಿಲ್ನ್ ಮುಚ್ಚುನೆ ಇಜ್ಜಿ. ದಾಯೆಗಂದ್ಂಡ ಅಲ್ಪ ರಾತ್ರೆನೇ ಉಪ್ಪಂದ್.
26
ಮಾತ ಜನಾಂಗೊಲು ತನ್ಕುಲೆ ಮೈಮೆ ಪ್ರಭಾವೊಲೆನ್ ಪಟ್ಟಣದ ಉಲಯಿ ಕನಬರ್ಪೆರ್.
27
ಆಂಡ ಅಶುದ್ಧ ಕಾರ್ಯೊನು ಒವೆನ್ಲಾ ಪೊಗ್ಗೆರೆ ಬುಡ್ಪುಜೆರ್. ಅತ್ತ್ಡ ಪೇಸಿಗೆದಾಕುಲೆನ್ಲಾ, ಸುಳ್ಳು ಪನ್ಪಿನಾಕುಲೆನ್ಲಾ ಬುಡ್ಪುಜೆರ್. ಆಂಡ ಏರೇರೆನ ಪುದರುಲು ಯಜ್ಞದ ಕುರಿತ ಕಿನ್ನಿ ಆದುಪ್ಪುನಾಯನ ಜೀವಬಾಧ್ಯೆರೆ ಪುಸ್ತಕೊಡು ಬರೆದುಂಡಾ ಅಕುಲು ಮಾತ್ರ ಪಟ್ಟಣೊಗು ಸೇರುವೆರ್.
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 22 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22