2 Samuel 1

Tswana 1890 (Bibela ea Boitsépho 1890 (Sechuana Tlhaping - Moffatt Bible))

Jump to: Chapter 2 →

1MI ga rihala morago ga loshu loa ga Saule, ka Davide a sina boea mo khemethoñ ea Baamaleka, le ka Davide a sina tlola ka malatsi a tu kua Tsikelaga;

2Ga rihala ka tsatsi ya bo‐teri, mi bonañ, ga coa monona mo botlaoleloñ yoa ga Saule, aparo tsa gague li gagogile, le ombu mo tlogoñ ea gague: mi ga rihala ka a hitla go Davide, a oela ha hatsi, mi a ikoba.

3Mi Davide a mo raea, U coa kae? Mi a mo raea, Ki pherile ki coa mo botlaoleloñ yoa Bayeserela.

4Mi Davide a mo raea, Go rihetseñ? a ko u ’nkakanyetse. Mi a re, bathu ba tsabile tlabano, mi le gona bontsi yoa bathu ba ole, ba shule; mi Saule le Yonatane le bona ba shule.

5Mi Davide a raea lekau ye le mo kakanyeritseñ, U itse yañ ha Saule le Yonatane moroaue ba shule?

6Mi lekau ye le mo kakanyeritseñ, ya re, Ki le ki le ka tihalo mo thabeñ tsa Gileboa, mi bona, Saule a ikaegile mo lerumoñ ya gague; mi bona, licariota le bapalami ba mo hitlela.

7Mi ka a leba kua morago, a ’mpona, mi a ’mpitsa. Mi ka araba, Bona, ki na eo.

8Mi a ’nthaea, U mañ, Mi ka mo araba, ka re, Ki Moamaleka.

9Mi a ’nthaea, A ko u eme ha go ’na, u ’mpolaee: gone therego e ’ncuere, gone ki sa tserile gotle.

10Mi ka ema ha go ena, ka molaea, gone ki itsile ha a si kake a tsela a sina go oa: mi ka tsaea kerone e e le le mo tlogoñ ea gague, le mohitsana o o lo le mo cogoñ ya gague, mi ki li tlisitse go morena oa me ha.

11¶ Ereha gona Davide o tsaeañ aparo tsa gague a li gagola; le banona botle ba o nañ nabo:

12Mi ba hutsahala, ba lela, ba riha pisho go ya go ea matsiboeeñ, kaga Saule, le kaga Yonatane moroaue, le kaga bathu ba ga Yehova, le kaga ba eintlu ea Yeserele; gone ba le ba rigiloe ki caka.

13¶ Mi Davide a raea lekau ye le mo kakanyeritseñ, a re, U coa kae? Mi ya araba, Ki moroa moeñ, ki Moamaleka.

14Mi Davide a le raea, Yañ? a ga ua ka ua boiha go otlolola atla sa gago go senya motlorioi oa ga Yehova?

15Mi Davide a bitsa moñue oa makau, mi a re, Atamela u le oele. Mi a le yanya, mi ya shua.

16Mi Davide a le raea, A mari a gago a ne mo tlogoñ ea gago; gone molomo oa gago o shupile kaga gago, oa re, Ki bolaile motlorioi oa ga Yehova.

17¶ Mi Davide a hutsahalela Saule le Yonatane moroaue ka khutsahalo e:

18(Mi a ba raea gore ba rute bana ba Yude sehela sa Bora: bonañ se kuariloe mo bukeñ ea ga Yashere.)

19Khalalelo ea Bayeserela e bolaecoe mo maheloñ a gorimo a gago: ligañka li ole yañ!

20Si e buleleleñ Gata, si e utluatseñ mo mebileñ ea Ashekelona; gore bomoroaria Bafiliseta ba si itumele, gore bomoroaria bona ba ba sa guerisioañ ba si ruruetse.

21Lona thaba tsa Gileboa, a go si ne monyo le esiñ pula go lona, le esiñ naga tse ri uñuañ cupelo tsa culeco: gone thebe tsa ligañka li latlecoe gona, thebe ea ga Saule, yaka ga a ka a tlorioa ka loukuane.

22Bora yoa ga Yonatane ga bo ka yoa thibeloa morago mo mariñ a ba ba bolailoeñ, le mo mahureñ a ligañka; mi caka ea ga Saule ga ea ka ea boea lolea.

23Saule le Yonatane e le le bara-tegi, le nateho mo tseloñ yoa bona, mi ga ba khaogañoa mo loshuñ loa bona; ba bo ba harima bogolu go manoñ, ba le thata bogolu go litau.

24Lona bomoroaria Bayeserela, lelelañ Saule, eo o la a lo apesa ka sekarelata, le linateho, eo o la a khabisa aparo tsa lona ka mekhabo ea gouda.

25Ligañka li ole yañ gareñ ga tlabano! Uena Yonatana u bolaecoe mo maheloñ a gago a gorimo.

26Yonatana ñoana oa ga rre, ki gu pitlaganyericoe: u lu u le nateho segolu go ’na: rato loa gago e le le lo lo gakhamatsañ bogolu go lorato loa basari.

27Ligañka li ole yañ, le lilo tsa tlabano li herile yañ!

Jump to: Chapter 2 →