John 14

Tswana 1890 (Bibela ea Boitsépho 1890 (Sechuana Tlhaping - Moffatt Bible))

← Chapter 13 Jump to: Chapter 15 →

1A PELU tsa lona li si huruege; lo rumela mo Morimoñ, le ’na, rumelañ mo go ’na.

2Maago mantsi a mo tluñ ea ga Rre; ha gole go sa na yalo, ’nkabo ki lo buleletse. Kia ea go lo bakanyetsa helo.

3Mi ki tlare ki sina ea go lo bakanyetsa helo, ki tla ba ki boea ki lo iculela, gore kua ki gona, le lona lo ne gona.

4Mi kua ki eañ loa go itse, le tsela, loa e itse.

5Tome a mo raea, Morena, ga re itse kua u eañ, mi re ka itse tsela yañ?

6Yesu a mo raea, Ki ’na tsela, le boamarure, le botselo; ga go ope eo o tlañ go Rra, ha e si ka ’na.

7Ha lo lo ’nkitse, lo kabo lo itsile le ena Rre; mi yano loa mo itse, mi lo monye.

8Filipo a mo raea, Morena, re shupetse Rra, mi go re lekanye.

9Yesu a mo raea, A ki le ka ’na le lona lobaka lo lo lele, mi a ga u e si u ’nkitse Filipo? Eo o ’mponyeñ o bonye Rra; mi ua reñ, Re shupetsa Rra?

10A ga u rumele ha ki le mo go Rra, le Rra mo go ’na. Mahuku a ki a buañ le lona, ga ki a bue ka ’nosi; mi Rra eo o agileñ mo go ’na, ki ena eo o rihañ litiho.

11’Ntumelañ ki le mo go Rra, mi Rra mo go ’na; mi ha go sa na yalo, lo rumele ka ntla ea litiho ka cosi.

12Amarure, amarure, kia lo raea, Eo o rumelañ mo go ’na, litiho tse ki li rihañ, le ena o tla li riha; mi o tla riha tse ri kholu bogolu go tse, gone kia ea go Rra.

13Mi ki tla riha cotle tse lo li lopañ mo ineñ ya me, gore Rra a galalerioe mo go Moro aue.

14Leha e le eñ se lo tla se lopañ mo ineñ ya me, ki tla se riha.

15¶ Ha lo ’nthata, tsegetsañ litaolo tsa me;

16Mi ki tla rapela Rra, mi o tla lo naea Mogomotsi eo moñue gore a nne le lona ka bosina bokhutlo.

17Eboñ Moea oa amarure, o lehatse le sa kakeñ ya o cula, gone le sa o bone, le gona le sa o itse; mi lona loa o itse; gone o agile le lona, mi o tla na mo go lona.

18Ga ’nkitla ki lo tlogela likhutsana; ki tla tla go lona.

19E sa le bokhutsanyane, mi lehatse ga le kitla le tlola le ’mpona; mi lona lo tla ’mpona; gone ki tserile, le lona lo tla tsela.

20Lo tla itse mo motleñ ouo ha ki le mo go Rra, le lona mo go ’na, le ’na mo go lona.

21Ena eo o nañ le taolo tsa me, a li tsegetsa, ki ena eo o ’nthatañ; mi eo o ’nthatañ, o tla ratoa ki Rre, le ’na ki tla mo rata, mi ki tla iponatsa go ena.

22Yuda (esiñ Isekariota,) a mo raea, Morena, gontse yañ ka u tla iponatsa go rona, mi esiñ go lehatse?

23Yesu a araba, a mo raea, Ha moñue a ’nthata, o tla buluka mahuku a me; mi Rre o tla mo rata; mi re tla tla go ena, mi re tla riha bonno yoa rona mo go ena.

24Eo o sa ’nthateñ, ga a buluke mahuku a me; mi huku ye lo le utluañ, ga si ya me; ki ya Rra eo o ’nthomileñ.

25Ki lo buleletse lilo tse, ka ki sa na le lona.

26Mi Mogomotsi, Moea oa Boitsepho, o Rra tla o romañ mo ineñ ya me, o tla lo ruta lilo cotle, mi o lere lilo cotle mo khakologeloñ tsa lona, tse ki li lo buleletseñ.

27Kagisho kia e lo tlogelela, kagisho ea me kia e lo naea; ga ki lo nee yaka lehatse le naea. A pelu tsa lona li si huruege, le gona a li si boihe.

28Lo utluile yaka ki lo reile, Kia ea, mi ki tla ba ki tla go lona. Ha lo ’nthata lo ko lo itumela, gone ki re, Kia ea go Rra; gone Rra a le mogolu go ’na.

29Mi yana ki lo buleletse go e si go rihahale, gore mogañ go rihahalañ lo rumele.

30Ga ’nkitla ki tlola ki bua segolu le lona, gone mogolu oa lehatse yenu oe tla, mi ga a na sepe mo go ’na;

31Mi gore lehatse le itse ha ki rata Rra, mi ki riha kaha Rra o ’ntaoletseñ ka gona. Tlogañ lo eme, a re coeñ monu.

← Chapter 13 Jump to: Chapter 15 →