John 17

Tswana 1890 (Bibela ea Boitsépho 1890 (Sechuana Tlhaping - Moffatt Bible))

← Chapter 16 Jump to: Chapter 18 →

1MI Yesu a bua lilo tse, a culetsa maitlo a gague legorimo, mi a re, Rra, oura o tlile, galaletsa Moroau, gore Moroau le ena a gu galaletse.

2Go cuana yaka u mo laorisitse nama cotle, gore botle ba u ba mo neileñ a ba nee botselo yo bo sa khutleñ.

3Mi yo ki yona botselo yo bo sa khutleñ, gore ba gu itse, Morimo osi oa amarure, le Yesu Keresete eo u mo romileñ.

4Ki gu galaleritse mo lehatsiñ; ki ueritse tiho e u e ’nneileñ go e riha.

5Mi yana, Rra, ’nkhalaletsa ha pele ga gago, ka khalalelo e ki le ki na naeo nau, pele ga lehatse le e si le ne.

6Leina ya gago, ki le bonatseritse mo bathuñ ba u ba ’nneileñ mo hatsiñ. Ba e le le ba gago; mi u ba ’nneile; mi ba bulukile huku ya gago.

7Mi yana ba itse ha cotle tse u li ’nneileñ, li coa go uena;

8Gone ki ba neile mahuku a u a ’nneileñ, mi ba a cutse; mi ba itse rure ha ki coa go uena, mi ba rumetse ha u ’nthomile.

9Kia ba rapelela, ga ki rapelele lehatse, mi kia rapelela ba u ba ’nneileñ, gone ki ba gago.

10Mi botle ba me, ki ba gago; mi ba gago, ki ba me; mi ki galalericoe mo go bona.

11Mi yana ga ki tlole ki le mo lehatsiñ, mi ba, ba mo hatsiñ; mi ki tla go uena. Rra oa Boitsepho, buluka mo ineñ ya gago ba u ba ’nneileñ, gore ba ne bañue hela yaka rona.

12Erile ki sa na nabo mo lehatsiñ, ka ba buluka mo ineñ ya gago; ba u ba ’nneileñ ki ba bulukile; mi ga go ope oa bona eo o latlegileñ, ha e si moroa tsenyego, gore lokualo lo rihahale.

13Mi yana ki tla go uena; mi ki bua lilo tse mo lehatsiñ, gore ba ne le boitumelo yoa me bo tletse mo go bona.

14Ki ba neile lehuku ya gago, mi lehatse le ba irile, gone ba si ba lehatse, yaka le ’na ki si oa lehatse.

15Ga ki rapelele gore u ba ntse mo lehatsiñ, mi gore u ba buluke mo go eo o boshula.

16Ga si ba lehatse, yaka ki si oa lehatse.

17Ba itsephise mo boamarureñ yoa gago; lehuku ya gago ki boamarure.

18Yaka u ’nthomile mo lehatsiñ, le ’na ki ba romile mo hatsiñ yalo.

19Mi kia iitsephisa ka ntla ea bona, gore le bona ba itsephisioe mo boamarureñ.

20Mi le ba, ga ki ba rapelele bosi, mi ki rapelela le bona ba ba tla rumelañ mo go ’na, ka lehuku ya bona;

21Gore ba ne bañue hela botle, yaka uena, Rra, u le mo go ’na, le ’na mo go uena; le bona a ba ne bañue hela mo go rona, gore lehatse le rumele ha u ’nthomile.

22Mi ki ba neile khalalelo e u e ’nneileñ, gore ba ne bañue hela, yaka le rona re le moñue hela.

23’Na mo go bona, mi uena mo go ’na, gore boñue hela yoa bona bo tlale, mi gore lehatse le itse ha u ’nthomile, mi u ba ratile, yaka u ’nthatile.

24Rra, ki rata, gore ba u ba ’nneileñ le bona ba ne le ’na kua ki gona, gore ba bone khalalelo ea me, e u e ’nneileñ; gone u lua ’nthata pele ga motheo oa lehatse.

25Rra oa tsiamo, lehatse ga lea ka ya gu itse, mi ’na ki gu itsile; le ba, ba itse ha u ’nthomile.

26Mi ki ba itsisitse leina ya gago; mi ki tla le itsise, gore lorato lo u lua ’nthata ka lona, lo ne mo go bona, le ’na mo go bona.

← Chapter 16 Jump to: Chapter 18 →