Joshua 20

Tswana 1890 (Bibela ea Boitsépho 1890 (Sechuana Tlhaping - Moffatt Bible))

← Chapter 19 Jump to: Chapter 21 →

1MI Yehova a bua le Yehoshue, a re,

2Bua le bana ba Yeserele, u re, Itaoleleñ metse ea botsabelo, e ki le ka bua ga eona ka Moshe:

3Gore molaei eo o bolaileñ moñue ka timelo, le go bisa go itse, a tsabele gona: mi e tla na botsabelo go lona kaga moshulosetsi mari.

4Mi eo o tla tsabelañ go moñue oa metse euo, a a eme ha moyakoñ oa khoro ea motse, a bue mahuku a gague mo tsebeñ tsa bagolu ba motse o; erehe gona ba mo iculelañ mo motseñ, ba mo naea helo, gore a nne nabo.

5Mi ha moshulosetsi mari a mo khonatelela, a ba si tsenye molaei mo atleñ sa gague; ka a bolaile moñ ka ena ka go bisa go itse, a sa mo ile ka metla e e hetileñ.

6Mi a a nne mo motseñ ouo e tsamaee a emele tsekisho ha pele ga kokoano, mi a a ne e tsamaee moperiseti eo mogolu, eo o tla nañ mo metseñ euo a shue: erehe gona molaei o ka boeañ a ea kua motseñ oa gague, le kua tluñ ea gague, kua motseñ o o o tsabileñ go ona.

7¶ Mi ba tsepha Kadesha oa Galilea mo thabeñ tsa Nafetala, le Shekema mo thabeñ tsa Eferaima, le Kireyata‐areba, o e leñ Heberona, mo thabeñ tsa Yuda.

8Mi ba laolela Betsera mo bogareñganaga mo loboeñ, oa loco loa Rubene, le Ramota mo Gileada, oa loco loa Gade, le Golana mo Bashaneñ, oa loco loa Manase, metse e e kua boseyeñ yoa Yoredane ha eintleñ ea Iseta ea Yeriko.

9Metse euo e le ea laoleloa bana ba Yeserele botle, le moeñ eo o tlolatlolañ mo go bona, gore go tsabele gona moñue le moñue eo o bolaeañ mothu ka timelo, gore a si shue ka eintla ea atla sa moshulosetsi mari, e tsamaee a eme ha pele ga kokoano pele.

← Chapter 19 Jump to: Chapter 21 →