Luke 23

Tswana 1890 (Bibela ea Boitsépho 1890 (Sechuana Tlhaping - Moffatt Bible))

← Chapter 22 Jump to: Chapter 24 →

1MI bontsi yotle yoa ema, mi yoa mo gogela go Pilato.

2Mi yoa simolola go mo pateletsa, yoa re, Re bonye eo, a shokamisa morahe, o itsa gore Kaisare a si neoe lekhetho; a re, le ena ki Keresete khosi ka esi.

3Mi Pilato a motsa, a re, A ki uena khosi ea Bayudi? Mi a mo araba, a re, U buile.

4Mi Pilato a bua le baperiseti ba bagolu le go bontsintsi yoa bona, Ga ki bone molatu ope mo mononeñ eo.

5Mi ba gakala bogolu, ba re, Oa hurua bathu, o simolotse ka Galilea, a ruta mo Yudeñ yeotle go tla kuanu.

6Mi ka Pilato a sina utlua ga Galilea, a botsa ha monona eo e le Mogalilea.

7Mi ka a sina tlaloganya ha e le oa bogosi yoa ga Herode, a mo romela go Herode, eo le ena o la a le mo Yerusalema ka motla ouo.

8¶ Mi ka Herode a bona Yesu, a itumela segolu; gone a la sibolo eletsa go mona, gone a la a utlua lilo lintsi ga gague; mi a shuluhetse go bona se se gakhamatsañ se se tla rihoañ ki ena.

9Mi a motsa ka mahuku a mantsi; mi a si ka a mo araba sepe.

10Mi baperiseti ba bagolu, le bakuari ba ema, ba mo pateletsa ka khakalo.

11Mi Herode le batlabani ba gague ba mo nyatsa, ba mo shotla; mi ba mo apesa ka seaparo se se phatsimañ: mi ba ba ba mo romela go Pilato.

12Mi Pilato le Herode ba tsalañoa ka tsatsi yeuo; gone erile gale bo ba tloanye.

13¶ Mi ka Pilato a sina biletsa mogo baperiseti ba bagolu, le balaori, le bathu, a ba raea,

14Lo lerile monona eo go ’na, yaka moñue eo o shokamisañ bathu; mi bonañ, ki mo botsisitse ha pele ga lona, mi ga kia ka ka bona molatu ope mo mononeñ eo, oa lilo tse lo mo pateletsañ ka cona;

15Le esiñ Herode; gone ki lo rometse go ena; mi bonañ, ga go na sepe se o se rihileñ se se cuanetseñ loshu.

16Ki gona ki tla metsañ, ki mo golola.

17(Mi a cuanetse go ba gololela moñue mo morihoñ.)

18Mi bontsi yotle yoa biletsa goñue, yoa re, Tlosa monona eo, mi re gololele Barabe;

19(Eo o tsencoeñ mo tluñ ea kholegelo, gone a rihile tlotleleco mo motseñ, le polao.)

20Ki gona Pilato a ba a bo bitsa, ka a eletsa go golola Yesu.

21Mi yoa bitsa bogolu yoa re, Mapole, mapole.

22Mi a bo raea ka loa bo‐teri, Kañ, eo o leohileñ? Ga ki bone molatu ope oa loshu go ena; ki gona ki tla metsañ ki mo golola.

23Mi yoa coelela ka koru tse ri kholu, yoa mo tloahalela gore a bapoloe. Mi koru tsa yona le tsa baperiseti ba bagolu tsa henya.

24Mi Pilato a atlola, gore go rihale yaka kileco ea yona.

25Mi a bo gololela ena eo o la a tsenyericoe tlotleleco le polao mo tluñ ea kholegelo, eo ba mo eletsañ; mi a nela Yesu mo thatoñ ea yona.

26Mi ka ba sa mo goga, ba cuara moñue, Simone, oa Kurene, a coa kua nageñ, mi ba mo kabisa mokhoro, gore a o kabe morago ga Yesu.

27Mi bogolu yoa bathu, le basari, ba mo sala morago, ba le bona ba ititaeañ lihuba tsa bona, ba mo lelela.

28Mi ka Yesu a retologela go bona, a re, Bomoroaria Yerusalema ki lona, lo si ’ntelele, mi iteleleñ, mi lo lelele bana ba lona;

29Gone, bonañ, metla ea tla, e ba tla reñ mo go eona, Go tsegoharicoe meopa, le libopelo tse ri sa tsaleñ, le mabele a e si a ke a amuse.

30Eriha gona ba tla simololañ go raea lithaba, Re oele gorimo, le lithabana, Re ribegetse.

31Gone ha ba riha lilo tse mo tlareñ se se metse, go tla rihoa yañ mo go se se omileñ?

32Mi hoñ gabo gole bañue ba tu, barihalibe ba ba gogeloañ nae go bolaoa.

33Mi ka ba sina tla go heloñ ha go birioañ Logata, hoñ ba mapola le barihalibe, moñue mo atleñ se se siameñ, mi eo moñue mo go sa molema.

34¶ Mi Yesu a re, Rra, ba icuarele; gone ga ba itse se ba se rihañ. Mi ba abalana liaparo tsa gague, ka go tsela likelero.

35Mi bathu ba ema, ba leba. Mi balaori le bona, ba mo shotla nabo, ba re, O la a buluka ba sele; a yana a ipuluke, ha e le ena Keresete, moitsenkeroi oa Morimo.

36Mi batlabani le bona ka ba tla, ba mo shotla, mi ba mo leretsa boyaloa yo bo berileñ,

37Mi ba re, A ere ha u le khosi ea Bayuda, ipuluke.

38Mi le gona gabo gole sekualo se se kuariloeñ gorimo sa gague, ka liletera tsa Segerika le tsa Seroma, le tsa Sehebera, EO KI KHOSI EA BAYUDA.

39¶ Mi moñue oa barihalibe ba ba pegiloeñ, a mo khala, a re, Ha e le uena Keretse, ipuluke, le rona.

40Mi eo moñue, a mo araba, a muela, a re, A le uena ga u boihe Morimo, le mororo u le mo tsekishoñ e ka eosi?

41Mi rona, rure e re cuanetse; gone rea bona peco tse ri cuanetseñ tse re li rihileñ; mi monona eo, ga a riha sepe se se shokameñ.

42Mi a raea Yesu, Morena, u ’nkhopole u sina hitla mo bogosiñ yoa gago.

43Mi Yesu a mo raea, Amarure kia gu raea, U tla na le ’na kua Paradaiso gompienu.

44Mi e kane e le le oura oa bo‐sekes, mi ga na lehihi mo hatsiñ yeotle, go ea go oureñ oa bo‐naen.

45Mi letsatsi ya hihihala, mi sebipo sa tempela sa hatoga ka bogare.

46¶ Mi ka Yesu a bitsa ka koru e kholu, a re, Rra, kia gu nela moea oa me mo atleñ tsa gago; mi ka a sina bua yalo, a nela moea.

47Mi yana mosenturi ka a bona se se rihahetseñ a galaletsa Morimo, a re, Amarure monona eo, e le le mosiami.

48Mi bontsintsi yotle yo bo le bo phuthegetse pono e, ka bo bona lilo tse ri rihahetseñ, yoa boea bo ititaea lihuba tsa yona.

49Mi botle ba ba itsegeñ ba gague, le bona basari ba ba mo setseñ morago go coa Galilea, ba emetse khakala, ba bona lilo tse.

50¶ Mi bonañ, monona eo o birioañ Yosefe, e le mogakolori; mi a bo a le molemo, le monona oa tsiamo.

51(Eo o si kañ a rumela khakololo ea bona, le litiho tsa bona;) oa Arimatea, motse oa Bayuda; eo le ena o lebeletse pusho ea Morimo:

52Monona eo, a ea go Pilato, a kopa mele oa ga Yesu.

53Mi ka a sina go o pagolola, a o bohela ka lene, mi a o latsa mo lecueñ ye le betliloeñ mo hikeñ, ye go e siñ go larioa ope go yeona.

54Mi ea bo e le tsatsi ya iketleleco, mi sabata o simolola.

55Mi basari le bona ba ba le ba rule nae Galilea, ba latela, mi ba leba phupu, le kaha mele o laricoeñ ka gona.

56Mi ba boea, ba bakanya tse ri nkhañ monate, le litloco; mi ba ikhutsa ka tsatsi ya sabata yaka taolo.

← Chapter 22 Jump to: Chapter 24 →

Recommended Reading

Commentary Luke Commentaries → Devotional Luke Devotional Guide → Get This Bible Tswana 1890 (Bibela ea Boitsépho 1890 (Sechuana Tlhaping - Moffatt Bible)) Study Bible →