Revelation 4

Tswana 1890 (Bibela ea Boitsépho 1890 (Sechuana Tlhaping - Moffatt Bible))

← Chapter 3 Jump to: Chapter 5 →

1MORAGO ga tse ka leba, mi bonañ, moyako o lo o bucoe mo legorimoñ; mi koru ea ntla e ki e utluileñ, e bua le ’na, e le e cuana yaka ea terompeta, e re, Tlatlogela kuanu, mi ki tla gu bontsa tse ri tla rihahalañ morago ga yana.

2Mi ka na mo moeeñ ka bonako; mi bonañ, go le go beiloe serulo sa bogosi mo legorimoñ, mi moñue a rutse mo seruloñ sa bogosi.

3Mi eo o rutseñ mo go shona, ka go leyoa, antse yaka leincue ya yasepera, le ya saredo; mi mola oa gorimo o hurile serulo, ka go leyoa o le yaka leincue ya emaradino.

4Mi go le go le lirulo tsa bogosi li tuente for, tse ri hurileñ serulo sa bogosi; mi ka bona bagolu ba tuente for ba ba rutseñ mo liruloñ tsa bogosi, ba apere aparo tse ri cueu, mi ba na le liroalo tsa bogosi tsa gouda mo tlogoñ tsa bona.

5Mi ga coa likharima, le litumo tsa maru, le likoru, mo seruloñ sa bogosi; mi lipone li seven tsa mulelo tsa bo li tuka ha pele ga serulo sa bogosi, tse e leñ meoea e seven ea Morimo.

6Mi gabo gole leoatle ya gelase yaka legueka, ha pele ga serulo sa bogosi; mi gabo gole tse ri tserileñ li for tse ri tletseñ maitlo kua pele le kua morago, ha gare ga serulo sa bogosi le mo ntleñ cotle.

7Mi se se tserileñ sa ntla se le sentse yaka tau, mi se se tserileñ sa bo‐tu se cuana le namane, mi se se tserileñ sa bo‐teri se na le sehatlogo yaka mothu, mi se se tserileñ sa bo‐for se cuana le lenoñ ye le hohañ.

8Mi tse ri tserileñ li for, señue le señue se na liphuka li sekes; mi li tletse maitlo ntla cotle, le kua teñ; mi li sina khuco tsatsi le bosigo, li re, Go boitsepho, boitsepho, boitsepho Morena Morimo Mothatietle, eo o la a leeo, le eo o leeoñ, le eo o tla tlañ.

9Mi erile tse ri tserileñ li sina nela eo o rutseñ mo seruloñ sa bogosi, eo o tselañ ka bosina bokhutlo yotle, khalalelo le tlotlo le boitumelelo,

10Ga oela bagolu ba tuente for ha pele ga gague eo o rutseñ mo seruloñ sa bogosi, ba mo obamela eo o tselañ ka bosina bokhutlo yotle, mi ba latlela liroalo tsa bogosi tsa bona ha pele ga serulo sa bogosi ba re,

11Morena, u cuanetse go bona khalalelo, le tlotlo, le thata; gone u bopile lilo cotle, mi li na, mi li bopecoe natehelo ea gago.

← Chapter 3 Jump to: Chapter 5 →