Revelation 22

Tsonga (Contemporary Tsonga Bible 2024)

← Chapter 21 Jump to:

1A ndzi komba nambu lowu tengeke wa mati ya vutomi, lowu baseke ku fana ni kristala, lowu khulukaka wu huma exiluvelweni xa Xikwembu ni xa Xinyimpfana.

2Exikarhi ka xitarata ni le matlhelo hamambirhi ya nambu a ku ri ni murhi wa vutomi lowu vekaka mihandzu ya mixaka ya 12 naswona wu tswalaka mihandzu ya wona n’hweti yin’wana ni yin’wana; matluka ya murhi a ma ri ya ku horisa matiko.

3Ku nga ha vi na ndzhukano, kambe xiluvelo xa Xikwembu ni xa Xinyimpfana xi ta va eka xona; malandza ya yena ma ta n’wi tirhela.

4Va ta vona xikandza xa yena; vito ra yena ri ta va emimombyeni ya vona.

5Naswona vusiku a byi nge vi kona kwalaho; naswona a va lavi khandlela kumbe ku vonakala ka dyambu; hikuva HOSI Xikwembu xi va nyika ku vonakala, va ta fuma tanihi tihosi hilaha ku nga heriki.

6Kutani a ku eka mina: Marito lawa i ya tshembeka naswona i ntiyiso; kutani HOSI Xikwembu xa vaprofeta vo kwetsima, xi rhumele ntsumi ya xona ku ya komba malandza ya xona leswi faneleke ku endliwa ku nga ri khale.

7Waswivo, ndzi ta hi ku hatlisa; ku katekile loyi a hlayisaka marito ya vuprofeta bya buku leyi.

8Mina Yohane, ndzi vone swilo leswi kutani ndzi swi twa. Kuteloko ndzi twa ni ku vona swilo leswi, ndzi khinsama emilengeni ya ntsumi leyi ndzi endleke ndzi vona swilo leswi.

9Kutani a ku eka mina: Tivonele leswaku u nga endli leswi, hikuva ndzi nandza-kuloni ni wa vamakwenu, vaprofeta ni wa lava hlayisaka marito ya buku leyi: gandzela Xikwembu.

10Kutani a ku eka mina: U nga pfali marito ya vuprofeta bya buku leyi, hikuva nkarhi wu tshinele.

11Loyi a nga lulamangiki, a a hambete a nga lulamanga; ni loyi a thyakeke, a a hambete a thyakile; loyi a lulameke, a a hambete a lulamile; naswona loyi a kwetsimaka, a a hambete a kwetsima.

12Kutani waswivo, ndzi ta hi ku hatlisa; naswona hakelo ya mina yi le ka Mina, ku nyika un’wana ni un’wana hi ku ya hi ntirho wa yena.

13Hi mina Alfa na Omega, masungulo ni makumu, wo sungula ni wo hetelela.

14Ku katekile lava endlaka swileriso swa yena, leswaku va ta kuma mfanelo ya murhi wa vutomi, va nghena emutini hi tinyangwa.

15Hikuva ehandle ku ni timbyana ni valoyi ni vaoswi ni vadlayi ni vagandzeri va swikwembu swa hava ni un’wana ni un’wana la rhandzaka ni ku hemba.

16Mina Yesu, ndzi rhumile ntsumi ya mina leswaku yi ta mi byela timhaka leti etikerekeni. Hi mina rimitsu ni ntukulu wa Davhida, ni nyeleti ya nimixo leyi hatimaka.

17Kutani Moya ni mutekiwa va ku: Tanani! Naswona loyi a swi twaka a a ku: Tanani! Naswona loyi a nga ni torha a a te. Naswona loyi a lavaka, a a nwe mati ya vutomi hi ku ntshunxeka.

18Hikuva ndzi nyikela vumbhoni eka un’wana ni un’wana loyi a twaka marito ya vuprofeta bya buku leyi: Loko munhu a engetela eka swilo leswi, Xikwembu xi ta n’wi engetela makhombo lama tsariweke ebukwini leyi.

19Loko munhu a susa marito ya buku ya vuprofeta lebyi, Xikwembu xi ta susa xiphemu xa yena ebukwini ya vutomi ni le mutini wo kwetsima ni le ka swilo leswi tsariweke ebukwini leyi.

20Loyi a nyikelaka vumbhoni hi timhaka leti u ri: Ndzi ta ku nga ri khale. Amen. Hambi swi ri tano, tana, Hosi Yesu.

21Tintswalo ta Hosi ya hina Yesu Kreste a ti ve na n’wina hinkwenu. Amen.

← Chapter 21 Jump to: