bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Tsonga
/
Tsonga Xitsonga (Bibele) 1929
/
2 Kings 4
2 Kings 4
Tsonga Xitsonga (Bibele) 1929
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 5 →
1
Kutani wansati exikarhi ka vasati va vana va vaprofeta a huwelela eka Elixa, a ku: “Nandza wa wena, la ngi a ri nuna wa mina, u file; Wa swi tiva leswaku a a ri munhu la chavaka Yehovha. Kambe loyi a n'wi lombeke u tile ku teka vana va mina vambirhi a ta va endla makhumbi ya yena.”
2
Elixa a ku eka yena: “Ndzi nga ku pfuna ha yini-ke? Ndzi byele lexi u nga na xona ekaya.” Yena a hlamula, a ku: “Nandza wa wena a nga na nchumu endlwini, loko xi nga ri ximbitana xa mafurha.”
3
Kutani Elixa a ku: “Famba u ya lomba timbita emutini, eka hinkwavo lava akeke na wena, timbita leti nga riki na nchumu, ti ri leto tala.
4
Kutakuloko u nghenile, u tipfalela endlwini ni vana va wena, u chela etimbiteni hinkwato leti, va ya veka leti teleke.”
5
Kutani wansati a suka, a famba, a ya tipfalela endlwini ni vana va yena; vona a va n'wi tisela timbita, yena a chela.
6
Kuteloko timbita ti tatiwile, a ku eka n'wana wa yena: “Ndzi tisele mbita yin'wana.” Kambe yena a ku: “A ka ha ri na mbita.” Kutani mafurha ma yima.
7
Kavaloko a suka a ya tivisa munhu wa Xikwembu; yena a ku: “Famba u ya xavisa mafurha, u riha nandzu wa wena, kutani hi leswi seleke u ta hanya wena ni vana va wena.”
8
Hi siku rin'wana, Elixa a a hundza eXuneme; wansati wa mufuwi a a ri kona, kutani a n'wi sindzisa ku dya swakudya. Siku rin'wana ni rin'wana, loko a hundza, a ya dya eka yena.
9
Kutani wansati a ku eka nuna wa yena: “Waswivo, ndza tiva leswaku munhu la hambukelaka eka hina hi masiku hinkwawo, i munhu wa Xikwembu.
10
A hi akeni xiyindlwana lexi tlakukeke ekhumbini hi n'wi lunghisela kona xilawu ni tafula, ni xitshamo ni rivoni, a ta tiva ku etlela kona loko a hi endzela.”
11
Kute siku rin'wana Elixa a ta, a ya etlela endlwini leyi tlakukeke.
12
Kutani a ku eka Gehazi, nandza wa yena: “Vitana wansati loyi wa Xuneme.” Yena a ya n'wi vita, kutani wansati a ta a yima emahlweni ka yena.
13
Elixa a ku eka Gehazi: “N'wi byele, u ku: ‘Waswivo, u hi amukerile swinene ndzi nga ku pfuna ha yini xana; Xana u rhandza ku vulavuleriwa ehosini, kumbe eka ndhuna ya nyimpi xana?’ ” Yena a ku: “Ndzi akile exikarhi ka tiko ra mina.” Kutani Elixa a ku:
14
“Hi nga n'wi endlela yini xana?” Gehazi a hlamula a ku: “Kambe kunene a nga na n'wana, ni nuna wa yena u dyuhele.”
15
Kutani a ku: “N'wi vite.” A n'wi vita, kutani a ta, a yima enyangweni.
16
Elixa a ku eka yena: “Haxawu, hi nkarhi lowo, u ta ntswontswa n'wana.” Yena a ku: “E-e, hosi yanga, u nga hembeli nandza wa wena!”
17
Kavaloko wansati loyi a tika nyimba, kutani a veleka n'wana wa wanuna, enkarhini wolowo, hi lembe leri tlhandlamaka, hilaha Elixa a n'wi byeleke hakona.
18
N'wana a kula; kutani siku rin'wana a huma ku ya vona tata wa yena emasin'wini eka vatshoveri.
19
Kavaloko a ku eka tata wa yena: “Nhloko yanga! Nhloko yanga!” Yena a ku eka nandza wa yena: “N'wi tlakule, u n'wi heleketa eka mana wa yena.”
20
A n'wi tlakula a n'wi yisa eka mana wa yena; n'wana a tshama a ri emindzhumbini ya mana wa yena ku fika nhlekanhi, kutani a fa.
21
Yena a khandziya, a n'wi lata exilawini xa munhu wa Xikwembu kutani a pfala yindlu, a huma.
22
A vitana nuna wa yena, a ku: “Ndzi rhumele un'wana wa malandza ni mbhongolo: ndzi tsutsuma ndzi ya fika eka munhu wa Xikwembu, ndzi tlhela ndzi vuya.”
23
Yena a ku: “U yela yini eka yena namuntlha-ke? N'weti a wu si vonaka, naswona a hi Savata.”
24
Wansati a ku: “Swi lulamile!” A lunghisa mbhongolo, kutani a ku eka nandza wa yena: “Yi byise, u famba; u nga ndzi yimisi endleleni ndzi ko ndzi ku byela.”
25
Kavaloko a suka a ya eka munhu wa Xikwembu entshaveni ya Karmele. Kuteloko munhu wa Xikwembu a n'wi vona a ri ekule, a ku eka Gehazi nandza wa yena: “Wansati wa Xuneme hi loyi!
26
Sweswi, tsutsuma u ya hlangana na yena, u ku eka yena: ‘Xana wa hanya xana? Ni nuna wa wena wa hanya-ke? Ni n'wana wa hanya-ke?’ ”
27
Yena a ku: “Va hanya!” Kutani a ta eka munhu wa Xikwembu entshaveni, a khoma milenge ya yena. Gehazi a tshinelela ku n'wi tlherisa, kambe munhu wa Xikwembu a ku eka yena: “N'wi tshike, hikuva moya wa yena wu tele mbitsi, kambe Yehovha u ndzi fihlele swona, a nga ndzi tivisanga.”
28
Kutani wansati a ku: “Xana ndzi komberile n'wana eka hosi yanga xana? A ndzi ku byelanga, ndzi ku: ‘U nga ndzi xisi?’ ” Kutani Elixa a ku eka Gehazi:
29
“Tibohe xisuti, u teka nhonga yanga evokweni ra wena, u famba; kungakuloko u hlangana ni munhu, u nga n'wi xeweti, ni loko munhu a ku xeweta, u nga n'wi hlamuli. U ta veka nhonga ya mina emombyeni wa wandzisanyana.”
30
Kambe mana wa wandzisanyana a ku: “Yehovha wa hanya, ni moya wa wena wa hanya! Ndzi nga ka ndzi nga ku tshiki.”
31
Kavaloko Elixa a suka a n'wi landza. Gehazi a a hundzile emahlweni ka vona, a a vekile nhonga emombyeni wa n'wana; kambe a ku vanga na rito, hambi xi ri xikombiso xa ku yingisa. Kutani a tlhela a ya hlangana na Elixa, a n'wi tivisa mhaka, a ku: “Wandzisanyana a nga pfukanga.”
32
Kuteloko Elixa a nghenile endlwini, waswivo, wandzisanyana a a file, a latiwile exilawini xa yena.
33
Elixa a nghena endlwini, a tipfalela ni n'wana, kutani a khongela Yehovha.
34
A sivama ehenhla ka n'wana, a veka nomu wa yena ehenhla ka nomu wa yena, ni mahlo ya yena ehenhla ka mahlo ya yena, ni swandla swa yena ehenhla ka swandla swa yena, a sivama ehenhla ka yena; kutani nyama ya n'wana yi kufumela.
35
Elixa a suka eka yena, a fambafamba endlwini hala ni hala, a tlhela a khandziya, a sivama ehenhla ka yena. Kutani wandzisanyana a entshemula kantlhanu na kambirhi, a hanyanya.
36
Kutani Elixa a vitana Gehazi, a ku eka yena: “Vitana wansati loyi wa Xuneme.” Gehazi a n'wi vita, kutani a ta eka yena Elixa a ku: “Teka n'wana wa wena.”
37
Wansati a tiwisa emilengeni ya yena, a khinsama ehansi; kutani a teka n'wana wa yena, a huma.
38
Kakuloko Elixa a tlhelela eGiligala, a ku ri ni ndlala etikweni. Vana va vaprofeta a va tshamisile emahlweni ka yena; kutani a ku eka nandza wa yena: “Tseleka mbita leyikulu, u swekela vana va vaprofeta matsavu.”
39
Un'wana wa vona a huma a ya emasin'wini ku ya kha matsavu. Kutani a kuma vhinya ya nhova, a kha kona marhakarhaka ya nhova, a tata nguvu ya yena. Kuteloko a vuyile, a ma tsemelela embiteni ya matsavu, hikuva a va nga ma tivi.
40
Va phamela vanhu lava, va dya; kuteloko va sungule ku dya matsavu lawa, va huwelela, va ku: “Rifu ri le mbiteni, wee munhu wa Xikwembu!” Kutani va tsandzeka ku dya:
41
Elixa a ku: “Hi swona! Tisani mapa!” Kutani a ma chela embiteni, a ku: “Phamela vanhu lava, va dya!” Kutani a ka ha vanga leswo biha embiteni.
42
Ku te munhu la sukeke eBaala-Xalixa, a tisele munhu wa Xikwembu swakudya ni swirhangana, swi ri swinkwa swa makume mambirhi swa barley ni min'oko, enkwameni wa yena. Elixa a ku eka yena: “Nyika vanhu lava, va dya.”
43
Nandza wa yena a ku: “Swi ta endlise ku yini ku phamela dzana ra vanhu xana?” Elixa a hlamula, a ku: “Nyika vanhu lava, va dya, hikuva Yehovha u vurisa, a ku: ‘Va ta dya, swi sala.’ ”
44
Kavaloko a va phamela va dya, kutani swi sala, hilaha Yehovha a nga vula hakona.
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 5 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25