bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Umbundu
/
Umbundu Bible (Embimbiliya - Bíblia Sagrada em Umbundu)
/
1 Samuel 19
1 Samuel 19
Umbundu Bible (Embimbiliya - Bíblia Sagrada em Umbundu)
← Chapter 18
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 20 →
1
Saulu wa sapuila omõlaye Yonatão lakuenje vaye vosi, hati, Ipayi Daviti. Puãi Yonatão, omõla a Saulu, wa sola calua Daviti.
2
Yonatão yu wa sapuila Daviti hati, Tate Saulu o yongola oku ku ipaya. Oco ove hẽla komẽle lunguka, kala kumue kuoha ne. Salama.
3
Kuenje ame ngenda, ha kala kumue la tate vusenge omo ove o kasi. Mbangula la tate oku ku puliliya. Nda njeva cimue hu sapuila.
4
Yonatão, poku vangula la soyaye Saulu, wa imbila Daviti uvangi uwa hati, Soma ka ka linge cĩvi ukuenje waye Daviti, momo eye ka ku lingile ove cĩvi, kuenda ovilinga viaye via ku kuatisa ocili.
5
Momo wambatele omuenyo waye peka, yu wa ipaya u Filisiti. Yehova wa muisa va Isareli eyulo liocili. Ove muẽle wa ci mõla, haive wa ci sanjukila. Oco hẽ, nye o lingila ekandu lioku pesela osonde yomamale poku ipaya Daviti olivova?
6
Saulu wa tava kondaka ya Yonatão. Saulu wa lisinga hati, Ndomo Suku o kasi lomuenyo, ka fi.
7
Yonatão wa kovonga Daviti kuenje wo sapuila ovina viaco viosi. Yonatão weya la Daviti ku Saulu, kuenje Daviti wa kala vali la Saulu ndeci a kaile ale.
8
Kueya vali ovita. Daviti wa ka yakele la va Filisiti, wa va kundula calua kuenje vo tila.
9
Espiritu lĩvi lia tunda ku Yehova lia wila Saulu eci a tumãla vonjo yaye lonjelia peka. Daviti wa kala loku sika ohalupa.
10
Saulu wa seteka oku tomẽla Daviti vocimano lonjelia. Daviti puãi wa yepamo kuenje onjelia yasa vocimano. Daviti wa tila, wa puluka.
11
Uteke waco Saulu wa tuma olomunga konjo ya Daviti ha viu lavekela okuti oco omẽle viu wipaye. Mikale puãi, ukãi wa Daviti, wo sapuila hati, Nda ku lipopela uteke ulo hẽla o fa.
12
Oco Mikale wa lowisila Daviti ponjanela yu wa tila, wa puluka.
13
Mikale wa nyañula ociteka, wa ci kapa vula. Kovitue wa kapa opetu yovonya olohombo, wa ci sikilila lolonyime.
14
Eci Saulu a tuma olomunga oku kuata Daviti oco Mikale hati, O vela.
15
Oco Saulu wa tuma olomunga oku nyula Daviti hati, U tikuli lula waye, u neni kokuange oco ndu wipaye.
16
Eci olomunga via iñila via sanga ociteka ceci vula, lopetu yovonya olohombo yeyi kovitue.
17
Saulu wa pula Mikale hati, Nye wa niañela ndomo loku eca unyãli wange okuti wa puluka? Mikale wa kumbulula Saulu hati, Wa popia lame hati, Ngece, hu ipaila nye?
18
Oco Daviti wa tila kuenje wa puluka, weya ku Samuele ko Rama, wo sapuila cosi Saulu o linga. Leye la Samuele va enda, va tumãla vo Nayota.
19
Oco va sapuila Saulu vati, Daviti o kasi vo Nayota vo Rama.
20
Saulu yu wa tuma olomunga oku kuata Daviti. Eci via mõla ohongele yovaprofeto va kasi oku imba owanji kuenda Samuele eye wa kala usongui wavo oco Espiritu lia Suku lia wila olomunga via Saulu kuenje laviovo via imba owanji.
21
Eci va ci sapuila Saulu oco eye wa tuma olomunga vikuavo kuenje laviovo via imbavo owanji. Oco onjanja yatatu Saulu wa tuma vali olomunga. Laviovo haico, via imbavo owanji.
22
Oco eye muẽle wa enda ko Rama, weya kocisimo cinene ci kasi vo Seku, wa pula hati, Samuele la Daviti va kasi pi? Umue hati, Va kasi vo Nayota vo Rama.
23
Oco wa tundako, wa enda ko Nayota vo Rama. Espiritu lia Suku eye leyevo lio wila, kuenje vonjila poku enda wa imba owanji toke wa pitila ko Nayota vo Rama.
24
Leyevo wa lula uwalo waye. Leyevo wa imbila owanji kovaso a Samuele, kuenje wa kala epõlõla utanya waco wosi luteke waco wosi. Oco va popaela vati, Saulu leyevo nga wa linga uprofeto?
← Chapter 18
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 20 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31