bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Umbundu
/
Umbundu Bible (Embimbiliya - Bíblia Sagrada em Umbundu)
/
Ecclesiastes 5
Ecclesiastes 5
Umbundu Bible (Embimbiliya - Bíblia Sagrada em Umbundu)
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 6 →
1
Nda wenda konjo ya Suku enda lesumbilo, oku amẽlako hu yevelela kua velapo, oku lumba ovilumba viaveke ku sule; momo ovo ka va ci okuti va linga cĩvi.
2
Ku ka linge osiata lomẽla wove, ku ka tave okuti utima wove u tukuila lonjanga ondaka yimue kovaso a Suku; momo Suku o kasi kilu kuenda ove o kasi palo posi; oco olondaka viove vi linge viñamiñami.
3
Momo kesakalalo lia lua ku tunda onjoi, kuenda komela weveke ku tunda olondaka via lua.
4
Nda o lisila ocisila la Suku ku ka livale oku ci linga; momo eye ka sanjukila aveke. Linga eci wa lisila.
5
Ca velapo okuti ku lisila, oku lisila kuenje ku ci lingi, oco cĩvi.
6
Ku ka tave okuti omẽla wove u ku lueyisa, ku ka popele kovaso ocitunda huti, Nda lueya omo nda ci lisila. Suku o temẽla nye ondaka yove pamue o nyõlela nye upange wovaka ove?
7
Momo volonjoi via lua muli esanda, haico volondaka via lua muli oku nyoleha; puãi ove kuatela Suku usumba.
8
Vofeka yimue nda o lete okuti olosuke vi kasi loku lingisiwa, pamue o lete okuti esunga locili vi kasi loku upiwamo longusu, ku ka ci komõhele; momo ombiali yinene yi kasi oku ci linga yi lavuluiwa leyi ya velapo vali; kuenje kilu liavo kuli vali yimue ya va velapo vosi.
9
Puãi eci ci tunda kupange woposi ca vosi. Ndaño osoma yi sanga ukuasi wayo vovapia.
10
U o sole olombongo kekuta olombongo; ndaño yu o sole elau kekuta okulua kuovipako. Eci lacovo esanda.
11
Nda ovikuata vi lua, ava va vi lia lavovo va luavo; kuenje u o kasi lavio o mõla nye, te oku vi vanja ño lovaso aye.
12
Otulo tuondingupange tu sõsã, ndaño wa lia citito ndaño wa lia ca lua; puãi ekuto liohuasi liu pumbisa otulo.
13
Vemẽhi liekumbi nda muilamo evĩho limue lĩvi, lieli: Ukuasi wa solekiwile puãi poke wa tatamisa muẽle yaco.
14
Ukuasi waco wa peselelua vupange umue ka mua tundile cimue. Muẽle yaco, eye onjali yomõla ulume puãi lacimue a kuete peka.
15
Ndeci a tunda vimo lia inaye haico a ka enda, lepõlõla eya lalio hailio a ka enda lalio; kambata peka cimue ca tunda kupange waye.
16
Eci lacovo evĩho lĩvi, ndeci eya haico a ka enda. Onima ye a sanga kupange wolivova?
17
Onima ye a sanga koloneke viowelema lupongo, levi vioku vela lesakalalo liutima?
18
Tala, eci nda mõla cokuti oco ciwa haico ca posokela omunu ceci: oku lia kuenda oku nyua loku sanjukila upange wosi omunu a talavayela vemehi liekumbi oloneke viñamiñami Suku a wiha, momo eci oco caye.
19
Omunu lomunu Suku wo wiha ukuasi lovipako, kuenje wo wihavo otembo yoku liako, loku tula utima kuosi a kasi, loku sanjukila upange waye, eci oco ocali ca tunda ku Suku.
20
Kuenje eye ka ivaloka ca lua oloneke viomuenyo waye momo Suku u suisilapo onjongole yutima waye.
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 6 →
All chapters:
1
2
3
4
5
6
7
8
9
10
11
12