bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Umbundu
/
Umbundu Bible (Embimbiliya - Bíblia Sagrada em Umbundu)
/
Ezekiel 16
Ezekiel 16
Umbundu Bible (Embimbiliya - Bíblia Sagrada em Umbundu)
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 17 →
1
Ondaka ya Yehova yeya vali kokuange yiti,
2
A Mõlõmunu, limbukisa Yerusalãi ovombondo aye.
3
Popia huti, Ca popia Yehova Suku ku Yerusalãi ceci, hati, Ocikoti cove lucito wove, ove vu Kanana. So, u Amoni. Nyoho, u Hiti,
4
Kuenje kucito wove, keteke wa citiwa, ohopa yove ka ya tetiwile. Kua yuisiwile lovava hu yeli. Kua sieketiwile omongua. Kua muñiwile olonanga.
5
Ka kua kaile iso limue lia ku vanja lohenda ha li ku lingila ohenda yovina evi, puãi wa imbiwile ño vusenge waño, momo wa suvukiwa eteke wa citiwa.
6
Kuenje eci nda ku pita loku ku mõla wa liña losonde. Osimbu wa kala posi loku liña losonde nda popia love siti, Kala lomuenyo. Kula ndocikũla covepia.
7
Oco wa kula, haive wa pama, wa linga ukãi. Avele ove a tumba, locifuko cove ca lepa. Haimo wa kala epõlõla, lacimue wa wala.
8
Eci nda ku pita loku ku vanja, tala otembo yove ya kala otembo yoku soliwa. Nda ku nyanyumuĩla onanga yange hã si sikĩlĩla etimba liove. Oco nda lisila love loku lisinga love, kuenje wa linga wange, Oco ca popia Yehova Suku.
9
Oco nda ku yuisa lovava. Nda ku yuisa osonde yove yosi, kuenje nda ku waveka ulela.
10
Nda ku walisa olonanga via posuisua. Nda ku sokiyila olohaku viocipa conjundu. Nda ku itikisa ovalatanya, Nda ku sikĩlĩla oseta.
11
Nda ku miangulula, nda ku walisa ovinunga kovoko ove, kuenda omota ya posingo yove.
12
Nda kapa onela kenyũlu liove, lovimbilingu kovatui ove, kuenda ekolowa liulamba kutue wove.
13
Oco wa yanguiwa lulu lopalata, luwalo wove wa kala wovalatanya loseta, hawo wa posuisua. Wa lialia osema ya fina lowiki lulela. Wa linga ondambi, wa sesama unasoma.
14
Oluhimo luove lua yevala kolofeka viosi mekonda liunumbu wove. Momo wa pua evolo mekonda liovina viulamba nda ku ĩha. Oco popia Ñala Yehova.
15
Puãi wa kolela unumbu wove. Wa linga ukahonga mekonda lioluhimo luove. Wosi o pita wa linga laye ukahonga.
16
Wa yelula uwalo wove wavala aiñi aiñi kuenje wa posuisa lawo ovotala wa a litungila, yu wa lingilako ukahonga. Ka kua la kala cimue ndoco, ndaño oku iya ka ciya.
17
Wa tambula ovina viove via posoka, vina viulu lopalata nda ku iha, yu wa vi linga oviteka vialume, kuenje wa linga lavio ukahonga.
18
Wa nyañula uwalo wove wa posuisua, wa vi sikĩlĩla, lulela wange linsensu viange wa vi kapa kovaso yavio.
19
Ombolo yange nda ku ĩha losema ya fina, lulela, lowiki, evi nda ku tekula lavio, wa vi kapa ndelemba li pepa kovaso yavio. Oco ca popia Ñala Yehova.
20
Kilu liaco wa kuata omãla vove valiune lava vakãi, vana wa cita kokuange yu wa va lumba kokuavio kutala ha va liwa londalu. Ukahonga wove nga hacimueko
21
okuti wa ipaya omãla vange, kuenje wa va lumba kokuavio ndocilumba coku pia elisi?
22
Kovombondo ove osi lukahonga wove, kua ivalukile oloneke viutila wove, cina wa kaile epõlõla, kua walele cimue haive wa liña losonde yove.
23
Kuenje kovaso yavĩho ove osi, Ngongo yove! ngongo yove we! Oco ca popia Ñala Yehova.
24
Wa litungila onjo yusavili. Wa litungila ovotala kolokololo viosi.
25
Panyãha osi wa tungapo ovotala. Wa sekalisa unumbu wove. Wa lieca ku wosi o pita, loku luisa ukahonga wove.
26
Wa lingavo ukahonga lolombaisi va Egito va lisungue love. Wa luisa ukahonga wove oku ndingisa onyeño.
27
Oco tala, ndõluila eka liange kokuove. Nda tepulula eteku liove, kuenje nda ku eca kovanyãli vove omãla vakãi va va Filisiti, ava va kutisiwa losõi mekonda liovilinga viove vivi, ha va lingi love ndomo va panga.
28
Kuenda vali wa linga ukahonga la va Asuria momo kua tẽlẽle. Ocili wa linga lavo ukahonga, lopo kua tẽlẽle.
29
Haico wa luisa vali ukahonga wove lofeka ya vakuakufũla okuti Kaldea, haimo lopo kua tẽlẽle.
30
Utima wove hẽ u kasi ndati omo wa linga ovina evi viosi, haivio upange wukuokahonga wemande.
31
Omo wa tunga onjo yove yusavili panyãha osi, loku litungila ovotala ove volokololo viosi. Haimo kua kaile ndocipuepue momo wa pembula oku ondiwa, oco ca popia Yehova Suku.
32
Okãi, a Kahonga, o sole enene ovingendeleyi, veyove ci sule.
33
Alume, ovo vakuakuonda ovipuepue viavo viosi. Ove puãi ukuakonda vombaisi yove vosi, loku va tamba lolombanjaile okuti va tunda kolonele viosi oku kuiyilila ukahonga.
34
Oco ove wa litepa lakãi vakuavo kukahonga wove, okuti wa tumisa alume osimbu ove kua tumisiwile, haive wonda, ove puãi kua ondiwile. Ocili muẽle wa litepa lavo.
35
Oco acipuepue, yeva ondaka ya Yehova.
36
Ca popia Yehova Suku ceci, hati, Omo umbondo wove wa lisandeka, lepõlõla liove lia muiwa lolombaisi viove kukahonga wove, kuenda mekonda lioviteka viosi viovombondo ove, losonde yomãla vove wa yi pesela,
37
oco tala, hongolola vombaisi yove vosi haivo vakuesanju liove, kuenda vana vosi wa solele la vana vosi wa suvukile. Ha vongoluila kokuove, kuenje ha lekisa epõlõla liove kovaso avo okuti va vanja epõlõla liove liosi.
38
Kuenje hu tetuluila ndomo mu tetuluiwa akãi vana va nyõla oluhuela, haivo va pesela osonde yomãla, kuenje mesela osonde yove lonyeño yange lesepa liange.
39
Hu telekala peka lio vombaisi vove. Va nyõla onjo yove yusavili loku teya ovotala ove. Va ku sũlũla uwalo wove. Va ku lula aposuiso ove a tĩla. Va ku sia epõlõla. Lacimue o li sitĩka.
40
Kuenje va ku konguila olohoka, va ku sosola lovawe, loku ku sasola lolosipata viavo.
41
Va yoka olonjo viove, va ku tetuluila kovaso akãi valua, kuenje hu sulisisa ukahonga wove, loku onda ku ondi vali.
42
Oco onyeño yange yo kokuove yi pua. Siu ku kuatela vali ukuelume. Nulumũha kuenje si temi vali.
43
Momo kua ivalukile oloneke viutila wove, puãi wa nemisa lovina evi viosi, oco tala, ame ñapa kutue wove ovilinga viove muẽle. Oco ca popia Ñala Yehova. Kua vokinyile nga upuepue kovombondo ove osi?
44
Tala, wosi o ta ta olosapo o ku tela olusapo olu, luti, Ndeci ina haico omõla.
45
Ove wumõla wa ina. Wa suvuka veyaye lomãla vaye, haive wumanji ya vahuvove, va suvuka vaveyavo lomãla vavo. Nyoho yene u Hiti. So yene u Amori.
46
Kota liove ukãi eye Samaria. Eye lomãla vaye vakãi va tunga kepĩli liove. Umalẽhe waco wa tunga kondio yove, eye Sodoma lomãla vaye vakãi.
47
Haimo kua endelele volonjila viavo, ndaño oku linga ovombondo avo, omo a ku lingila a sule. Puãi wa va pitahãla enene koku livĩhĩsa kolonjila viove viosi.
48
Oco Yehova Suku hati, Ndomo ñasi lomuenyo, huvove Sodoma lomãla vaye vakãi ka va lingile ndeci ove lomãla vove vakãi wa lingi.
49
Tala, ongole ya huvove Sodoma lomãla vaye vakãi yeyi, Oku lituna, oku kuta lokulia, loku taluka lelau, kuenje ka va kuatisile olohũkuĩ lolosuke.
50
Yu wa linga usõsĩ lovombondo kovaso ange. Oco nda vopako eci nda ci mõla.
51
Samaria ka lingile omeyu yakandu ove. Ovombondo ove alua, aye a sule. Oku u sokisi poku vanja ovombondo ove, vamanjove va mõlẽha nda vakuesunga.
52
Lovevo, kala losõi yove, momo wa tetuluila vahuvove oku va yovuisa. Momo akandu ove wa linga a vĩha ca piãla, avo a sule, oco ovo va ku velapo kesunga. Oco ove, kutiwa osõi. Ocili, kala losõi yove, momo wa tetuluila vahuvove oku va yovuisa.
53
Niula vali esumũluho liavo, lesumũluho lia Sodoma lomãla vaye vakãi, lesumũluho lia Samaria lomala vaye vakãi. Haico hu tiuwilavo esumũluho liove
54
okuti oco o kutisue osõi, loku kutisiwila osõi ovina viosi wa linga omo wa va lembeleka.
55
Kuenje huvove, Sodoma, lomãla vaye vakãi va kala vali ndeci va kaile; la huvove Samaria lomãla vaye vakãi va kala vali ndeci va kaile; lovevo lomãla vove vakãi vu kala vali ndeci wa kaili ale.
56
Huvove Sodoma hẽ, ka tukuaiwaile lomẽla wove keteke lioku lituna kuove
57
osimbu ũvi wove ka wa mõlẽhẽle? Cilo wa lisoka laye koku pembuiwa lomãla vakãi va Suria, la vosi vo ñuala, lomãla vakai va va Filisiti, vana va ku ñuala kuenje va ku pembulavo.
58
Evĩho liove lovombondo ove a ku lundika. Oco ca popia Yehova.
59
Ca popia Yehova Suku ceci, hati, Omo muẽle, ndinga love ndeci ove wa linga, omo wa pembula esingo poku nyõla ocisila.
60
Haimo njivaluka ocisila cange cina nda likuminya love kutila wove, kuenje ndi lisila love ocisila ka ci pui.
61
Oco wivaluka olonjila viove loku kutisua osõi eci huĩha vahuvove vakãi kuenda apalanga vove vakãi ha va lingi omãla vove, puai ha mekonda liocisila coveko.
62
Ame muẽle ndi lisila ocisila cange love, kuenje o limbuka okuti ame ndi Yehova,
63
oco wivaluke loku kutisua osõi, ndaño usiko ku asama vali omẽla wove mekonda liosõi yove, eci hu ecela cosi wa linga. Oco ca popia Yehova Suku.
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 17 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48