bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Umbundu
/
Umbundu Bible (Embimbiliya - Bíblia Sagrada em Umbundu)
/
Ezekiel 21
Ezekiel 21
Umbundu Bible (Embimbiliya - Bíblia Sagrada em Umbundu)
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 22 →
1
Ondaka ya Yehova yeya vali kokuange yiti,
2
A Mõlõmunu, imba ovaso ko Yerusalãi. Pisa ovitumalo vialio vi kola. Imba owanji woku pisa ofeka ya Isareli.
3
Popia lofeka ya Isareli huti, Ca popia Yehova ceci, hati, Tala, ame namalala love. Mola osipata yange vocilalo cayo kuenje nyõla vokati kove lukuesunga londingãivi.
4
Omo ha nyõla vokati kove lukuesunga londingãivi oco osipata yange yi tundila vocilalo cayo oku nyõla omanu vosi, tunde ko Sul toke ko Norte.
5
Kuenje omanu vosi va limbuka okuti ame ndi Yehova ame nda pola osipata yange vocilalo cayo. Ka yi tiukilamo vali.
6
Oco leña leña, a Mõlõmunu, leñaila kovaso avo lutima wa teka kuenda upongo.
7
Kuenje eci va ku pula vati, Nye o kasilili loku leña leña? popia lavo huti, Ñasilili oku leñaila olondaka viokaliye. Eci ciya ovitima viosi vi yenguluka, lovaka osi a pua ongusu, laspiritu osi ambuka, kuenda olongolo viosi vi leñela ndovava. Ota, ciya, kuenje ci lemuluiwa. Oco ca popia Ñala Yehova.
8
Ondaka ya Yehova yeya vali kokuange yiti,
9
A Mõlõmunu, imba owanji. Popia huti, Ca popia Yehova ceci, hati, Popia huti, Osipata, osipata ya lepikiwa, ya kungiwa, yi ndelenga.
10
Ya lepikiwa okuti yi ponda, ya kungiwa okuti yi liakula ndociliakulo! Tu sanjuka ale? Omõlange wa nyehũla ombalama lombueti.
11
Oco osipata ya eciwa ha yi kungiwila upange. Ya kungiwa loku lepikiwa ha yi kapiwa peka liukuakuponda.
12
Lila, litetela, a Mõlõmunu, momo yi veta omanu vange. Yi veta olosoma viosi via Isareli, vi telekaliwila kosipata kumue lomanu vange. Oco liveta kevangovango liove.
13
Momo eci ka ci lingi oku nyika,— nda ca silivila nye momo wa nyehũli ale ombalama lombueti? Oco ca popia Ñala Yehova.
14
Oco, a Mõlõmunu, imba owanji. Pandula lovaka. Osipata yi vete luvali ndaño lutatu, osipata yava va pondiwa, osipata yekundu linene lia va ñuala,
15
oco ovitima viavo vi lulume kuenje valua va kupukila kolombundi viavo viosi. Nda eca osipata yi nina, yi liakula ndociliakulo, haiyo ya angiliyiwila oku ponda.
16
A Sipata! Teta kondio, teta kẽpilĩ, kuosi kua imba ocipala cove.
17
Lamevo mandula lovaka ange, nẽlisa onyeño yange. Ame ndi Yehova ame nda popia.
18
Ondaka ya Yehova yeya vali kokuange yiti,
19
A Mõlõmunu, sokiya olonjila vivali omu muiyilila osipata yosoma ya Bavulono. Kavali kavio vi tunda vofeka yimuamue. Sembika otaka. Yi sembikila kenyãha li enda kimbo.
20
Sokiya onjila omu muiyilila osipata yi veta Raba ombala yofeka ya va Amoni, yi vetavo Yuda kuenda Yerusalãi ya kolisua.
21
Momo osoma ya Bavulono yi talama panyãha, panyãha olonjila vivali, ha tãhi. O sekula ovisongo, o pula koviteka, kuenje o vanja komuma.
22
Peka liaye liondio pa mõlẽha ocitãho ca ilika Yerusalãi, oku vilikiya ekundu, loku imba olukuambi luovita, loku kapa olomakina vioku tuiya olombundi, loku ongeka olondunda viene, loku tunga olombonge.
23
Puãi kokuavo ci kala ndocitãho cuhembi. Va lisinga asingo a kola, puãi ci njivaluisa ongole yavo okuti va kuatiwa.
24
Oco Ñala Yehova hati, Omo wa ivaluisi ongole yene okuti oku lueya kuene kua situluka, kuenje kovilinga viene viosi akandu ene a mõleha, lomo wa ivalukiwi, oco vu kuatiwa.
25
Love, andingãivi ya sepuka, asoma ya Isareli, eteke liove lieya, otembo yeyambulo liove lia sulako yeya.
26
Ca popia Ñala Yehova ceci, hati, Upa ekofue. Upavo ekolowa. Ovina ka vi kala vali ndomo vi kasi. Citito ci velisapo, cinene ci sepuisa.
27
Ndi li nyõla. Ndi li nyõla. Ndi li nyõla muẽle pe. Ka ku siala ndaño ocima toke kuiya u cu sesamela kuenje ndi ceca kokuaye.
28
Love, a Mõlõmunu, imba owanji huti, Ca popia Ñala Yehova poku tukula va Amoni loku pembula kuavo, ceci, hati, Osipata! Osipata ya poliwila oku kundula, ya kungiwa ha yi nini loku liakula ndociliakulo,
29
yi veta kolosingo violondingãivi omo eteke liavo lieya. Otembo yeyambulo liavo lia sulako yeyavo, osimbu va ku letele ovinjoinjoi viesanda loku kuimbila owanji wuhembi.
30
Yi kapa vali vocilalo. Pana pocikoti cove haipo pofeka yucitiwe opo hu tetuluila.
31
Hu sukumuila onyeño yange. Hu siakalela elungulungu lioku tema kuange. Hu eca peka liolongangala vina vi tẽla oku nyõla.
32
O linga olohũi viondalu. Osonde yove yi kala vokati kofeka, ku ivalukiwa vali; momo ame ndi Yehova ame nda popia.
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 22 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48