Haggai 1

Umbundu Bible (Embimbiliya - Bíblia Sagrada em Umbundu)

Jump to: Chapter 2 →

1Kulima wavali wa Soma Dáriu, kosãi yepandu, keteke liatete, oco ondaka ya Yehova yeya lomẽla wuprofeto Hagai ku Seruvavele, omõla a Sialitiyele, onguvulu Yoko Yuda, kuenda ku Yehosua, omõla a Yehocedeke, ocitunda cinene, yiti,

2Ca popia Yehova Ukualohoka ceci, hati, Omanu ava va popia vati, Otembo yoku tunga vali onjo ya Yehova ka yeyile handi.

3Oco ondaka ya Yehova yeya lomẽla wuprofeto Hagai, yiti,

4Otembo yeya nga yoku tumãla volonjo viene via posuisua, osimbu onjo yilo yi kasi ño ndoto, cĩvi, cĩvi?

5Oco Yehova Ukualohoka wa popia hati, Sokololi ciwa ndomo vu kasi.

6Wa wayi ca lua kuenje wongoli citito. Wu lialia puãi ko kuta. Vu nyuanyua puãi ko pui enyona. Vu wala wala puãi ko yevi owuya, kuenje u o limuisamuisa onganyu o yi selaika vonjeke ye yuka apangu!

7Ca popia Yehova Ukualohoka ceci, hati, Sokololi ndomo vu kasi.

8Lamanẽli kolomunda, kopi oviti, tungi onjo yange okuti ndi yi sanjukila loku muisua layo ulamba. Oco ca popia Yehova.

9Wa lavokaili oku ungula calua, kuenje tala, wa sangi citito; kuenje caco citito, eci wa ci neni konjo, nda pepelelako, yu ca takata. Momo nye? Oco ca popia Yehova. Momo onjo yange ya linga ocingululu, ene puãi u sakalali ño, u lonjo yaye, u lonjo yaye.

10Oco ilu lia liweka oku lola owume, osi layovo ya liweka oku imisa apako.

11Kuenje nda laleka ocitenya ha ci veta ongongo lolomunda, kuenda epungu layuva, lulela, leci cosi cimaisa osi, kuenda omanu lovinyama lupange wosi wovaka ene.

12Oco Seruvavele, omõla a Sialitiyele, kuenda Yehosua, omõla a Yehocideke, ocitunda, kumosi lowiñi wosi womanu, va pokola kondaka ya Yehova Suku yavo, kuenda kolondaka via Hagai uprofeto, ndomo a tumiwa la Yehova Suku yavo. Va kala lusumba wa Yehova.

13Oco Hagai, omunga ya Yehova, wa pitiya komanu ondaka ya Yehova, hati, Ca popia Yehova ceci, hati, Ame ñasi kumue lene.

14Yehova yu wa sanyisa utima wa Seruvavele, omõla a Sialitiyele, onguvulu yoko Yuda, lu wa Yehosua, omõla a Yehocedeke, ocitunda cinene, levi viomanu vosi, yu veya, va kuata kupange wonjo ya Suku yavo, Yehova Ukualohoka.

15Va fetika eteke liakũi avali lakuãla liosãi yepandu.

Jump to: Chapter 2 →

Recommended Reading

Commentary Haggai Commentaries → Devotional Haggai Devotional Guide → Get This Bible Umbundu Bible (Embimbiliya - Bíblia Sagrada em Umbundu) Study Bible →