bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Umbundu
/
Umbundu Bible (Embimbiliya - Bíblia Sagrada em Umbundu)
/
Job 21
Job 21
Umbundu Bible (Embimbiliya - Bíblia Sagrada em Umbundu)
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 22 →
1
Oco Yovi wa kumbulula hati,
2
Yeveleli lutate eci mopia oco wu limbuka elembeleko liene ndomo lia njevala!
3
Ndinge ohenda oco mopie. Eci nda mala oku popia oco ci tava, fuanguli ño.
4
Ame hẽ omunu mbetela evelo? Mandikisila nye vali?
5
Mbanji loku lisalukako. Likuati no kolomẽla.
6
Ndaño ame oku ci sokolola ndi lisalukako kuenje fetika oku luluma.
7
Ci kasi ndati okuti vakuevĩho va kala lomuenyo haivo va linga akongo, kuenje vamamako lunene?
8
Omãla vavo va hindingila kovaso avo, kuenje va mõla okuamako kuolonekulu viavo.
9
Olonjo viavo via koka, usumba ka muli, Ombueti ya Suku ka yi va veta.
10
Onui yavo ka yi londi ño olivova. Onjindi yavo yi cita, ka yi pulumula.
11
Va tundisa otumãla tuavo ndocunda. Omãla vavo va tomboaka loku papãla.
12
Va imba ocisungo loñoma lohalupa. Va yolela okusika kuolumbendo.
13
Oloneke viavo vi pita loku salala. Va lokila konjembo lombembua.
14
Va sapuila Suku vati, Tu tunde. Ka tu yongola ukũlĩhĩso wolonjila viove.
15
Tõlo nga eye nye okuti tu u vumba? Ci tu kuatisa ndati oku likutilila kokuaye?
16
Elau liavo hẽ ka li kasi povaka avo? Ahãla a vakuevĩho a kasi kupãla la Suku.
17
Olonjanja viñami hẽ ondiyelo ya vakuevĩho yimiwa? Olonjanja viñami elamba li va wila? Olonjanja viñami onyeño ya Suku yi va amuĩla olongembia
18
okuti va linga ndovinene vi enda lofela, pamue ndovisaikiti vi ambatiwa lehunguhungu?
19
Ene vu popia hoti, Suku o solekela omãla akandu olonjali viavo. A va fetuluinye ovo muẽle okuti va ci limbuka.
20
Ovaso avo muẽle a mole okunyõleha kuavo. Ovo muẽle va nyue konyeño ya Tõlo.
21
Apata avo va kuete lao nye eci otembo ya va sokiyilua ya puako?
22
Kuli hẽ umue o tẽla oku longisa Suku ukũlĩhiso? Siti, eye o tetuluila ava va kasi kilu?
23
Omanu vavali va fa. Umue o fa tupu ohuasi, wa salala ca lua, utima waye wa tula, haeye wa koka.
24
Etimba liaye lia neta kuenda upuma wovakepa aye u sapita.
25
Ukavo o fa tupu osuke, wa sumua vutima omo ka la kũliha oku salala.
26
Kavali kavo va pekela voneketela ve yuka ovanyo.
27
Tala, nda kũlĩha ovisimilo viene, lahãla ene oku ndinga cĩvi.
28
Momo vu popia hoti, Onjo yombuale yi kasi pi? Onjo yukuevĩho yi kasi pi?
29
Ka wa pulili he olongende? Ka vu kolela uvangi wavio
30
okuti ukuevĩho o puluka veteke liongongo, haeye o popeliwa veteke lionyeño?
31
Helie o kuete utõi woku pisa ovituwa viaye kovaso aye? Helie u yambuila eci a linga?
32
Kovaso yoku u kenda eyambo liaye li tatiwa lulamba.
33
Posi ya leñela yondamba o pekela lombe mbua. Kuenje, omo osimbu ka file valua vo sanjukila, oco konambi yaye valua vo sindikila.
34
Oco hẽ, ci tava ndati oku ndembeleka lolondaka viesanda? Kakumbululo ene ka kuli cimue te uhembi.
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 22 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42