Joshua 17

Umbundu Bible (Embimbiliya - Bíblia Sagrada em Umbundu)

← Chapter 16 Jump to: Chapter 18 →

1Va imbavo ocela cepata lia Manase, momo eye uveli wa Yosefe. Makiri, uveli wa Manase, isia ya Gileada, wa tambula Gileada la Basiane, momo eye ulume ukuavita.

2Vakuapata akuavo a va Manase va tambulavo olonepa viavo, ndapata avo. Ovo vava: Omãla va Aviyesere, lomala va Heleke, lomala va Hefere, lomala va Semida. Ava ovo omala valume va Manase, omõla a Yosefe, ndapata avo.

3Puãi Celofehada, omõla a Hefere, omõla a Gileada, omõla a Makiri, omõla a Manase ka kaile lomãla valume, te lika omãla vakãi. Olonduko viomãla vaye vakãi, vievi: Mahila la Noha la Hogila la Milika kuenda Tirisa.

4Veya kovaso ocitunda Eleasara, la Yehosua omõla a Nune, lolombuale, kuenje vati, Yehova wa handelekele Mose oku tuiha ocipiñalo pokati kavangandietu. Oco eye wa va avela ocipiñalo pokati kavangandi a isiavo, ndocihandeleko ca Yehova.

5Manase wa tambula ekui liolonepa, kuenda vali ofeka ya Gileada la Basiane, kesinya lia Yordão;

6momo omala va Manase vakãi va tambula ocipiñalo pokati komãla vaye valume. Ofeka ya Gileada ya linga yomala vakuavo va Manase.

7Ongave ya Manase yopisa kAsiere, toke ko Mikimeta, kutundilo wa Sekeme. Ongave yaco ya loña konele yo Sul, kolonungi via Eni Tapuha.

8Ofeka ya Tapuha ya tiamela ku Manase. Puãi imbo lia Tapuha, vongave ya Manase, lia tiamela ku va Efarimi.

9Ongave ya lokila ko Sul yolui Kana. Ovaimbo okonele yaco a tiamela ku Efarimi, puãi a kala pokati kovaimbo a Manase. Ongave ya Manase ya pita ko Norte yolui, yu ya sulila vokalunga.

10Onepa yoko Sul, ya Efarimi. Eyi yoko Norte, ya Manase. Okalunga oko ka linga ongave yaye. Ko Norte, va lisungue la Asiere, kutundilo la Isakare.

11Vofeka ya Isakare lovofeka ya Asiere, Manase wa kalamovo la Bete Siane kumue lovikanjo viaco, la Yivileama kumue lovikanjo viaco, lomanu va Dori kumue lovikanjo viaco, lomanu va Endori kumue lovikanjo viaco, lomanu va Taanake kumue lovikanjo viaco, lomanu va Megido kumue lovikanjo viaco, olomunda vitatu.

12Haimo lumue va Manase ka va telele oku kuata ovaimbo aco, oco va Kanana va lamelela vofeka yaco.

13Eci va Isareli va kuata ongusu, va kapa va Kanana kupange wocikisika, puãi ka va va tundisile pe.

14Va Yosefe va popia la Yehosua, vati, Nye wa tu ihila onepa yimuamue locikepa cimuamue lika? Tala, etu tualua, kuenda toke cilo Yehova wa tu sumuluisa.

15Yehosua wa popia lavo hati, Nda wa lui, kuenje olomunda via Efarimi vio sukateleli enene, lamaneli vesisi, lipemeli ocitumalo vofeka ya va Perisi la va Refaimi.

16Va Yosefe vati, Olomunda viaco ka vi tu tela. Kuenda va Kanana vosi va tunga vetapi, va kuete akãlu utale, ci kale ava voko Bete Siane kumue lovikanjo vialio, ci kale ava vokocimbota ca Yesirele.

17Yehosua wa popia la va Yosefe, ndokuti va Efarimi la va manase, hati, Ene wa lui, kuenda ongusu yene ya lua. Ko tambula onepa yimosi lika.

18Puãi olomunda viaco vi linga viene, ndaño vi kasi lasisi, haimo vu a pema, kuenje asukiyo ao a linga ene. Vu laika oku tundisa va Kanana, ndaño va kuete akãlu utale, ndaño muẽle va pama.

← Chapter 16 Jump to: Chapter 18 →