bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Umbundu
/
Umbundu Bible (Embimbiliya - Bíblia Sagrada em Umbundu)
/
Luke 24
Luke 24
Umbundu Bible (Embimbiliya - Bíblia Sagrada em Umbundu)
← Chapter 23
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
1
Puãi keteke liatete kosimanu, eci kua ca omele, vambata onguendu ya pongiyiwa kuenje va enda keleva.
2
Yu va sanga ewe liaco lia tiñuluhako keleva.
3
Puãi, eci va iñilamo, ka va sangelemo etimba lia Ñala Yesu.
4
Osimbu va ci lisokaila oco tala, alume vavali va wala uwalo u nina, va tãi ocipepi lavo.
5
Kuenje osimbu akãi va lisalukako loku petamela posi, oco alume vaco va popia lavo vati, Nye vu sandela u o kasi lomuenyo pokati ka vakualufa? Mulo kemo, wa pinduka.
6
Ivaluki ndeci a popele lene osimbu a kala handi ko Galilea,
7
hati, Mõlomanu o pakuiwa povaka omanu vakuakandu, o valeliwa kekulusu, kuenda keteke liatatu o pinduka.
8
Kuenje va ivaluka olondaka viaye,
9
yu va tunda keleva, kuenje va tiukila oku ka sapuila olondonge ekui lamosi la vakuavo ovina evi viosi.
10
Ava va sapuila ovapostolo ovina evi, vava, Maria u Magadala, la Yoana, kuenda Maria ina ya Tiago, kuenda akãi vakuavo va kala lavo.
11
Puãi, kovapostolo, olondaka evi via va lingila esanda, ka va vi kolelele.
12
Petulu puãi Wa votoka, wa lupukila keleva, kuenje, oku petama, wa lengelelamo, yu wa mola olonjambo viaco lika liavio. Oku tundako wa enda konjo, wa komoha eci ca lingiwa.
13
Eteke liaco hailio vavali vavo va kala loku enda kimbo limue, onduko yalio Emausi. Upãla waco wa soka ekui liolo-kilometro lo ko Yerusalãi.
14
Kuenje va kala loku vangula ovina viosi via lingiwa.
15
Osimbu va kala loku vangula loku likumbolola, Yesu eye muẽle wa kokela ocipepi kuenje wa endela kumue lavo.
16
Puãi ovaso avo a sitikiwa okuti ka vo limbukile.
17
Oco, eye wa va pula hati, Ondaka ye vu kasi oku enda loku vangula? Va talama loku nyumala.
18
Umue, onduko yaye Kelopa, wo kumbulula hati, Pokati kakombe va kasi vo Yerusalãi, ove lika nga kua kũlihile ovina via lingiwamo oloneke vilo?
19
Oco wa va pula, hati, Ovina vie? Vo kumbulula vati, Ovina via Yesu u Nasara, wa kala uprofeto unene kovilinga kuenda kolondaka, kovaso a Suku, lo kovaso omanu vosi,
20
levi viovitunda vinene lakulu vetu, okuti vo pakula ha vo pisila okufa, kuenje vo valela kekulusu.
21
Etu puãi tua lavokaile okuti eye u o laika oku yovola Isareli. Kuenda vali, etaili eteke liatatu apa ovina evi via lingiwila.
22
Kuenda vali, vamue vakuetu, akãi, va tu saluisa. Va limelehelele keleva,
23
kuenje ka va sangele ocivimbi caco. Oco va tiuka kuenje va tu sapuila vati, Tua mola owima wovangelo va linga vati, O kasi lomuenyo.
24
Kuenje vamue va kala letu va endele keleva, yu va ci sanga ndeci akãi va popia. Eye puãi ka vo muile.
25
Kuenje eye wa popia lavo hati, Wakuanumbi, kuenda wakuepõi liutima lioku kolela olondaka viosi via popia ovaprofeto.
26
Ka ca sesamelele hẽ, okuti Kristu o tala ohali eyi okuti noke iñila vulamba waye.
27
Eye wa va lomboluila ovisonehua viosi via tiamela kokuaye, loku fetika levi via Mose kuenda evi viovaprofeto vosi.
28
Va kokela kimbo oko va lunga. Eye wa linga ndu o pitahala,
29
ovo puãi vo lipilikila vati, Lala letu, momo ekumbi lia enda ale, ndopo ku tekava. Oco wa iñila oku lala lavo.
30
Eci a tumala kumue lavo komesa, oco wa nyañula ombolo kuenje wa yi panduila. Eci a yi timbula wa yeca kokuavo.
31
Oco ovaso avo a situluka, vo limbuka, yu wa senguluka kovaso avo.
32
Yu va livangula pokati vati, Ovitima vietu ka via tokotele hẽ osimbu a vangula letu vonjila, cina a tu situluila ovisonehua?
33
Oco va votoka kola yaco muẽle, kuenje va tiukila ko Yerusalãi, yu va sanga ekui liaco lamosi va liongoluila kumue lava va kala lavo,
34
haivo va popia vati, Ñala wa pinduka muẽle, yu wa moleha ku Simono.
35
Oco Kelopa lukuavo va lombolola cosi ca pita vonjila, lomo vo limbukila poku timbula ombolo.
36
Osimbu va kala loku popia ovina evi, Yesu yu o tãi pokati kavo. Wa popia lavo hati, Ombembua yi kale lene.
37
Puãi va lisalukako kuenda va kala lusumba. Va soka vati, Ocilũlu.
38
Oco eye wa popia lavo hati, Wa yokokeli nye? Nye wa litãtãlãili vovitima viene?
39
Tali ovoko ange lolomãi viange okuti ame muẽle. Ndambi oco vu tale, momo ocilũlu ka ci kasi lositu lakepa ndeci vu lete okuti ñasi lao.
40
Kuenje eci a kala loku ci popia, wa va lekisa ovoko aye lolomãi viaye.
41
Osimbu ka va ci kolelele omo va kala lonjolela kuenda va komoha, eye wa va pula hati, Vu kuete kamue kokulia?
42
Oco vo wiha ocinimbu colusi lua yuyiwa.
43
Kuenje wa ci tambula, wa ci lila kovaso avo.
44
Yu wa popia lavo hati, Evi ovio olondaka viange nda popele lene, cina nda kala kumue lene, okuti ovina viosi via sonehelua ame vovihandeleko via Mose lovaprofeto lolosamo vi lingiwa.
45
Oco wa situlula ovitima viavo okuti va limbuka ovisonehua
46
Yu wa popia lavo hati, Ca sonehiwa ndoco citi, Kristu o tala ohali kuenda eteke liatatu o pinduka ku vakuavilangu,
47
citivo okulikekembela akandu kuenda okuecelua ku kundilua vonduko yaye kolofeka viosi oku fetikila ko Yerusalãi.
48
Ene vulombangi viovina evi.
49
Kuenje ndu tumisi ohuminyo ya Tate, puãi kali vimbo toke wa walisiwi lunene wokilu.
50
Yu wa enda lavo toke ko Betánia. Oco wa tulika ovoko aye kuenje wa va sumũlũisa.
51
Oco, eci a kala loku va sumũlũisa eye wa litepa lavo, kuenje wa yeluiwa kilu.
52
Yu vo fendela, kuenje va tiukila ko Yerusalãi lonjolela ya lua.
53
Va tongeka ño-o oku sivaya Suku vonembele.
← Chapter 23
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24