bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Urdu
/
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
/
Exodus 39
Exodus 39
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
← Chapter 38
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 40 →
1
Aur unhoṉ ne maqdis meṉ ḳhidmat karne ke liye ásmání aur arg̣awání, aur surḳh bel búṭe kaṛhe húe libás, aur Hárún ke wáste muqaddas libás, jaisá Ḳhudáwand ne Músá ko hukm diyá thá, banáe.
2
Aur us ne sone, aur ásmání, aur arg̣awání, aur surḳh rang ke kapṛoṉ aur bárík baṭe húe katán ká afod banáyá.
3
Aur unhoṉ ne soná píṭ píṭkar patle patle pattar, aur pattaroṉ ko káṭ káṭkar tár banáe, táki ásmání, aur arg̣awání, aur surḳh rang ke kapṛoṉ, aur bárík baṭe húe katán par máhir ustád kí tarah un se zardozí kareṉ.
4
Aur afod ko joṛne ke liye unhoṉ ne do moṉḍhe banáe, aur un ke donoṉ siroṉ ko milákar báṉdh diyá.
5
Aur us ke kasne ke liye kárígarí se buná húá kamarband, jo us ke úpar thá, wuh bhí usí ṭukṛe aur banáwaṭ ká thá; ya‘ní sone, aur ásmání, aur arg̣awání, aur surḳh rang ke kapṛoṉ, aur bárík baṭe húe katán ká baná húá thá, jaisá Ḳhudáwand ne Músá ko hukm kiyá thá.
6
Aur unhoṉ ne sulaimání patthar káṭkar sáf kiye, jo sone ke ḳhánoṉ meṉ jaṛe gaye, aur un par angushtarí ke naqsh kí tarah baní Isráíl ke nám kanda the,
7
aur un ko afod ke monḍhoṉ par lagáyá, táki wuh baní Isráíl kí yádgárí ke patthar hoṉ, jaisá Ḳhudáwand ne Músá ko hukm kiyá thá.
8
Aur us ne afod kí banáwaṭ ká sínaband taiyár kiyá, jo máhir ustád ke háth ká kám thá; ya‘ní wuh sone, aur ásmání, aur arg̣awání, aur surḳh rang ke kapṛoṉ, aur bárík baṭe húe katán ká baná húá thá.
9
Wuh chaukhúṉṭá thá; unhoṉ ne us sínaband ko duhrá banáyá, aur duhre hone par us kí lambáí ek bálisht, aur chauṛáí ek bálisht thí.
10
Is par chár qatároṉ meṉ unhoṉ ne jawáhir jaṛe. Yáqút i surḳh, aur pukhráj, aur zumurrud kí qatár to pahlí qatár thí.
11
Aur dúsrí qatár meṉ gohar i shab chirág̣, aur nílam, aur hírá;
12
tísrí qatár meṉ lashm, aur yashm, aur yáqút.
13
Chauthí qatár meṉ fíroza, aur sang i sulaimání, aur zabarjad. Yih sab alag alag sone ke ḳhánoṉ meṉ jaṛe húe the.
14
Aur yih patthar Isráíl ke beṭoṉ ke námoṉ ke shumár ke mutábiq bárah the; aur angushtarí ke naqsh kí tarah bárah qabíloṉ meṉ se ek ek ká nám alag alag ek ek patthar par kanda thá.
15
Aur unhoṉ ne sínaband par ḍorí kí tarah gundhí húí ḳhális sone kí zanjíreṉ banáíṉ.
16
Aur unhoṉ ne sone ke do ḳháne aur sone ke do kaṛe banáe, aur donoṉ kaṛoṉ ko sínaband ke donoṉ siroṉ par lagáyá.
17
Aur sone kí donoṉ gundhí húí zanjíreṉ un kaṛoṉ meṉ pahináíṉ, jo sínaband ke siroṉ par the.
18
Aur donoṉ gundhí húí zanjíroṉ ke báqí donoṉ siroṉ ko donoṉ ḳhánoṉ meṉ jaṛkar un ko afod ke donoṉ moṉḍhoṉ par sámne ke ruḳh lagáyá.
19
Aur unhoṉ ne sone ke do kaṛe âur banákar un ko sínaband ke donoṉ siroṉ ke us háshiye meṉ lagáyá, jis ká ruḳh andar afod kí taraf thá.
20
Aur unhoṉ ne sone ke do kaṛe âur banákar un ko afod ke donoṉ moṉḍhoṉ ke sámne ke hisse meṉ andar ke ruḳh, jaháṉ afod juṛá thá, lagáyá, táki wuh afod ke kárígarí se bune húe paṭke ke úpar rahe.
21
Aur unhoṉ ne sínaband ko lekar us ke kaṛoṉ ko afod ke kaṛoṉ ke sáth ek níle fíte se is tarah báṉdhá, ki wuh afod ke kárígarí se bune húe paṭke ke úpar rahe, aur sínaband ḍhílá hokar afod se alag na hone páe, jaisá Ḳhudáwand ne Músá ko hukm diyá thá.
22
Aur afod ká jubba bunkar bi’lkull ásmání rang ká banáyá.
23
Aur us ká girebán zirah ke girebán kí tarah bích meṉ thá, aur us ke girdágird goṭ lagí húí thí, táki wuh phaṭ na jáe.
24
Aur us ke dáman ke gher meṉ, ásmání, aur arg̣awání, aur surḳh rang ke baṭe húe tár se anár banáe.
25
Aur ḳhális sone kí ghanṭiyáṉ banákar un ko jubbe ke dáman ke gher meṉ chároṉ taraf anároṉ ke darmiyán lagáyá.
26
Pas, jubbe ke dáman ke sáre gher meṉ ḳhidmat karne ke liye ek ek ghanṭí thí aur phir ek ek anár, jaisá Ḳhudáwand ne Músá ko hukm diyá thá.
27
Aur unhoṉ ne bárík katán ke bune húe kurte Hárún aur us ke beṭoṉ ke liye banáe.
28
Aur bárík katán ká ‘amáma aur bárík katán kí ḳhúbsúrat pagṛiyáṉ, aur bárík baṭe húe katán ke pájáme,
29
aur bárík baṭe húe katán, aur ásmání, arg̣awání, aur surḳh rang ke kapṛoṉ ká bel búṭedár kamarband bhí banáyá, jaisá Ḳhudáwand ne Músá ko hukm kiyá thá.
30
Aur muqaddas táj ká pattar ḳhális sone ká banákar us par angushtarí ke naqsh kí tarah yih kanda kiyá, Ḳhudáwand Ke Liye Muqaddas.
31
Aur use ‘amáme ke sáth úpar báṉdhne ke liye us meṉ ek nílá fíta lagáyá, jaisá Ḳhudáwand ne Músá ko hukm kiyá thá.
32
Is tarah ḳhaima e ijtimá‘ ke maskan ká sab kám ḳhatm húá aur baní Isráíl ne sab kuchh, jaisá Ḳhudáwand ne Músá ko hukm diyá thá, waisá hí kiyá.
33
Aur wuh maskan ko Músá ke pás láe, ya‘ní ḳhaima, aur us ká sárá sámán, us kí ghunḍiyáṉ, aur taḳhte, aur beṉḍe, aur sutún, aur ḳháne;
34
aur ghaṭáṭop, meṉḍhoṉ kí surḳh rangí húí kháloṉ ká g̣iláf, aur tuḳhas kí kháloṉ ká g̣iláf, aur bích ká parda;
35
shahádat ká sandúq, aur us kí chobeṉ, aur sarposh;
36
aur mez aur us ke sab zurúf, aur nazr kí roṭí;
37
aur pák sham‘adán, aur us kí sajáwaṭ ke chirág̣, aur us ke sab zurúf, aur jaláne ká tel;
38
aur zarrín qurbángáh, aur masah karne ká tel, aur ḳhushbúdár baḳhúr, aur ḳhaime ke darwáze ká parda;
39
aur pítal manḍhá húá mazbah, aur pítal kí jhanjarí, aur us kí chobeṉ, aur us ke sab zurúf, aur hauz aur us kí kursí;
40
sahn ke parde aur un ke sutún aur ḳháne, aur sahn ke darwáze ká parda aur us kí rassiyáṉ, aur meḳheṉ, aur ḳhaima e ijtimá‘ ke kám ke liye maskan kí ‘ibádat ke sab sámán;
41
aur pák maqám kí ḳhidmat ke liye kaṛhe húe libás, aur Hárún káhin ke muqaddas libás, aur us ke beṭoṉ ke libás, jin ko pahinkar un ko káhin kí ḳhidmat ko anjám dená thá.
42
Jo kuchh Ḳhudáwand ne Músá ko hukm kiyá thá, usí ke mutábiq baní Isráíl ne sab kám banáyá.
43
Aur Músá ne sab kám ká muláhaza kiyá, aur dekhá, ki unhoṉ ne use kar liyá hai. Jaisá Ḳhudáwand ne hukm diyá thá, unhoṉ ne sab kuchh waisá hí kiyá: aur Músá ne un ko barakat dí.
← Chapter 38
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 40 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40