bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Urdu
/
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
/
Isaiah 30
Isaiah 30
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
← Chapter 29
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 53
Chapter 54
Chapter 55
Chapter 56
Chapter 57
Chapter 58
Chapter 59
Chapter 60
Chapter 61
Chapter 62
Chapter 63
Chapter 64
Chapter 65
Chapter 66
Chapter 31 →
1
Ḳhudáwand farmátá hai, Un bág̣í laṛkoṉ par afsos, jo aisí tadbír karte haiṉ, jo merí taraf se nahíṉ; aur ‘ahd o paimán karte haiṉ, jo merí rúh kí hidáyat se nahíṉ, táki gunáh par gunáh kareṉ:
2
wuh mujh se púchhe bag̣air Misr ko játe haiṉ, táki Fir‘aun ke pás panáh leṉ, aur Misr ke sáye meṉ amn se raheṉ.
3
Lekin Fir‘aun kí himáyat tumháre liye ḳhajálat hogí, aur Misr ke sáye meṉ panáh lená tumháre wáste ruswáí hogá.
4
Kyúṉki us ke sardár Zu‘an meṉ haiṉ, aur us ke elchí Hanís meṉ já pahuṉche.
5
Wuh us qaum se jo un ko kuchh fáida na pahuṉchá sake, aur madad o yárí nahíṉ, balki ḳhajálat aur malámat ká bá‘is ho, sharminda hoṉge.
6
Junúb ke jánwaroṉ kí bábat bár i nubuwwat. Dukh aur musíbat kí sarzamín meṉ jaháṉ se nar o máda sher i babar, aur afa‘í, aur uṛnewále átashí sáṉp áte haiṉ, wuh apní daulat gadhoṉ kí píṭh par, aur apne ḳhazáne úṉṭoṉ ke kohán par ládkar us qaum ke pás le játe haiṉ jis se un ko kuchh fáida na pahuṉchegá.
7
Kyúṉki Misríoṉ kí kumak bátil aur befáida hogí: isí sabab se maiṉ ne use Rahab kahá, jo sust baiṭhí hai.
8
Ab jákar un ke sámne ise taḳhtí par likh, aur kitáb meṉ qalamband kar, táki áyanda abadu’l ábád tak qáim rahe.
9
Kyúṉki yih bág̣í log aur jhúṭhe farzand haiṉ, jo Ḳhudáwand kí sharí‘at ko sunne se inkár karte haiṉ:
10
jo g̣aibbínoṉ se kahte haiṉ, G̣aibbíní na karo; aur nabíoṉ se, ki Ham par sachchí nubuwwateṉ záhir na karo; ham ko ḳhushgawár báteṉ sunáo, aur ham se jhúṭhí nubuwwat karo:
11
ráh se báhar jáo, ráste se bargashta ho, aur Isráíl ke Quddús ko hamáre darmiyán se mauqúf karo.
12
Pas Isráíl ká Quddús yúṉ farmátá hai, Chúṉki tum is kalám ko haqír jánte, aur zulm aur kajrawí par bharosá rakhte aur usí par qáim ho;
13
is liye yih badkirdárí tumháre liye aisí hogí, jaisí phaṭí húí díwár jo girá cháhtí hai, úṉchí ubhrí húí díwár jis ká girná nágahán ek dam meṉ ho.
14
Wuh ise kumhár ke bartan kí tarah toṛ ḍálegá, use bedareg̣ chaknáchúr karegá; chunáṉchi is ke ṭukṛon meṉ ek ṭhíkrá bhí ná milegá, jis meṉ chúlhe par se ág uṭháí jáe, yá hauz se pání liyá jáe.
15
Kyúṉki Ḳhudáwand Yahowáh, Isráíl ká Quddús, yúṉ farmátá hai, ki Wápas áne aur ḳhámosh baiṭhne meṉ tumhárí salámatí hai; ḳhámoshí aur tawwakkul meṉ tumhárí quwwat hai: par tum ne yih na cháhá.
16
Tum ne kahá, Nahíṉ, ham to ghoṛoṉ par chaṛhke bhágeṉge; is liye tum bhágoge; aur kahá, Ham tezraftár jánwaroṉ par sawár hoṉge; pas tumhárá píchhá karnewále tezraftár hoṉge.
17
Ek kí jhiṛkí se ek hazár bhágeṉge; páṉch kí jhiṛkí se tum aisá bhágoge, ki tum us ‘alámat kí mánind jo paháṛ kí choṭí par, aur us nishán kí mánind jo koh par nasb kiyá gayá ho rah jáoge.
18
Taubhí Ḳhudáwand tum par mihrbání karne ke liye intizár karegá, aur tum par rahm karne ke liye baland hogá; kyúṉki Ḳhudáwand ‘ádil Ḳhudá hai; mubárak haiṉ wuh sab jo us ká intizár karte haiṉ.
19
Kyúṉki, ai Siyyúní qaum, jo Yarúshalem meṉ basegí: tú phir na roegí; wuh terí faryád kí áwáz sunkar yaqínan tujh par rahm farmáegá; wuh sunte hí tujhe jawáb degá.
20
Aur agarchi Ḳhudáwand tujh ko tangí kí roṭí aur musíbat ká pání detá hai, taubhí terá mu‘allim phir tujh se rúposh na hogá; balki terí áṉkheṉ us ko dekheṉgí:
21
aur jab tú dahiní yá báíṉ taraf muṛe, to tere kán tere píchhe se yih áwáz suneṉge, ki Ráh yihí hai, is par chal.
22
Us waqt tú apní khodí húí múratoṉ par maṛhí húí chándí, aur ḍhále húe butoṉ par chaṛhe húe sone ko nápák karegá; tú use haiz ke latte kí mánind pheṉk degá, tú use kahegá, Nikal, dúr ho.
23
Tab wuh tere bíj ke liye jo tú zamín meṉ boe, bárish bhejegá; aur zamín kí afzáish kí roṭí ká g̣alla ‘umda aur kasrat se hogá: us waqt tere jánwar wasí‘ charágáhoṉ meṉ chareṉge.
24
Aur bail aur jawán gadhe jin se zamín jotí játí hai, lazíz chára kháeṉge, jo belche aur chháj se phaṭká gayá ho.
25
Aur jab burj gir jáeṉge, aur baṛí ḳhúnrezí hogí, to har ek úṉche paháṛ aur baland ṭíle par chashme aur pání kí nadiyáṉ hoṉgí.
26
Aur jis waqt Ḳhudáwand apne logoṉ kí shikastagí ko durust karegá, aur un ke zaḳhmoṉ ko achchhá karegá, to chánd kí chándní aisí hogí, jaisí súraj kí raushní; aur súraj kí raushní sát guní balki sát din kí raushní ke barábar hogí.
27
Dekho, Ḳhudáwand dúr se chalá átá hai, us ká g̣azab bhaṛká, aur dhuweṉ ká bádal uṭhá; us ke lab qahrálúda, aur us kí zabán bhasam karnewálí ág kí mánind hai.
28
Us ká dam nadí ke sailáb kí mánind hai, jo gardan tak pahuṉch jáe: wuh qaumoṉ ko halákat ke chháj meṉ phaṭkegá, aur logoṉ ke jabṛoṉ meṉ lagám ḍálegá, táki un ko gumráh kare.
29
Tab tum gít gáoge, jaise us rát gáte ho, jab muqaddas ‘íd manáte ho: aur dil kí aisí ḳhushí hogí, jaisí us shaḳhs kí jo báṉsrí liye húe ḳhirámán ho, ki Ḳhudáwand ke paháṛ meṉ Isráíl kí chaṭán ke pás jáe.
30
Kyúṉki Ḳhudáwand apní jalálí áwáz sunáegá, aur apne qahr kí shiddat, aur átash i sozán ke shu‘le, aur sailáb aur áṉdhí, aur oloṉ ke sáth apná bázú níche láegá.
31
Háṉ, Ḳhudáwand kí áwáz hí se Asúr tabáh ho jáegá, wuh use laṭh se máregá.
32
Aur us qazá ke laṭh kí har ek zarb jo Ḳhudáwand us par lagáegá, daf aur barbat ke sáth hogí, aur wuh us se saḳht laṛáí laṛegá.
33
Kyúṉki Túfat muddat se taiyár kiyá gayá, háṉ, wuh bádsháh ke liye gahrá aur wasí‘ banáyá gayá hai: us ká ḍher ág aur bahut sá índhan hai, aur Ḳhudáwand kí sáṉs gandhak ke sailáb kí mánind us ko sulgátí hai.
← Chapter 29
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 53
Chapter 54
Chapter 55
Chapter 56
Chapter 57
Chapter 58
Chapter 59
Chapter 60
Chapter 61
Chapter 62
Chapter 63
Chapter 64
Chapter 65
Chapter 66
Chapter 31 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66