bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Makhuwa
/
Makhuwa VMK (Emakhuwa Bible)
/
1 Samuel 18
1 Samuel 18
Makhuwa VMK (Emakhuwa Bible)
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 19 →
1
Davide amalihakaru wuuluma ni Sawuli, Yonatani ni Davide yaathatuwa asinthamwene xaxaxa. Yonatani aamusivela Davide ntoko aasivelaawe okumaawe.
2
Okhuma nihuku nenenenne Sawuli aalamula weera Davide akhale ni yoowo ahimutthuniheraka ohokoleela wa atithawe.
3
Vano Yonatani aahiiwanano opaka onthamwene ni Davide niwoko aamusivela ntoko aasivenlaawe okumaawe.
4
Owo aarula mukaandyowaawe ni soowarela sa ekhotto aakunxaawe, anamvaha Davide, mpakatho ekatanaawe, muupa ni laamba.
5
Davide annakwanihera miteko sootheene Sawuli aamulamulelaawe opaka moota wooweera Sawuli aamukhaliha vanipuroni noottittimiheyaxa variyari wa anakhotto. Eyo yaasiveliha muloko nitho asitokweene a anakhotto a Sawuli.
6
Anakhotto yaahokoleelaaya owaani Davide amwiivaleene muFilisti, asithiyana ootheene a isidade sa oYixrayeli yaamuciceera mwene Sawuli. Yaakhuma yiipaka ni yiinaka ni akarakaxa, icipo soohakalaliha ni makita a ifiiyu tthaaru.
7
Awosa yiinaka, yaahiipa: “Sawuli oowiiva ancipale ni Davide oowiiva woopwahaxa.”
8
Sawuli aanyoonyiwa niwoko na ecipo ele ni atoxengyeene aahuupuwela: “Awosa aneera weera Davide oowiiva atthu oopwaha yaale kiwiivalaaka. Owo onghaleela omvara omwene!”
9
Vano okhuma ehuhuweene yeele Sawuli annamukhalela nrima Davide.
10
Oxaawaya munepa woonanara waarumihiwe ni Muluku waamukhuruwela Sawuli ni ikuru ni aamuttittimuwa mpaanimwawe. Davide eera amwiipaka makita ntoko aakhovelenlaawe. Vano Sawuli avarenleene nivaka,
11
aamvonyera eeraka: “Kimphitaanyere Davide vaxirini.” Vaheera Davide aarapela veeli.
12
Sawuli ammoova Davide, niwoko Yave aari ni Davide, vaheera aamuhiya Sawuli.
13
Hiiho aamurumiha Davide ottaiwawe, amukhalihaka mutokweene a anakhotto macira muloko, mwa yaawo Davide aaweettanaawe mukhottonimwawe.
14
Sootheene Davide aapakaawe sannamweettela nnenesene, niwoko Yave aari ni yoowo.
15
Sawuli oonaka moota itthu sootheene saamweettelaaya nnene, annamoova Davide.
16
Vaheera atthu ootheene a oYixrayeli ni oYuda yannamusivela, niwoko owo annaweettiha mukhottonimwaya.
17
Sawuli aamweerela Davide: “Ori va mwanaka muthiyana a ntthaara, Merabi. Kinimoovaha weera omuthele, keerelaka weera okirumeeleke paahi ntoko nakhotto oolipa murima ohoolelaka ikhotto sa Yave.” Vanonto, Sawuli mmurimanimwawe uupuwela: “Kihimwiive; aFilisti emwiiveke!”
18
Vano Davide aamweerela Sawuli: “Miyo ni emusaaka khaninttittimiheya oYixrayeli. Tivawo kihiphwanenlaaka okhala mukamwene a mwene.”
19
Vaheera yaaphiyeraaya ehuhu ya Merabi mwaana muthiyana a Sawuli otheliwa ni Davide, Sawuli aamvaha Aderiyeli a oMehola.
20
Vanonto Mikali, Mwanawe muthiyana mukina a Sawuli, aamusivela Davide. Sawuli aaleeliwaawe yeeyo, aahakalala,
21
uupuwelaka: “Miyo kinoomvaha Mikali weera owo akhale ntapha na Davide ni weera aFilisti engwaneno.” Hiiho Sawuli aamweerela Davide: “Vano mookhalano ehuhu yanaaveeli othatuwa mukamwenaaka.”
22
Sawuli aahaalamulela arumeiyaawe: “Muulumeke ni Davide muxiirini ni mwamweerele: ‘Moone, mwene ohoosivelani ni anamalakaawe ootheene annoottittimihani. Vano muthatuwe mukamwenaawe.’”
23
Awosa yaamuphithelela masu ale Davide, mene owo aaheera: “Othatuwa mukamwene a mwene ti etthu etokotokoxa. Miyo ti mulopwana oohaawa ni oohisuwanyeya paahi.”
24
Anamalaka a Sawuli emuthaliherakaru yeeyo aahimalaawe Davide,
25
Sawuli aawaakhula: “Mwamweerele Davide: Yeeyo mwene ontthunaawe ntoko yoomulivano Mikali ti matusu ncira a aFilisti weera aarulele ikukuttula aFilisti.’” Miruku sa Sawuli saari sooweera Davide iiviweke ni aFilisti.
26
Anamalaka emuthaliherakaru Davide itthu iye, owo aahakalalela woothatuwa mukamwene a mwene. Tivawo, ehinaaye omala ehuhu yaavaaneliwe,
27
Davide ni asilopwanaawe yaarowa, enawiivasa aFilisti macira meeli. Aaruuha matusu, anamvaha mwene weera athatuwe mukamwenaawe. Vano Sawuli aamutheliha mwanawe muthiyana, Mikali.
28
Sawuli asuwelakaru weera Yave aari ni Davide ni weera Mwanawe muthiyana, Mikali annamusivela,
29
Sawuli aatepaxatho omoova apwahereraka okhala mwiittanaawe mookuminimwawe wootheene.
30
Asitokweene a anakhotto a aFilisiti yannapwaherera orowa waawanano aYixrayeli ni imaara sootheene Davide annaakupha yaawo aapwahaka asitokweene akina ootheene a Sawuli. Hiiho aakhalatho ni epili.
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 19 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31