bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Makhuwa
/
Makhuwa VMK (Emakhuwa Bible)
/
1 Samuel 26
1 Samuel 26
Makhuwa VMK (Emakhuwa Bible)
← Chapter 25
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 27 →
1
Vano aZifi yaarowa wa Sawuli oGibeya, enamweerela: “Davide iipinthe vanttumuxani na oHakila, ohoolo wa oYeximoni.”
2
Tivawo Sawuli aarongwaawe onikareni na oZifi vamoha ni anakhotto macira miloko miraru oothanliwa variyari wa aYixrayeli weera yamwaasewo Davide.
3
Sawuli aakonenle mukerekhere musewe vanttumuxani na oHakila, ohoolo wa oYeximoni, mene Davide aahala munikareni. Asuwelakaru weera Sawuli aamuntthara,
4
aahaarumiha anamahottela, anasuwela weera vekhaikhai Sawuli ohoorwa.
5
Davide aavenya, anarowa wa nipuro Sawuli aakonenlaawe. Aahoona nipuro Sawuli ni Abeneri, mwaana mulopwana a Neri, yiixaatalenlaayawo. Sawuli iixaatalenle eriyari, anakhottwaawe emurukureenreene.
6
Vano Davide aamukoha Ahimeleki, muHiti, ni Abixai, mwaana mulopwana a Zeruha, munneiye Yowabi: “Taani anaakihoole okonenlaawewo Sawuli?” Abixai aamwaakhula: “Miyo kinimoohoolani.”
7
Hiiho Davide ni Abixai yaavolowasa ohiyu waakonelingwe, enamphwanyawo Sawuli akonneene, nivakanawe neemexiweene waamuru. Abeneri ni anakhotto yeera yiixaatalenleene mukhwipimwawe.
8
Abixai aamweerela Davide: “Olelo Yave oomwinnyerera mwiittanaanyu mmatatanimwanyu. Mukihiyeke kimuhome ehutta mpaka ophutula vathi emaara emoha paahi ehitthuneyaka ekina.”
9
Vano Davide aamwaakhula Abixai: “Muhimwiive! Khoongwereya opwaherera woohinthowa vahoolo woomwiiva oothanliwa a Yave.”
10
Kinlipela mwa Nsina na Yave weera Owo muneenaawe onoomwiiva, hoye hoye eniiphiyere ehuhu ni owo anaakhwe, naari anaarowe okhottoni ni anaariheye.
11
Yave akihiiheke weera kihimwiive oothanliwa a Yave. Nikuxe nivaka ni exaaru eri ni maahi siri waamuruwawe, nipwaheke.”
12
Vano Davide aakuxa nivaka ni exaaru ya maahi saari waamuru wa Sawuli, anapwaha. Khaawo aawoonne, naari aawiiwale hata aavennye mookonani. Ootheene yaakonasa niwoko saahaattokoneela ikhove saarweela wa Yave.
13
Davide aarowa mpatta mukina, anawela vasulu nttumuxa, arakamenleene vakhaani.
14
Aawiitthana anakhotto ni Abeneri, mwaana mulopwana a Neri: “Abeneri, mukaakhuleke!” Abeneri aamwaakhula: “Taani onimukhuwelela mwene?”
15
Davide aamweerela: “Keera nyuwo mulopwana? Muri oohilikanxereya variyari wa aYixrayeli. Vano heeni muhimwaakinghaanyu pwiiyaanyu, mwene? Mukina aarowawo weera amwiive mwene.
16
Yeeyo mpankaanyu kheereenre. Kinlipela mwa Nsina na Yave weera ootheene nyuwo moophwanela okhwa mweenre muhimwaakiha mwenaanyu, oottikittheliwa a Yave. Ngwehe mukhwipimwanyu. Nri woowi nivaka ni exaaru ya maahi a mwene saari waamuruwawe?”
17
Sawuli aasuwela nsunawe Davide, anamukoha: “Mwanaka Davide, ti nsunawo?” Davide aamwaakhula: “Ti nawaka, pwiiyaaka mwene.”
18
Aapwaherera weera: “Pwiiyaaka, munimuttharattharela heeni murumeiyaanyu ola? Kipankeni, nthowa noonanara heeni kirinaaka?
19
Vano, pwiiyaaka, mwene, mwiiweke masu a murumeiyaanyu: Yave ooseserani okisoonda, Owo aakheleke yooveleelaaka. Wa soothesene, yaari atthu apanke, vano elaphiwe vamaithoni wa Yave. Awo aakirakameliha wa mpattaaka wa yoohiyeriwa ya Yave ni aakeerela: ‘Murowe mwalape miluku sikina.’
20
Muhikihiye kikhwelaka mweelaponi ya anamarwa ottaiwene wa vamaithoni wa Yave. Mwene a aYixrayeli aarowa waasa otitili, ntoko mukina onrowaawe olupattha ekhwali mmanyaakoni.”
21
Sawuli aamwaakhula: “Koottheka. Ohokolowe, mwanaka, Davide. Olelo wohuurela okumaaka. Nkoopakatho yoonanara. Vekhaikhai koheetta ntoko mulolo kitapanyaxaka.”
22
Davide aamwaakhula: “Nivakananyu nri va. Mmoha a arumeiyaanyu arweeke, akuxeke.
23
Yave ontthuvela ekhaikhai ni ororomeleya wa khula mutthu. Olelo Owo oowinnyererani nyuwo mmatatanimwaka, mene miyo kookhootta omutava oottikittheliwa a Yave.
24
Mooteene yoowo miyo kiwooponlaakani olelo, Yave oopole okumaaka akivuluxaka mwa ohaawawaka wootheene.”
25
Vanonto Sawuli aamweerela Davide: “Oreelihiwe mwanaka Davide. Onoopaka itthu sootikhiniheya sincipale ni sootheene iyo sinooweettela nnene.” Vahoolowaya Davide aapwaherera ni mukwahaawe ni Sawuli aahokoleela owaani.
← Chapter 25
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 27 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31