bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Makhuwa
/
Makhuwa VMK (Emakhuwa Bible)
/
2 Kings 1
2 Kings 1
Makhuwa VMK (Emakhuwa Bible)
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 2 →
1
Ahabi akhwaakaru, aMowabi yaahaavaanya aYixrayeli.
2
Vano nihuku nimoha Ahaziya aamora vaxanelani ya ekwartwaawe ya osulu oSamariya, anavulalaxa. Aahaarumiha anamitthenga aweerelaka: “Murowe, mwamukoherere Bahali-Zebubi, muluku a wEkeroni kaariki kilame eretta ela.”
3
Vanonto ndyelo a Yave aamweerela Eliya, muTixebi: “Murowe, mwaakumaneno anamitthenga a mwene a oSamariya, mwaakohaka: ‘Apaale Khoowowo muluku oYixrayeli nyuwosa murowaka omukoherera Bahali-Zebubi, muluku a wEkeroni?’
4
Vano, Yave oneera ha: ‘Nyuwo khamulama. Vekhaikhai, munimookhwa!’” Vahoolowaya Eliya aapwaha.
5
Anamitthenga ehokoleelaka wa mwene, owo aahaakoha: “Heeni muhokolongwaanyu?”
6
Awosa yaamwaakhula: “Mulopwana mmoha oonikumanano, ananeerela: ‘Muhokoleele wa mwene oorumingheni ni mwamuleele: “Yave oneera ha: Apaale Khoowowo muluku oYixrayeli nyuwosa murowaka omukoherera Bahali-Zebubi, muluku a wEkeroni? Tivawo nyuwo muneeraanyu muhilame. Vekhaikhai, munimookhwa!” ’ ”
7
Mwene aahaakoha: “Mulopwana munkumanannaanyu ooleenleni yeeyo ti ooweera hai?”
8
Awosa yaamwaakhula: “Owo owanre ekuwo ya exapala iiphitelenleene laamba a exapala.” Ahaziya aawaakhula: “Ti Eliya, muTixebi.”
9
Vano mwene aamurumiha mutokweene a anakhotto miloko mithanu vamoha ni anakhottwaawe omwaasa Eliya. Mutokweene ole aamphwannye Eliya akilaantheene vasulu nttumuxa, anamweerela: “Mulopwana a Muluku mwene onoolamulani: ‘Mukhuruwe!’”
10
Eliya aamwaakhula mutokweene ole: “Miyo kaareene mulopwana a Muluku, okhuruwe mooro wiirimu woohiseeni nyuwo ni anakhottwaanyu miloko mithanu!” Vano mooro waakhuruwa wiirimu, onamuhisa mutokweene ni anakhottwaawe.
11
Mwa yeeyo mwene aamurumiha mutokweene mukina a anakhotto miloko mithanu vamoha ni anakhottwaawe omwaasa Eliya. Mutokweene ole aamweerela: “Mulopwana a Muluku mwene onlamulela weera mukhuruwe woowaakuveya!”
12
Eliya aamwaakhula mutokweene ole: “Miyo kaareene mulopwana a Muluku, okhuruwe mooro wiirimu woohiseeni nyuwo ni anakhottwaanyu miloko mithanu!” Vano mooro waakhuruwatho wiirimu, onamuhisa mutokweene ni anakhottwaawe.
13
Vanonto mwene aamurumiha mutokweene anaararu a anakhotto miloko mithanu vamoha ni anakhottwaawe omwaasa Eliya. Mutokweene ole aawela vanttumuxani, anamukokhorela Eliya, amudyoonttelelaka: “Dyoontte, mulopwana a Muluku, muureleke okumaaka ni okumi wa asilopwana miloko mithanu ala ari arumeiyaanyu!”
14
Koosuwela weera mooro waahaakhuruwela wiirimu waahisaka asitokweene eeli oopacera ni anakhottwaaya ootheene. Vaheera muureleke okumaaka!”
15
Ndyelo a Yave aamweerela Eliya: “Mukhuruwe ni yoowo. Muhimoove.” Tivawo Eliya aavennyaawe, anarowa ni yoowo wuuluma ni mwene.
16
Aphiyakaru aamweerela mwene: “Apaale khoowowo muluku oYixrayeli nyuwosa murowaka omukoherera Bahali-Zebubi, muluku a wEkeroni? Tivawo muneeraanyu muhilame. Vekhaikhai, munimookhwa!”
17
Vano Ahaziya aahookhwa ntoko Yave aahimalaawe mwa Eliya. Eenre Ahaziya ahikhalano mwaana mulopwana, Yorami aavariwa omwene. Eyo yeereiye vayaakhani yanaaveeli ya moolamulani mwa Yehorami, mwaana mulopwana a Yehoxafati, mwene a oYuda.
18
Vano, mwaha wa sookhumelela sikina sa olamula wa Ahaziya ni sootheene aapankaawe – silempwale mulivuruni ya nyaha sa mamwene a oYixrayeli.
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 2 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25