bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Makhuwa
/
Makhuwa VMK (Emakhuwa Bible)
/
2 Kings 4
2 Kings 4
Makhuwa VMK (Emakhuwa Bible)
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 5 →
1
Mwaara a mulopwana mmoha aari mpatta wa nakupa a maprofeeti aarowa omuleela Elixa: “Murumeiyaanyu, aiyaka, ahookhwa. Moosuwela weera yaamuttittimiha Yave. Vaheera aahoorwa mulipa a okoongoriha ni owo ontthuna waakuxa anamwanaaka asilopwana eeli weera ekhale ipottha.”
2
Elixa aamukoha: “Kookhaviherekeni moota heeni? Mukileele murinaanyu owaani” Naamukhweli aamwaakhula: “Murumeiyaanyu khanono etthu mpaani nihikhanle nipoottoro na makhura.”
3
Elixa aamweerela: “Murowe, moolihe mapoottoro wa aximwaattamanaanyu ootheene. Mooliheke mancipale.
4
Vahoolowaya mwavolowe mpaanimwanyu ni anamwanaanyu muwalaka nsele. Khula nipoottoro mwasarihe makhura ni mwamwalamwalihe ni yaawo muneeraanyu mwasarihe.”
5
Aapwaha, aniiwalela mpaani ni anamwanaawe, anapacera osariha mapoottoro yaamuruuhenlaaya.
6
Mapoottoro ootheene esareiyeene, aamweerela mwanawe mulopwana mmoha: “Mukiruuheletho.” Mene owo aamwaakhula: “Aamala.” Vano makhura yaahiya okhuma.
7
Naamukhweli ole aarowa, anamuthalihera mulopwana a Muluku ni Elixa aamweerela: “Murowe, mwathumihe makhura ni mwalive ikoongorisanyu. Nyuwo vamoha ni anamwaniinyu mukhalekeno musurukhu ohanle.”
8
Nihuku nimoha Elixa aarowa oXunemi. Aakhalawo muthiyana mukina oopuha mwa yoowo aamudyoonttelenlaawe weera ace owannyawe. Tivawo, khula emaara Elixa aaviraawewo, anneemela weera acewo.
9
Muthiyana ole aaweerela aiyawe: “Koosuwela weera mulopwana owo omviraxa va ti mulopwana ootteela a Muluku.
10
Nimureherereleke ekwartu ekhaani ya osulu, niikaathikiwo ekaama, meesa, ehice ni onyaari. Vano khula emaara aneeraawe anixekure, akhalekemo.”
11
Nihuku nimoha Elixa aaphiyawe, aawela okwartuniwawe, aniixaatalela.
12
Aamweerela murumeiyaawe Gehazi: “Wamwiitthane muXanemi.” Owo aamwiitthana ni muthiyana aaheemela ohoolo wa Elixa.
13
Elixa aamweerela Gehazi: “Wamuleele: ‘Nyuwosa mwaakhalano muteko ola niwoko na hiyo. Noopakelekeni eheeni? Apaale muntthuna weera miyo kuulume ni mwene hoye hoye mutokweene a anakhotto mwaha wa nyuwosa?’ ” Owo aamwaakhula: “Hoye, nri nnenesene eriyari ya atthwaahu.”
14
Vano Elixa aamukoha Gehazi: “Kimpakeleni?” Gehazi aamwaakhula: “Owo khayanre ni aiyawe ahuuluvala.”
15
Vanonto Elixa aamweerela: “Wamwiitthanetho.” Gehazi aamwiitthana muthiyana ole ni owo aaheemela vamulako wa ekwartu.
16
Elixa aamweerela: “Mwaahiyu ehuhuweene yeela, nyuwo munoomwaakanda mwaana.” Muthiyana ole aamwaakhula: “Hoye mulopwana a Muluku, muhimutthebwe murumeiyaanyu!”
17
Muthiyana aarupala, anamuyara mwaana mulopwana eyaakha yaattharelana ehuhuweene yeele, ntoko Elixa aamweerenlaawe.
18
Mwaana ole aahunnuwa ni nihuku nimoha aarowa wa atithawe yaari ni anamahepha.
19
Wootutuxereya aapacera owiitthana atithawe akhuwelaka: “Muruwaaka! Muruwaaka!” Atithawe yaamweerela murumeiyi mmoha: “Omuronghe wa amayawe.”
20
Murumeiyi aamurongha wa amayawe. Amayawe yaamukilaathiha mwaana ole vaciroroni mpaka othana, anakhwa.
21
Amayawe yaangweliha okwartuni ya mulopwana a Muluku, enamwaatalela vabeettini, enakhuma ewalaka nsele.
22
Muthiyana aawiitthana aiyawe anaweerela: “Dyoontte munrumihe mmoha a arumeiyaanyu ni buuru mmoha weera kuulumeno mulopwana a Muluku. Nkinkela opisa.”
23
Aiyawe yaamukoha: “Heeni olelo? Khoohiyono mweeri munyowani hata eSaabadu?” Owo aawaakhula: “Muhipwatthe yeeyo.”
24
Muthiyana aalamulela omureherera buuru, anamweerela murumeiyaawe: “Naakuveke; weemeleke paahi koolamulelaka.”
25
Vano aavenya, anamphwanya mulopwana a Muluku vamwaako Karimeli. Mulopwana a Muluku aamoonnaawe ottai ottai, aamweerela murumeiyaawe Gehazi: “Woone, onnarwa muXunami!
26
Omuciceere ni wamukohe: ‘Muri salaama? Aiyinyu ari salaama? Mwaninyu ori salaama?’ ” Muthiyana aamwaakhula: “Sootheene sinimweetta nnene.”
27
Aphiyakaru wa mulopwana a Muluku vamwaako, owo aamukhubaara inaawosawe. Gehazi aahoorwa weera amususihe, mene mulopwana a Muluku aamweerela Gehazi: “Omuhiyeke! Owo oothananaxa, mene Yave kheewowo okoonihenraawe akikhuwaka nthowa na othananawawe.”
28
Muthiyana aamweerela Elixa: “Ii! Pwiiyaaka, weeraka miyo kaahoovekelani mwaana mulopwana? Nkooleenleni weera ‘Muhikilokotthe.’”
29
Elixa aamweerela Gehazi: “Wiitthukele mukaandyowaawo ni laamba, okuxe ekopowaaka ni otthimakelewo. Wakumana ni mutthu, ohimuulumihe ni mukina awuulumiha, ohimwaakhule. Wiikaathere ekopowaaka owiittho wa mwaana.”
30
Vaheera amayawe mwaana mulopwana yaamweerela: “Kinlipela mwa Nsina na Yave ni mwa okumaanyu – mwahala nkinrowa.” Tivawo Elixa aavennyaawe, anamutthara.
31
Gehazi ti aapacenre, aniikaathera ekopo owiittho wa mwaana, mene owo khuulumme hata khaaramaramme. Vano Gehazi aahokoleela wa Elixa anamweerela: “Mwaana nlelo ori ookhweene.”
32
Elixa aphiyakaru vaate, aamphwanya mwaana ookhweene vabeettiniwawe.
33
Aavolowa okwartuni, anawala nsele, anamvekela Yave.
34
Vano aawela vabeettini, anamukhubaara mwaana – eyaano ni eyaano; maitho ni maitho ni matata ni matata. Owo aamukhubaara hiihaale mpaka erutthu ya mwaana oviha.
35
Elixa aavenya, aneetteetta mukwartuni, anawela vabeettini anamukhubaaratho mwaana. Vano mwaana ole aahaaxamura imaara ithannapiili, anahula maithwaawe!
36
Elixa aamwiitthana Gehazi, anamweerela: “Wamwiitthane muXunami.” Aamwiitthana ni muthiyana aphiyakaru, Elixa aamweerela: “Munkuxe mwaninyu.”
37
Aavolowa, anakokhorela inaawosawe, uuramaka mpaka vathi. Vano aamukuxa mwaniye, anakhuma.
38
Elixa aahokoleela oGiligali ni ehuhu ele yaakhala etala mweelaponi ele. Nakupa a maprofeeti athukumanneene ni yoowo, Elixa aamweerela murumeiyaawe: “Weeye ekarikho etokotoko ni owaapeele nrupantakanse asilopwana ala.”
39
Mmoha a yaale aarowa mutuphini waasa yoowaapeya, anaphwanya mwiri mmoha wooramba woohisuwanyeya. Aarukula soowiimasaya, anasariha mmukaandyonimwawe. Ahokolowakaru, aakakatthanya, anaapeya nrupantakanse, aaroohisuwelaru soowiima iye.
40
Yooca yaarumeeliwa atthu ni ecaakaru, yaapacerasa omukhuwelela Elixa: “Ii! Mulopwana a Muluku – wookhalamo okhwa mukarikhoni!” Ni khayaawenre ocatho.
41
Elixa aaweerela: “Mukiruuheleke ephepa.” Owo aahiitthela mukarikhoni mwa nrupantakanse, anaweerela: “Mwaarumeele atthu ootheene weera ece.” Vano mukarikhoni khawaakhanletho okhwa.
42
Aahoowa mulopwana mmoha a oBahali-Xalixa, amuruuhelaka mulopwana a Muluku ipaawu miloko miili sa esevada* saapakiwe ni soohepha soopacera sa etrigu nitho makala makithi makina. Elixa aamweerela murumeiyaawe: “Waarumeele ootheene.”
43
Murumeiyaawe aamukoha: “Nkaarumeele hai yeela asilopwana ncira?” Wa soothesene, Elixa aamweerela: “Waarumeele ootheene, niwoko Yave oneera ha: ‘Awosa animooca mpaka ohala.’”
44
Vano ole aahaarumeela asilopwana ootheene, enaca mpaka ohala, ntoko Yave aahimalaawe.
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 5 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25