bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Makhuwa
/
Makhuwa VMK (Emakhuwa Bible)
/
Deuteronomy 30
Deuteronomy 30
Makhuwa VMK (Emakhuwa Bible)
← Chapter 29
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 31 →
1
Yoorweelakani mareeliho ni malapho ootheene koothalihenraakani ni enoophwanyaniwo weiwo Yave Mulukwaanyu aneeraawe oomwaraxeleniwo eriyari ya miloko,
2
nyuwosa vamoha ni anamwaniinyu mwahokoleela wa Yave Mulukwaanyu mwiiwelelaka ni murimaanyu ni okumaanyu wootheene munatthariha sootheene koolamulenlaakani olelo,
3
vano Yave Mulukwaanyu onimoohokoloxani wootthukiwani, oomorelakani ikharari ni oothukumanyihakanitho ni miloko sootheene mwa weiwo mwaamwareenlaanyuwo.
4
Yave Mulukwaanyu onimoothukumanyihaniwo weera muhokolowe, mwaarooronghiwaru ommaleloni wa elapo.
5
Owo onimoohokoloxerani elapo ya makholowaanyu ni nyuwosa mmwakuxase yeeyo. Onooweettiherelani nnene awaandyeererakani waapwaha makholowaanyu.
6
Yave Mulukwaanyu onimoovahasani ni ekhapiraanyu murima woororomeleya weera munsiveleke ni murimaanyu ni okumaanyu wootheene ni weera mukhaleke ni okumi.
7
Owo onimwaarumihela malapho ootheene awo, amwiittanaanyu anoothanyani ni anoosoondani.
8
Nyuwosa munoomwiiwelelatho Yave Mulukwaanyu muttharaka malamulowaawe ootheene kinoovahaakani olelo.
9
Vano Yave Mulukwaanyu onooreeliha mitekosanyu sootheene, anamwaniinyu, axaana a mihuwosanyu ni soohepha sa imattasanyu. Owo onimoohakalalelanitho aweettiherelakani nnenesene, ntoko aahakalalenlaawe makholowaanyu,
10
nyuwosa mwamwiiwelela Yave Mulukwaanyu muttharaka malamulowaawe ni ikanosawe silempwale mulivuruni ela ya Nlamulo ni mwahokoleela wa Yoowo ni murimaanyu ni okumaahu wootheene.
11
Yeeyo koolamulenlaakani olelo kheerinke opaka hata khamunooceela ophwanya.
12
Nlamulo nna khanikhanle wiirimu wookwana okoha: “Taani anaawelewo weera aniruuhele Nlamulonawe weera niiwelele?”
13
Naari khanikhanle okhopela ephareiya wookwana okoha: “Taani anaalapuwe ephareiya weera aniruuhele Nlamulonawe anilaleerakatho weera niiwelele?”
14
Hoye! Nlamulo nri vakhiviruwanyu – nri mmwanomwanyu ni vamurimaniwanyu – tivawo nyuwosa muneeraanyu mweetteleke.
15
Moone, kinghela olelo ohoolowanyu okumi ni weetteleya nnene, ni mpatta mukina okhwa ni ophwatiwa.
16
Olelo kinimoolamulelani omusivela Yave Mulukwaanyu, weetta mphironimwawe ni wiiwelela malamulowaawe, ikanosawe ni soolamulasawe. Hiiho munookhala ni okumi mwaandyeerereyaka, ni Yave Mulukwaanyu onimooreelihani mweelaponi muneeraanyu mwavolowe weera mwakuxe.
17
Vaheera murimaanyu wahapuwa ni mwaahimwiiwelela muniihiyerera mukokhorelaka miluku sikina,
18
kinooleelani olelo weera vekhaikhai munoophwatiwa. Khamukhalaxawo elapo mumvolowaanyu, mwa yeeyo munrowaanyu okuxa munlapungweene Yordanu.
19
Wiirimu ni vathi ti anamoonaaka olelo weera koowooniherani okumi ni okhwa; mareeliho ni malapho. Vano muthanle okumi weera nyuwosa ni anamwaniinyu mukhaleke ni okumi,
20
ni weera munsivele Yave Mulukwaanyu, mwiiwe nsunawe mumvarexexaka Yooworu. Vanonto Yave ti okumaahu ni Owo onoowaandyeererani iyaakha mweelaponi aaroromelinghaawe ni nlipelo waavaha makholowaanyu Abrahaamu, Isaki ni Yakobe.”
← Chapter 29
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 31 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34