bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Makhuwa
/
Makhuwa VMK (Emakhuwa Bible)
/
Matthew 18
Matthew 18
Makhuwa VMK (Emakhuwa Bible)
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 19 →
1
Ehuhuweene yeele oohusera yaaphiya wa Yeesu ni yaamukoha: “Mutokweene taani oopwaha sootheene moomweneni wa wiirimu?”
2
Amwiitthanaka mwaana mmoha, aamwiikaathi variyariwaya
3
eeraka: “Miyo kinoororomelihani weera nyuwo muhiiceendye ni muhiitatunxe ntoko anamwane, vekhaikhai khamumvolowa moomweneni wa wiirimu.
4
Tivawo, yoowo oniiyeviha ntoko mwaana ola, owo ti mutokweene moomweneni wa wiirimu.
5
Yoowo onimwaakhela mmoha a anamwane ala, onkaakhelatho Miyo.
6
Mukinatho amutthekiha mmoha a anamwane ala ankiroromela Miyo, waari fataari omutthukelela nxilo muxiko ni ovonyeriwa mphareiyani moowiixa!
7
Ii! Enoohaawa elapo ya vathi niwoko na itthu sintthekiha! Khasinsembeiya weera itthu iyo sikhumelele, mene Ii! Ohaawa wa yoowo ontannyera seiyo!
8
Matataanyu, hoye hoye nnaawonanyu nootthekihani, muthikile ni muvonyere okerekhere. Fataari ovolowa mookumini oorakaleene, naari oovulaleene, ohikhanle oreeneno matata meeli, hoye hoye inaawo soopiili ovonyeriwa mmooroni woohimala.
9
Niithonaanyu nootthekihani, muzoole ni muriheleke okerekhere. Fataari ovolowa mookumini ni niitho nimoha paahi, ohikhanle oreeneno maitho oomeeli ovonyeriwa mmooroni woohimala.
10
Mwiipasoope weera muhimuramuse hata mmoha a yaala asikhaani! Miyo kinooleelani weera andyelowaaya a wiirimu annoona ekhove ya Atithaka ari wiirimu.
12
Munuupuwela hai? Mukina akhalanneene ikhondoolo ncira, ni emoha ya seiyo enathweelela, khanghiya toko miloko mithannamixexe niithaniixexe omwaako, arowaka waasa yeeyo ethweelenle?
13
Miyo kinoororomelihani weera aphwanya, owo onoohakalalela ekhondoolo eyo ohiya iyo miloko mithannamixexe niithaniixexe sahaathweelenle.
14
Mooteene yoowo, Atithinyu ari wiirimu khaantthuna weera hata mmoha a asikhaani ala ariheiyeene.
15
Munninyu ootthekelani nyuwo, murowe okhwipi ni yoowo ni mwamoonihere yoottheka. Owo iiwa, nyuwo moongwina munninyu.
16
Owo aahiwiiwanitho, munkuxe ni nyuwo mmoha mukinatho, hoye hoye eeli. Hiiho, ni iyano sa anamoona eeli, hoye hoye araru, milattu sootheene sikhale soomalihiwa.
17
Akhootta wiiwelela, mwaleele ekerexa, ni owo aahiiwelelatho ekerexa, akhale ntoko mmalapwaanyu, naari namaliviha a musoko.
18
Kinooleelani ni ekhaikhai: sootheene muntthukaanyu vathi, sinootthukiwatho wiirimu, ni sootheene munghulaanyu vathi, nsihuliwetho wiirimu.
19
Ni kinooleelanitho weera, eeli a nyuwo yaakhulela vathi mwaha wa wakhalaru mulattu muneeraanyu muvekele, yeeyo Atithaka ari wiirimu anoowaakhulani.
20
Vano, weiwo anthukumanaayawo eeli, naari araru mwa Nsinanaka, vawo Miyo kiri variyariwaya.”
21
Pedru aamwaattamela Yeesu ni aamukoha: “Apwiya, imaara ihayi kineeraaka kimulevelele munnaka akitthekela? Mpaka imaara ithannapiili?”
22
Yeesu aamwaakhula: “Miyo kinooleelani weera khasihiyono imaara ithannapiili, mene mpaka imaara soothesene.
23
Tivawo omwene wa wiirimu ori ntoko mwene aatthunne waalikela ikoongori sa arumeiyaawe.
24
Aapacenraawe waalikela, aaruuheliwa mmoha vamaithoniwawe aakoongonre italento* macira macireene muloko.
25
Hapo Okhala khaawenre oliva, apwiya yaamulamulela weera owo, amwaarawe, anamwanaawe ni sootheene yaarinaaya sithumihiwe weera elive ekoongoraawe.
26
Murumeiyi ole aahuuramela ohoolowaya ni aahaadyoonttelela eeraka: “Mukivilele. Miyo kinimoolivani sootheene.”
27
Apwiya a murumeiyi ole yaammorela ikharari, aamaliha ekoongori ni aamuhiya weera arowe.
28
Murumeiyi ole avenyaka, aamphwanya murumeiyi mukhwaawe mmoha aamukoongorenle idinaariyu* ncira. Aamvara ni aapacera omunyooka eeraka: “Mukilive yeele mukikoongorenlaanyu!”
29
Vano murumeiyi mukhwaawe ole aamukokhorela ni aamudyoonttelela eeraka: “Mukivilele! Miyo kinimoolivani sootheene.”
30
Mene owo khaatthuna. Aarowa waalamula atthu akina weera engwalele mukaliposo mpaka aneeraawe alive ekoongori.
31
Vano arumeiyi asikhwaawe akina, yoonnaaya yeele yeereiye, yaathanana vancipale ni yaarowa waaleela apwiyaawe sootheene seiye seereiye.
32
Apwiya yaamwiitthana murumeiyi ole ni yaamweerela: “Murumeiyi oonanara murima! Koomaliha ikoongorisawo sootheene niwoko waakidyoonttelela.
33
Khawaatthuneya weera weyo ommorele ikharari murumeiyi mukhwaawo ntoko miyo kaaweerihalaaka weyo?
34
Enyoonyiweene, apwiyaawe yaamvaherera anamahooxa mpaka eeraawe alive sootheene aakoongonraawe.
35
Hiihotho animoopakani Atithaka ari wiirimu nyuwo ootheene mwaahimulevelela munninyu ni murima wootheene.”
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 19 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28