bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Makhuwa
/
Makhuwa VMK (Emakhuwa Bible)
/
Matthew 19
Matthew 19
Makhuwa VMK (Emakhuwa Bible)
← Chapter 18
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 20 →
1
Amalihaka ohima itthu seiye, Yeesu aavenya oGalileiya ni aarowa elapo ya oYudeiya, okhopela wa oYordanu.
2
Atthu ancipale yaamutthara, ni Owo aahaalamiha weiwe.
3
aFarisi* akina yaamwaattamela Yoowo weera emweerere. Yaamukoha: “Enootthunihereiya wa mutthu omuhiya mwaarawe mwaha wa wakhalaru mulattu?”
4
Owo aawaakhula: “Nyuwo khamusomme weera ompacereroni, Mpattuxa aampaka mulopwana ni muthiyana?
5
Owo eenre: ‘Tivawo, mulopwana anaahiye atithawe ni amayawe, ni anaakhale vamoha ni mwaarawe, ni ooweeli eniikhale erutthu emoha.’
6
Hiiho, khaakhanle eeli, mene vekhaikhai erutthu emoha paahi. Tivawo, yaawo Muluku aakhalinghaawe vamoha, mutthu ahaamwalanyihe!”
7
Awo yaamukoha: “Vano, niwoko heeni Moisesi aalamunlaawe weera mulopwana amvaheke ekaratta ya omwalana wa muthiyana ni amoomoleke?”
8
Yeesu aawaakhula: “Moisesi aahootthuniherani omwalana ni axaarinyu niwoko na mirimasanyu soowuuma. Khawaakhanletho hiiho okhuma ompacereroni.
9
Miyo kinooleelani weera khula mulopwana ommwalana ni mwaariye, ohikhanle mwaha wa oraruwa, anamuthela muthiyana mukina, onooraruwano.”
10
Oohusera yaamweerela: “Waari hiiho nyaha sa mulopwana ni mwaariye, fataari ohithela.”
11
Yeesu aawaakhula: “Khaahiyono ootheene angwera waakhela masu ala, mene yaawo paahi avahiwe yeeyo.
12
Akina ari inoko* niwoko ayariwe hiiho. Akina apakiwe hiiho ni atthu, akinatho yiipakiye yeeyo niwoko na omwene wa wiirimu. Yoowo ongwera waakhela yeeyo, aakhele.”
13
Vahoolowaya yaangwiihera anamwane Yeesu weera awiiyaathere matataawe ni aavekelele yaawo. Oohuseratho yahaahiiha ni masu.
14
Yeesu aaweerela: “Mwaahiye anamwane awo erwe wa Miyo ni muhiwooceelihe, niwoko omwene wa wiirimu ti wawaya yaawo anlikana ntoko ala.”
15
Aatavakaru, aavenya vaavaale.
16
Vano mukina aamwaattamela Yeesu ni aamukoha: “Muhusiha, kipake eheeni yooreera weera kiphwanye okumi woohimala?”
17
Yeesu aamwaakhula: “Heeni munkikohaanyu ya yooreera? Ori mmoha paahi ooreera. Mwatthuna ovolowa mookumini woohimala, mwiiwelele malamulo.”
18
“Taavi?” aamukoha. Yeesu aamwaakhula: “Muhiive, muhiraruwe, muhiiye, muhoothe,
19
mwaattittimihe atithinyu ni amayinyu,” ni “munsivele mukhwiinyu ntoko muniisivelaanyu.”
20
Mmiravo aamweerela: “Ootheene awo miyo kinniiwelela. Enkihaleelatho eheeni?”
21
Yeesu aamwaakhula: “Mwatthuna okhala ookwanela, murowe, mwathumihe sooreelasanyu ni mwaavahe oohaawa, ni mmwikhaleno etthu yooreeraxa wiirimu. Vahoolowaya, ngwe ni mukitthare.”
22
Iiwalaawe yeeyo, mmiravo ole aasusa ahihakalalaka, niwoko aakhalano itthu sincipale sooreeraxa.
23
Vano Yeesu aaweerela oohusera: “Miyo kinooleelani ekhaikhai: ti woorika namapuha ovolowa moomweneni wa wiirimu.
24
Ni kinooleelanitho: ti wookhweiya ekamelu* ovolowa vamwiitheni wa singano, ohikhanle namapuha ovolowa moomweneni wa wiirimu.”
25
Woowiiwa yeeyo, oohusera yaatikhinaxa ni yaamukoha: “Wa mwaheene yoola, taani aneera awere ovuluxiwa?”
26
Yeesu aahaaweha yaawo ni aawaakhula: “Wa mutthu khoongwereya, mene wa Muluku itthu sootheene sinoowereya.”
27
Pedru aamwaakhula: “Hiyo noohiya sootheene weera nootthareeni. Nnaakhele eheeni?”
28
Yeesu aaweerela: "Miyo kinooleelani ekhaikhai: mweehuhuni enyowani engwa, Mwaana a mutthu akilaathiyeene vahiceni ya ovuwa, nyuwo mukitthanre mmwikilaathi vahiceni muloko ni piili weera muthorihe ipuumba* muloko ni piili sa oYixrayeli.
29
Ni ootheene ahiyale impasaya, axunnaya, axirokoraya, asitithaya, asimayaya, anamwanaaya, hoye hoye imattasaya niwoko na Nsinanaka, eniyaakhele seiyo imaara ncira, ni eniiphwanyetho okumi woohimala.
30
Wa soothesene, ancipale oopacera eniikhale oomalihera ni ancipale oomalihera, eniikhale oopacera.”
← Chapter 18
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 20 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28