2 Thessalonians 2

Xhosa 1902 (Incwadi Yeziba̔lo Ezingcwele 1864, 1902 (Xhosa Appleyard))

← Chapter 1 Jump to: Chapter 3 →

1KEKALOKU siyanitandaza, bazalwana! pezu kwokufika kwenkosi yetu u‐Yesu Kristu, nokuhlanganisana kwetu kuye,

2ukuba ningashukunyiswa kamsinya ekuqondeni kwenu, ningabi navuso kanjako, nangawo umoya, nangalo ilizwi, nangayo incwadi, njengokungati ivela kuti, njengeyokuti seukufupi umhla ka‐Kristu.

3Makungabiko mntu onilukuhlayo nganye indawo: kuba umhla lowo ungayi kuza, xeshekweni kungeziyo upambuko tanci, aze atyilwe umntu wesono, unyana wentshabalalo;

4lowo umelayo, ozipakamisa pezulu pezu kwako konke oku‐kutiwa ngutixo umhlaumbi yinto yokubedeshwa, ade ati njengotixo ahlale pantsi etempileni katixo, ezibonakalisa ukuba u ngutixo.

5Anikumbuli na ukuba, nxa bendiseko kuni, ndandinixelela ezizinto?

6Nakaloku oko kubambayo niyakwazi, ukuze kutyilwe yena kwelake ixesha.

7Ngokuba yona imfihlakalo yokukohlakala isel’ isebenza: kuko kodwa obambayo ngoku ade asuswe endleleni.

8Waeya kwandula oko atyilwe okohlakeleyo lowo, oyena iya kuti inkosi imgqibele ngomoya womlomo wayo, imtshabalalise ngokukazimla kwokufika kwayo;

9okufika kungokwokusebenza kuka‐Satane kuwo onke amandla nemiqondiso nemimangaliso yobuxoki,

10nakuyo yonke inkohliso yokungalungi kubo abo babubayo: ngenxa yokuba bengalwamkelanga utando lwenyaniso ukuze basindiswe.

11Nangenxa yoku utixo wobatumela ukusebenza kwolahlekiso, ukuze bakolwe lulwimi:

12ukuba bagwetywe bonke abati abakolwa yinyaniso, batanda ukungalungi kanti.

13Kodwa tina sifanelwe kukubulela kutixo ngamaxesha onke ngenxa yenu, bazalwana abatandiweyo yinkosi! ukuba utixo kwa sekuqalekeni waniqashela ukusindiswa ngokungcwalisa kwomoya nangenkolo enyanisweni;

14anibizileyo kuko ngayo ivangeli yetu, kube kukuzuzwa kwobungcwalisa benkosi yetu u‐Yesu Kristu.

15Ngako ke, bazalwana! yimani niqine, nizibambe izinikelwa enanifundiswa zona, nokuba bekungalo ilizwi, nokuba bekungayo incwadi yetu.

16Kodwa yona ngokwayo inkosi yetu u‐Yesu Kristu, naye utixo nobawo wetu, owasitandayo, wa si nika ulwonwabiso olungunapakade netemba elilungileyo ngofefe,

17wanga angonwabisa intliziyo zenu, aniqinise kuwo onke amazwi nezenzo ezilungileyo.

← Chapter 1 Jump to: Chapter 3 →