1 Thessalonians 3

Xhosa 2024 (ITestamente Entsha)

← Chapter 2 Jump to: Chapter 4 →

1Kungoko kwathi, singasenakuzibamba, kwakholeka kuthi ukuba sisale eAtene sedwa.

2Sithume uTimoti, umzalwana wethu, umlungiseleli kaThixo, ongugxa wethu kwiindaba ezilungileyo zikaKristu, ukuze anizimase, anithuthuzele ngenxa yokholo lwenu;

3ukuze kungabikho namnye ushukunyiswayo zezi mbandezelo, kuba nisazi ngokwenu ukuba simiselwe zona.

4Kuba xenikweni besikuni, sanixelela ngenxa engaphambili ukuba siza kubandezelwa; njengokuba kwaba njalo, nani niyazi.

5Ngenxa yoko ke ndingasenakuzibamba, ndathumela ukuba ndilwazi ukholo lwenu, hleze abe unihendile uMhendi, saba sifumane sabulaleka.

6Ke kaloku, ngoku uTimoti, akufika evela kuni, weza kuthi, wasishumayeza iindaba ezilungileyo zokholo nothando lwenu;

7Sithuthuzelekile ngoko, bazalwana, ngani, kuyo yonke imbandezelo nembandezelo yethu, ngalo ukholo lwenu;

8Kuba ngoku siphilile, ukuba nina nithi nime eNkosini.

9Kuba singambuyekeza ngambulelo mni na uThixo ngani, kulo lonke uvuyo esivuya ngalo ngenxa yenu phambi koThixo wethu?

10Ubusuku nemini sikhunga ngokugqithiseleyo kakhulu, ukuba sibubone ubuso benu, sikuzalise ukusilela kokholo lwenu?

11Wanga ke uThixo ngokwakhe, uBawo wethu, neNkosi yethu uYesu Kristu, angayilungisa indlela yethu yokuza kuni.

12Yanga ke iNkosi inganandisa, niphuphume eluthandweni, omnye komnye nakubo bonke, kwanjengokuba sisenjenjalo kuni;

13ukuze izizimase iintliziyo zenu, zingabi nakusoleka, zibe ngcwele phambi koThixo uBawo wethu, ekufikeni kweNkosi yethu uYesu Kristu nabo bonke abangcwele bayo.

← Chapter 2 Jump to: Chapter 4 →