Ezra 10

Chinese Bible TNV 2012 (Traditional) (客語聖經 – 現代臺灣客語譯本，新舊約全書客語聖經 – 漢字版)

← Chapter 9 Jump to:

1當以斯拉伏在上帝聖殿前祈禱，噭吱，承認這兜罪个時，有一大群以色列人，包含男女㧯細人仔，聚集圍等佢，傷心大噭。

2以攔宗族耶歇个孻仔示迦尼對以斯拉講：「𠊎等討外族个婦女做𡜵娘，得罪𠊎等个上帝；雖然恁樣，以色列還有希望。

3這下，𠊎等一定愛向𠊎等个上帝立約：愛將這兜婦人家㧯姖等个細人仔送走。𠊎等愛聽從你㧯該兜敬重上帝命令个人个勸話。𠊎等愛照上帝个法律所要求个來行。

4䟘起來，負這個責任。𠊎等會幫助你；愛有勇氣來完成這事！」

5所以，以斯拉愛祭司、利未人、㧯以色列眾人該兜領袖發誓，保證愛照示迦尼个建議去做。佢等就照恁樣發誓。

6接等，以斯拉對聖殿頭前入去以利亞實个孻仔約哈難个間肚，在該位，佢毋食，也毋啉，為流亡轉來人民个罪哀傷歸暗晡。

7該兜民間領袖派人到全耶路撒冷㧯猶大，愛喊所有流亡轉來个人到耶路撒冷聚集。若係有人在三日內無到，愛沒收佢个財產；佢愛對會眾當中除名。

9三日內，就係到第九月二十日，所有住在猶大㧯便雅憫地方个人全部到耶路撒冷，集合在上帝聖殿个廣場。該日，落當大雨，因為天氣个關係㧯這集會个嚴重，逐儕人全部愊愊掣。

10祭司以斯拉企起來，對佢等講：「你等有罪了，討外族婦女，增加以色列个罪。

11這下，你等愛向上主 — 你等祖先个上帝認罪，做佢歡喜个事，愛㧯住在𠊎等土地个外族人斷絕關係，離開你等个外族𡜵娘。」

12民眾大聲應講：「你樣般講，𠊎等就樣般做！」

13毋過，佢等又講：「會眾恁多，雨又恁大，𠊎等做毋得緊企在外背。這毋係一兩日能辦好个事，因為有當多人犯到這罪。

14請𠊎等个官長留在耶路撒冷為會眾處理這件事；喊該兜討外族𡜵娘个人，在指定个時間，㧯佢城肚个領袖並審判官共下來。恁樣，上帝就毋會為這事再發譴。」

15大家全部贊成，只有亞撒黑个孻仔約拿單㧯特瓦个孻仔雅哈謝兩儕反對；佢等有米書蘭㧯利未人沙比太支持。

16對流亡轉來个人就照恁樣做，所以祭司以斯拉就對族長中指名幾儕出來，記下佢等个名。十月初一，這兜人開始調查，

17到正月初一，佢等將所有討外族細妹仔个人全部調查清楚。

18以下係討外族細妹仔个人：祭司 (用宗族排列)：約薩達个子孫，耶書亞㧯佢該兜兄弟个宗族：瑪西雅、以利以謝、雅立、基大利。

19佢等答應㧯佢等个𡜵娘離婚，獻一隻綿羊牯做牲儀來贖罪。

20音麥宗族：哈拿尼、西巴第雅。

21哈琳宗族：瑪西雅、以利雅、示瑪雅、耶歇、烏西雅。

22巴施戶珥宗族：以利約乃、瑪西雅、以實瑪利、拿坦業、約撒拔、以利亞撒。

23利未人：約撒拔、示每、基拉雅 (又安到基利他 )、還有比他希雅、猶大、以利以謝。

24歌手：以利亞實。聖殿守衛：沙龍、提聯、烏利。

25其他个以色列人：巴錄宗族：拉米、耶西雅、瑪基雅、米雅民、以利亞撒、瑪基雅、比拿雅。

26以攔宗族：瑪他尼、撒迦利亞、耶歇、押底、耶利末、以利雅。

27薩土宗族：以利約乃、以利亞實、瑪他尼、耶利末、撒拔、亞西撒。

28比拜宗族：約哈難、哈拿尼雅、薩拜、亞勒。

29巴尼宗族：米書蘭、瑪鹿、亞大雅、雅述、示押、耶利末。

30巴哈‧摩押宗族：亞底拿、基拉、比拿雅、瑪西雅、瑪他尼、比撒列、賓內、瑪拿西。

31哈琳宗族：以利以謝、伊示雅、瑪基雅、示瑪雅、西緬、便雅憫、瑪鹿、示瑪利雅。

33哈順宗族：瑪特乃、瑪達他、撒拔、以利法列、耶利買、瑪拿西、示每。

34巴尼宗族：瑪玳、暗蘭、烏益、比拿雅、比底雅、基祿、瓦尼雅、米利末、以利亞實、瑪他尼、瑪特乃、雅掃。

38賓內宗族：示每、示利米雅、拿單、亞大雅、瑪拿底拜、沙賽、沙賴、亞撒利、示利米雅、示瑪利雅、沙龍、亞瑪利雅、約瑟。

43尼波宗族：耶利、瑪他提雅、撒拔、西比拿、雅玳、約珥、比拿雅。

44以上這兜人全部有討外族个細妹仔。佢等攏總將𡜵娘㧯子女送走。

← Chapter 9 Jump to: