1 John 1

Chinese TTVH 2021 (現代台語譯本漢字版)

Jump to: Chapter 2 →

1阮欲給恁說明創世以前就存在彼個活命的道；此個道阮有聽著，有親目看著，有詳細看著，嘛有親手摸著。

2此個活命已經顯現；阮有看著，現在做見證，閣對恁宣布原來及父同在閣已經有對阮顯現此個永遠的活命。

3阮看著閣聽著的，現在嘛對恁宣布，是欲互恁嘛通及阮有團契；此個團契是阮及父及伊的子耶穌基督中間的團契。

4阮寫諸個是欲互咱有圓滿的歡喜。

5阮對上帝的子聽著，現在傳互恁的信息是按呢：上帝是光，佇伊完全無烏暗。

6咱若講咱及伊有團契，猶久繼續佇烏暗中生活，是講白賊，無實行真理。

7毋拘，上帝佇光明中，咱若照按呢佇光明中生活，咱就互相有團契，伊的子耶穌的血會繼續洗清咱攏總的罪。

8咱若講咱無罪，是騙家己，真理無佇咱內面。

9咱若承認咱的罪，上帝是信實公義，欲赦免咱的罪，洗清咱攏總的不義。

10咱若講咱毋曾犯罪，是給上帝看做白賊，伊的道無佇咱內面。

Jump to: Chapter 2 →