Micah 3

Zande

← Chapter 2 Jump to: Chapter 4 →

1Mi ki ya: Oni gí he, oni nga ga Yakoba abarukuripai nga abazogo ngbatunga aYisaraere! A nga oni ka ini pa rurungbanga te?―

2nga agu roni nasoga wenepai ki nikpi nyemu gbigbitapai, nayuka kpoto ku sa yo ti gimi aboro, na pasioyo ti amemeyo;

3nari pasio gimi aboro, ki yuku kpotoyo ku sa yo ti yo, ki kuadi amemeyo rukutu, ki dewe yo wa pasio ku rogo pere, wa pasio ku rogo bunga.

4Si du i akpára ti ni fu Yekova, ono ko akaraga nga pai fu yo te; ko aóka kpakpuko ti yo ti gu rago re, bambiko i mangi gayo mangaapai ni gbigbita ha.

5Ya Yekova wẽ tipa agu anebi naaingisa gimi aboro, nakpara “Pa zereda” ho du bete he ni be yo ka ri he, ono i nataka pande sovura kuti gu ni amaa nga he ku ngbayo yo ya.

6Si du si adú ni yuru fu roni, zanga yuguyugupai, na bitimo ki du fu roni zanga pa soroka. Uru atí ki mbu anebi, rago ki biri yo;

7ababiapai adú na zee, airasoroka adú na wasiro; ngbayo azéra dunduko, bambiko karagapai ho be Mbori te.

8Ono tipa re, mi du na tandu, gu Toro nga ga Yekova hisi re na ruru sarangbanga na ngarã, ka taka pande pa ga Yakoba samungu fu ko na pa ga aYisaraere ingapai fu yo.

9Oni gí gere, oni nga abarukuri ngbatunga Yakoba nga abazogo ngbatunga aYisaraere, napayasi pa sarangbanga ki irasi rurupai dunduko,

10nadua Siona na kure na Yerusarema ni irairapai.

11Gayo abarukuripai nasara ngbanga tipa marã mobirimo, gayo aboromotumo nayugo pai tipa ngbe yo, gayo anebi nasoroka tipa marã; i ta megeda kuti Yekova niya, “A nga Yekova dagba rani te? Gbigbitapai ayé nga ku ri rani te.”

12Si adú mbiko roni i ka sopa Siona ti ni wa bino; Yerusarema asá tihe ni aguguda gbarasigbarasi ahe, na gu bagangara nga ga bambu ki du wa bire ngua tumbatumba arago yo.

← Chapter 2 Jump to: Chapter 4 →