2 Thessalonians 1

Ahirani (आहिराणी नवा करार) - No Year

Jump to: Chapter 2 →

1मी, पौल, तीमुथियुस आणि सिल्वान ना संगे भेटीसन, थेस्सलनीका शहर नि मंडळी ले हय पत्र लिखस जो आमना बाप परमेश्वर आणि प्रभु येशु ख्रिस्त ना शे.

2आमी प्रार्थना करतस कि बाप परमेश्वर आणि प्रभु येशु ख्रिस्त कळून तुमले कृपा आणि शांती भेटत राहो.

3ओ विश्वासी भावूसहोण, तुमना बारामा आमले प्रत्येक टाईम ले परमेश्वर ना धन्यवाद कराले पाहिजे, आमना साठे अस करन चांगल बी शे, कारण कि ख्रिस्त मा तुमना विश्वास गैरा वाळत जाई ऱ्हायना, आणि तुमी सर्वास्ना प्रेम आपस मा गैराच वाळत जाई ऱ्हायना.

4एनासाठे आमी स्वताच परमेश्वर नि मंडळीस्मा तुमना बारामा गर्व करतस. कारण कि जीतला त्रास आणि छळ तुमी सहन करतस, त्या सर्वा मा तुमना धीर आणि विश्वास प्रगट होस.

5ह्या सर्वास्तून हय प्रमाणित होस कि परमेश्वर ना न्याय खरा शे आणि जेना मुळे तुमी परमेश्वर ना राज्य ना योग्य ठरोत, जेना साठे तुमी दुख बी उचलतस.

6परमेश्वर ना नजर मा हय बरोबर शे कि तो त्या लोकस्ले येणा बदला मा क्लेश देवो ज्या तुमले क्लेश देतस.

7आणि तो तुमले ज्या क्लेश झेलतस आमना दिन, तसाच आमले बी. तो असा तव करीन जव प्रभु येशु आपला सामर्थ्यी दूतस संगे, अग्नी ज्वालाविष्टीत स्वर्ग मधून प्रगट हुईन,

8आणि ज्या परमेश्वर ले नई ओयखतस, आणि आमना प्रभु येशु नि सुवार्ता ले नई मानतस तेस्ले दंड दिन.

9त्या प्रभु ना समोरून आणि तेनी महिमामय शक्ती पासून दूर हुईसन कायम ना दंड भोगतीन.

10हय त्या दिन हुईन, जव तो आपला पवित्र लोकस पासून महिमा भेटो म्हणून आणि सर्वा विश्वासीस साठे आश्चर्य ना कारण बनाले ईन. तुमी बी तेनामा ऱ्हाश्यात, कारण कि तुमनी आमना संदेश वर विश्वास करेल शे.

11एनाच साठे आमी तुमना साठे कायम प्रार्थना करतस, आमना परमेश्वर तुमले त्या जीवन ले जगाना योग्य समजो जेना साठे तेनी तुमले बलायेल शे. आणि तो तुमना मा चांगुलपणा नि प्रत्येक ईच्छा आणि विश्वास ना प्रत्येक कामस्ले सामर्थ्य कण पुरा करो.

12एनासाठे कि आमना परमेश्वर आणि प्रभु येशु ख्रिस्त नि कृपा ना प्रमाणे आमना प्रभु येशु ख्रिस्त ना नाव ले तुमना मा गौरव भेटो आणि तुमले बी तेनामा आदर भेटो.

Jump to: Chapter 2 →