2 Thessalonians 2

Ahirani (आहिराणी नवा करार) - No Year

← Chapter 1 Jump to: Chapter 3 →

1ओ विश्वासी भावूसहोण, आते आमी आपला प्रभु येशु ख्रिस्त ना येवाना आणि तेना समोर आमन एकत्र होवाना बारामा तुमले विनंती करतस.

2कि तुमी कोणती आत्मिक प्रकाशन, आणि वचन, व पत्र व्दारे, जे कि समजा आमना कळून राहो. हय समजीसन कि प्रभु ना दिन ईजायेल शे, तुमना मन अचानक अस्थिर नई होवो आणि नका त तुमी घाबरा.

3कोणी तुमले कोणत्याच प्रकारे धोका नई दि सको. कारण कि तो दिन तठ लगून नई येवाव जठ लगून धर्म ना त्याग नई हुई जावाव आणि तो अधर्म ना माणुस म्हणजे विनाश ना पोऱ्या प्रगट नई होवाव, जो नरक ना भागी शे.

4तो त्या सर्वास्ना ज्या देव म्हणावतस आणि पूज्य म्हणावतस विरोध करीन आणि स्वता ले मोठा ठराईन. आठ लगून कि तो परमेश्वर ना मंदिर मा जाईसन बठीन स्वता ले परमेश्वर ठराईन.

5तुमी लोकस्ले हय नक्खी आठवण अशीन, जव मी तुमना संगे होतु तव ह्या गोष्टी मी तुमले सांगत होतु.

6आते तो दुष्ट व्यक्ती आते लोंग प्रकट नई हुयना, कारण काही अस शे जे तेले रोकस. निश्चित रूप मा तुमले आठवण शे कि तो काय शे जे तेले रोकस. एनासाठे तो दुष्ट व्यक्ती आपला ठरायेल टाईम वर प्रकट हुईन.

7कारण कि अधर्म ना रहस्य आते बी कार्य करी ऱ्हायनी शे, पण ते तठलोंग गुप्त राहीन, जठलोंग रोकणारा बाजुले नई हुई जावो.

8तो अधर्मी प्रगट हुईन, जेले प्रभु येशु आपला तोंडनी फुक कण मारी टाकीन, आणि आपला येवाना तेज कण राक करी टाकीन.

9तो द्रुष्ट सैतान नि सामर्थ्य संगे ईन सर्वा प्रकार ना खोटा सामर्थ्य, चिन्ह आणि चमत्कार कामस्ले दाखाळीन.

10आणि सर्वा प्रकार ना अधर्म ना काम करीसन, ज्या परमेश्वर ना द्वारे नाश होणार त्या लोकस्ले फसाळीन. त्या एनासाठे नाश होतीन कारण कि तेस्नी सत्य वर प्रेम नई कर जेना कण तेस्ना तारण होवू सकस.

11एनासाठे परमेश्वर तेस्ना मा एक भ्राती नि सामर्थ्य ले धाळेल शे कि त्या असत्य वर विश्वास ठेवोत.

12एना परिणाम हय शे कि जीतलास्नी सत्य वर विश्वास नई कर, पण अधर्म ना कामस्वर प्रेम ठेव, त्या दोषी ठरतीन.

13ओ विश्वासी भावूसहोण, आणि प्रभु ना प्रिय लोकसहोण, आमले प्रभु परमेश्वर ले तुमना बारामा कायम धन्यवाद देवाले पायजे. कारण कि परमेश्वर नि पयला फय ना रूप मा तुमले निवाळी लीध कि जेना कण तुमी पवित्र करणारी आत्मा ना व्दारे आणि सत्य ले ओयखीसन आपला विश्वास ना द्वारे तारण प्राप्त करोत.

14त्याच उद्देश साठे तेनी तुमले आमनी सुवार्ता ना व्दारे बलाव कि तुमी आमना प्रभु येशु ख्रिस्त नि महिमा ना भागी हुई जावोत.

15एनासाठे, ओ विश्वासी भावूसहोण, ज्या ज्या गोष्टी तुमनी काय वचन व पत्र ना व्दारे आमना पासून शिकेल शेतस तेनामा स्थिर राहा आणि तेस्ना पालन करा.

16आमना प्रभु येशु ख्रिस्त स्वताच आणि आमना बाप परमेश्वर, जेनी आमना वर प्रेम कर आणि कृपा कण कायम नि शांती आणि चांगली आशा दियेल शे.

17तुमले प्रोत्साहित करो आणि तुमले प्रत्येक चांगला काम आणि वचन मा दृढ करो.

← Chapter 1 Jump to: Chapter 3 →