James 4

Ahirani (आहिराणी नवा करार) - No Year

← Chapter 3 Jump to: Chapter 5 →

1तुमना मा झगळा आणि भांडण तुमना वाईट आणि स्वार्थ स्वभाव कण एस ज्या तुमना मधमा भांडण करतस.

2तुमी आपली लालूस पुरी नई करू सकतस आणि एनाच साठे हत्या करतस. तुमी ज्या वस्तू साठे हेवा करतस. ती तुमले नई भेटत एनासाठे झगळा आणि भांडण करतस. तुमी प्रार्थना नई करतस, एनासाठे तुमी लोकस जोळे काहीच नई राहात.

3तुमी मांगतस तरी बी तुमले भेटत नई, कारण कि वाईट ईच्छा कण मांगतस, आणि तुमी फक्त आपली वाईट ईच्छा पुरी करासाठे वापर कराना देखतस.

4ओ व्यभिचारणीस्ना सारखा व्यवहार करणारा लोकोसहोण, काय तुमले नई माहिती, कि संसार कण मित्रता करान म्हणजे परमेश्वर संगे बैर करन शे? एनासाठे जो कोणी संसार ना मित्र होवाना देखस, तो स्वता ले परमेश्वर मा वैरी बनावस.

5काय तुमी पवित्र शास्त्र वर संशय करतस जेनामा लिखेल शे कि, “ज्या आत्मा ले परमेश्वर नि आमना मधमा ठीयेल शे, ती अशी लालूस करस, जेना फय ईर्षा शे?”

6पण तो आमले ह्या प्रकार ना वाईट ईच्छा ना विरुद्ध उभा होवाना साठे आखो कृपा देस, एनामुळे पवित्र शास्त्र मा लिखेल शे, “परमेश्वर गर्व वालास्ना संगे विरोध करस, पण दीनस्वर कृपा करस.”

7एनासाठे परमेश्वर ना आधीन हुईजावा, आणि जे सैतान तुमले करावान देखस तेले मना करा, त तो तुमना जोळून पईजाईन.

8परमेश्वर जोळे या, त तो बी तुमना जोळे ईन. ओ पापीसहोण, तुमना जीवन मधून पाप ले दूर करी द्या, आणि ओ दोन मन ना लोकसहोण, हृदयस्ले पवित्र करा.

9पापस्ना साठे दुखी व्हा, रळा, आणि शोक करा. तुमन हसन दुख मा आणि तुमनी खुशी उदासी मा बदली जावो.

10प्रभु ना समोर नम्र बना, त तो तुमले उच्चा करीन.

11ओ विश्वासी भावूसहोण, एक दुसरा नि निंदा नका करा, जो आपला भावू ना बारामा वाईट बोलस, व भावू वर दोष लावस, तो मोशे ना नियम नि निंदा करस आणि मोशे ना नियम ना न्याय करस. कदी तू मोशे ना नियम ना न्याय करस, त तू मोशे ना नियम ना पालन करणार नई, पण न्याय करणार बनी बठस.

12नियम देणार आणि न्यायाधीश त एकच तो परमेश्वर शे, जेना कण वाचाळानी आणि नाश करानी सामर्थ्य शे, पण तू आपला शेजारी नि निंदा आणि न्याय काब करस?

13तुमी जे हय सांगतस, “आज व कालदिन आमी कोणी दुसरा नगर मा जाईसन तठे एक साल काळी टाकसुत, आणि व्यापार करीसन फायदा उचलसुत.”

14पण हय नई समजतस कालदिन काय हुईन आयकी त ल्या, तुमना जीवन शेच काय? तुमी त समजा वाफ सारखा शेतस, जी थोळा टाईम दिखस, नंतर गायब हुई जास.

15एनातून तुमले दुसर हय सांगाले पाहिजे, “कदी प्रभु नि ईच्छा शे त आमी जिंदा राहासुत, आणि हय काय ते काम बी करसुत.”

16पण आते तुमी आपली अहंकारी योजनास्वर गर्व करतस, असा प्रकार ना सर्वा गर्व वाईट ऱ्हास.

17एनासाठे जो कोणी चांगल देखस आणि नई करस, तेना साठे हय पाप शे.

← Chapter 3 Jump to: Chapter 5 →