Psalms 66

Amharic Tigrinya (መፅሓፍ ቅዱስ)

← Chapter 65 Jump to: Chapter 67 →

1ኵልኹም ኣብ ምድሪ ዘለኹም፥ ንእግዚኣብሄር ዕልል በሉ።

2ንስሙውን ዘምሩ፤ ንምስጋናኡውን ክብሪ ሃቡ።

3ንእግዚኣብሄር ከምዙይ በልዎ፦ ስራሕኻ ግሩም እዩ፤ ሓይልኻ ብዙሕ እንትኸውን ፀላእትኻ ሓሰዉኻ።

4ኵሎም ኣብ ምድሪ ዘለዉ ንኣኻ ኽሰግዱ፤ ንኣኻ ኽዝምሩ፥ ንስምካውን ክዝምሩ እዮም።

5ንዑ ስራሕ እግዚኣብሄር ረአዩ፤ ካብ ደቂ ሰብ ብምኽሩ የመና ግሩም እዩ።

6ንባሕሪ ንቑፅ ምድሪ ዝገበራ፥ ንሩባውን በእጋሮም ሰገርዎ፤ ኣብኡ ብእኡ ደስ ይብለና።

7ብሓይሉ ንዘለኣለም ይገዝእ፤ ኣዒንቱ ድማ ንኣህዛብ ይምልከታ፤ ዓመፀኛታት ንርእሶም ልዕል ልዕል ኣየብሉ።

8ኣቱም ኣህዛብ፥ ንኣምላኽና ባርኽዎ፤ ድምፂ ምስጋናኡውን ኣስምዑ።

9ንነፍሰይ ብህይወት የንብራ፤ ነእጋረይውን ንምንዋፅ ኣሕሊፉ ኣይህበንን።

10ኦ ጐይታ፥ ንስኻ ፈተንካና፤ ንብሩር ከም ዝፍትንዎውን ፈተንካና።

11ናብ መፈንጠር ኣእተኻና፤ ኣብ ዝባንና መከራ ኣንበርካ።

12ኣብ ኣራእስና ብሰብ ኣርገፅካና፤ ብማእኸል ሓዊን ማይን ኣሕለፍካና፤ ናብ ዕረፍቲ እውን ኣውፃእኻና።

13ምስ ዝቃፀል መስዋእቲ ናብ መቕደስካ ኽኣቱ እየ።

14ብጊዜ መከራይ ብኣፈይ ዝተዛረብኩዎ፥ ብኸናፍረይውን ዝበልክዎ መብፅዓይ፥ ንኣኻ ኽፍፅም እየ።

15ዕጣን ምስ ስቡሓት ኣባጊዕ፥ ንዝቃፀል መስዋእቲ ዝራብዕ ኸቕርበልካ እየ፤ ኣብዑርን ኣጣልንውን ክስውአልካ እየ።

16ኣቱም ንእግዚኣብሄር እትፈርሑ ዅልኹም፥ እግዚኣብሄር ንነፍሰይ ዝገበረላ ኽነግረኩምስ ንዑ ስምዑኒ።

17ብኣፈይ ናብኡ ኣእዌኹ፤ ብልሳነይውን ኣመስገንክዎ።

18ኣብ ልበይ በደል ሪአ እንተ ዝኸውን፥ እግዚኣብሄር ኣይምሰምዐንን ነይሩ።

19ስለዙይ እግዚኣብሄር ሰምዐኒ፤ ናብ ድምፂ ልመናይ ድማ ኣድመፀ።

20እቲ ንፀሎተይ ዘይከልአኒ፥ ምሕረቱውን ካባይ ዘየርሓቐ እግዚኣብሄር ይመስገን።

← Chapter 65 Jump to: Chapter 67 →