Psalms 86

Amharic Tigrinya (መፅሓፍ ቅዱስ)

← Chapter 85 Jump to: Chapter 87 →

1ኦ ጐይታ፥ ኣነ ምስኪንን ድኻን እየ እሞ፥ እዝንኻ ናባይ ፅን ኣብል፤ ስምዐኒውን።

2የዋህ እየሞ ንነፍሰይ ሓልዋ፤ ኦ ኣምላኸይ፥ ብኣኻ ንዝተኣመነ ባርያኻ ኣድሕኖ።

3ኦ ጐይታ፥ ኵሉ መዓልቲ ናባኻ አእዊ ኣለኹ እሞ መሓረኒ።

4ኦ ጐይታ፥ ነፍሰይ ናባኻ ኣንቃዕርር ኣለኹሞ፥ ንነፍሲ ባርያኻ ኣሐጕሳ።

5ኦ ጐይታ፥ ንስኻ መሓርን ይቕረ በሃልን ኢኻ፤ ምሕረትካውን ንዅሎም ዝፅውዑኻ ብዙሕ እዩ።

6ኦ ጐይታ፥ ፀሎተይ ኣድምፅ፤ ድምፂ ልመናይውን ስማዕ።

7ንስኻ ትምልሰለይ ኢኻ እሞ፥ ብመዓልቲ መከራይ ክፅውዐካ እየ።

8ኦ ጐይታ፥ ካብ ኣማልኽቲ ንኣኻ ዝመስል የለን፤ ከም ስራሕኻውን ዝበለ የለን።

9ኦ ጐይታ፥ እቶም ኵሎም ዝፈጠርካዮም ኣህዛብ ክመፁ እዮም፤ ኣብ ቅድሜኻ ኽሰግዱ፤ ንስምካውን ከኽብሩ እዮም።

10ኦ ጐይታ፥ ተኣምራት እትገብር ንስኻ ዓብዪ ኢኻ እሞ፥ ንስኻ በይንኻ ዓብዪ ኣምላኽ ኢኻሞ።

11ኦ ጐይታ፥ መንገድኻ ምርሐኒ፥ ብሓቅኻ ክኸድ እየ፤ ስምካ ንምፍራሕ፥ ልበይ ደስ ይብሎ።

12ኦ ጐይታ ኣምላኸይ፥ ብምሉእ ልበይ አመስግነካ ኣለኹ፤ ስምካውን ንዘለኣለም ከኽብር እየ።

13ምሕረትካ ኣባይ ዓብያ እያሞ፤ ንነፍሰይ ከዓ ኻብ መዓሙቕ ሲኦል ኣድሓንካያ።

14ኦ ኣምላኸይ፥ ዓማፅያን ኣብ ልዕለይ ተልዒሎም ኣለዉ፤ ማሕበር እኩያንውን ንነፍሰይ ይደልዩዋ ኣለዉ፤ ንኣኻውን ኣብ ቅድሚኣቶም ኣይገበሩኻን።

15ኦ ጐይታ፥ ንስኻ ግና መሓርን ርህሩህን ኣምላኽ ኢኻ፤ መዓትካ ዝረሓቐ ምሕረትካን ፅድቅኻን ዝበዝሐ ኢኻ።

16ናባይ ተመልከት፥ መሓረኒውን፤ ንባርያኻ ሓይሊ ሃቦ፤ ንወዲ ባርያኻውን ኣድሕኖ።

17ትእምርቲ ሰናይውን ምሳይ ግበር፤ ፀላእተይ ይርኣዩ፤ ይሕፈሩውን፤ ረዲእኻንን ኣፀናኒዕኻንን ኢኻሞ።

← Chapter 85 Jump to: Chapter 87 →