James 4

Arabic Lebanese (bil 3arabe App)

← Chapter 3 Jump to: Chapter 5 →

1Min wayn jeye el-kne2a wel-khilef baynetkon? Mish min shahwetkon yalle 3am bit7areb jesmkon?

2Bteshteho w-ma bto7salo 3a-yalle shtaheytouh w-se3eta bte2etlo. Bte7esdo w-ma bte2daro tekhdo w-se3eta btekhtelfo w-btet2etalo. Ento ma7roumin li2annkon ma 3am tetolbo,

3w-eza talabto ma btekhdo li2annkon ma 3am ta3erfo tetolbo bi-ma enno badkon tshabb3o shahwetkon.

4Ya kheynin, ma bta3erfo enno ma7abbet el-3alam 3adewe la-ALLAH? Yalle baddo y7ebb el-3alam bikoun 3adouw ALLAH.

5Mfakkrin enno yalle 2alo el-kteb batel, w-houe enno el-rou7 yalle afado ALLAH 3leyna kello ghire?

6Bass byen3om 3leyna bi-a3zam ne3me. Fa-el-kteb bi2oul: "biredd ALLAH el-metkabrin w-byen3om 3al-metwad3in."

7Kouno khad3in la-ALLAH w-2ewmo eblees ta-yehrob minkon.

82arrbo min ALLAH ta-y2arreb minkon. Ghasslo 2ideykon, ya khatyeen, w-tahher 2albak ya meen ra2yo ma2soum.

97zano 3ala fa2rkon w-bkou. 7atta yen2elib de7ekkon beke w-fara7kon ghamm.

10Twada3o eddem el-RAB byerfa3kon el-RAB.

11Ma te7ko 3an ba3dkon bel-3atel, ya ekhewte, li2anno yalle bye7ke bel-3atel 3ala khayyo aw bideen khayyo bikoun 3am ye7ke bel-3atel 3al-shari3a - 3am bideen el-shari3a. Eza kent 3am bitdeen el-shari3a, enta ma 3am temshe 7asab el-shari3a, enta 3am bitdeena.

12Shakhs wa7ad houe yalle bye7kom w-bideen, w-houe yalle bye2dar ykhallis w-ma ykhallina nmout. Fa-meen enta ta-tdeen 2aribak?

13W-ento yalle bit2oulo: "ra7 nrou7 liom aw boukra 3ala hal-madine aw haydik, w-mneb2a sene mintejir w-mnerba7",

14ento ma bta3erfo shi 3an boukra. Shou hiye 7ayetkon? Ento boukhar byezhar shwey w-min ba3da byekhtefe.

15Kermel hek lezim t2oulo: "eza ALLAH rad, min3ish w-mna3mil hek aw hek!"

16Bass halla2 ento 3am tetkabbaro w-tshoufo 7alkon, w-hayda sharr.

17Yalle bya3rif ya3mil el-kheyr w-ma bya3emlo byokhte.

← Chapter 3 Jump to: Chapter 5 →