bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Balinese
/
Balinese
/
Deuteronomy 10
Deuteronomy 10
Balinese
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 11 →
1
“Sasampune punika Ida Sang Hyang Widi Wasa raris ngandika ring tiang sapuniki: ‘Ngaeja papan batu buin duang tebih, buka ane pangawit, buina ngaeja peti abesik ane malakar aji kayu anggon wadah papan batune ento, suba keto lautang mai menek ka pucak gununge tangkil di ajeng Ulune.
2
Ulun lakar nyuratang sig papan batune ento, sakancan sabdan Ulune ane laad tulis Ulun sig papan batune ane pangawit, ane suba belahang kita ento. Suud keto penpenja papan batune ka tengah petine ento.’
3
Irika tiang raris makarya peti asiki, malakar antuk kayu akasia, tur tiang taler makarya papan batu kekalih, sane pateh ring papan batu sane pangawit. Sasampune punika tiang raris munggah ka gununge makta papan batune makakalih punika.
4
Ring papan batune punika Ida Sang Hyang Widi Wasa raris nyuratang Dasa Titah, pateh sakadi sane kasuratang ring batune pangawit, inggih punika sabda sane sampun kasabdayang antuk Ida Sang Hyang Widi Wasa ring semeton, duk Ida masabda saking telenging genine, rikalaning semeton pada mapunduh ring bongkol gununge. Sasampune punika Ida Sang Hyang Widi Wasa raris maicayang papan batune punika ring tiang.
5
Tiang raris mawali tedun saking duur gununge, tur papan batune punika raris penpen tiang ring petine sane sampun kardi tiang, satinut ring titah Ida Sang Hyang Widi Wasa, tur ngawit saking dauhe punika rauh mangkin batune punika wenten irika.”
6
(Wong Israele raris kesah saking semer-semer wong Yaakane ngungsi ka Mosera. Irika Dane Harun seda tur kapendem, raris Dane Eleasar, okan danene ngentosin dane madeg dados pandita.
7
Saking irika wong Israele mamargi ka Gudgod tur saking Gudgod ka Yotbata, inggih punika satunggiling genah sane akeh toya klebutannyane.
8
Ring gununge punika Ida Sang Hyang Widi Wasa raris nyelik suku Lewi buat ngenterang Peti Prajanjian Ida Sang Hyang Widi Wasa, samaliha kapisara ngancangin Ida Sang Hyang Widi Wasa makadados pandita-panditan Idane, tur nunasang merta masrana nyambat parab Ida Sang Hyang Widi Wasa. Punika sane dados tetegenannyane kantos rauh mangkin.
9
Punika awinannya suku Lewi nenten polih duman tanah sakadi suku-suku tiosan. Dumannyane inggih punika wewenang dados panditan Ida Sang Hyang Widi Wasa, sakadi sane sampun kajanjiang antuk Ida Sang Hyang Widi Wasa.)
10
“Tiang raris nongos ring duur gununge, sakadi daweg duk pangawite petang dasa rahina suenipun, tur duk punika taler Ida Sang Hyang Widi Wasa nagingin pinunas tiange, inggih punika Ida raris ledang ngurungang pakayunan Idane buat nyirnayang semeton.
11
Ida Sang Hyang Widi Wasa raris nitahang tiang mimpin semeton mangda semeton nyidayang nerbeang tanah sane sampun janjiang Ida ring leluur semetone.”
12
“Parasemeton bangsa Israel, sane mangkin pirengangja indik sane karsayang antuk Ida Sang Hyang Widi Wasa, Widin semetone saking semeton: Sungsungja tur astiti baktija ring Ida Sang Hyang Widi Wasa tur laksanayangja sakancan titah Idane. Ngaulaja ring Ida antuk panelas kayun semetone.
13
Pada pagehja ngagem pidabdab Ida Sang Hyang Widi Wasa sane uningayang tiang ring rahinane mangkin pabuat kabecikan semetone.
14
Sujatinipun langit sane pinih tegeh, makamiwah buana sadagingipun, makasami punika druen Ida Sang Hyang Widi Wasa.
15
Nanging sih pasuecan Idane ring leluur semetone, yuakti ageng pisan, kantos parasemeton sane sampun selik Ida, boyaja bangsa sane tiosan, tur kantos rauh mangkin semeton dados kaula seselikan Idane.
16
Duaning asapunika, ngawit saking mangkin, pada pagehja astiti bakti ring Ida, tur sampunang malih semeton bengkung.
17
Santukan Ida Sang Hyang Widi Wasa, Widin semetone punika, Ida maraga Widining Widi sane ngungkulin saluiring kakuatan. Ida punika Widi sane luur tur mawisesa, tur Ida sane patut sungsung semeton. Ida nenten mapilih kasih, miwah nenten kayun nrima suap.
18
Ida ledang nindihin tegak anake sane ubuh miwah anak sane balu, mangda ipun polih kadilan, samaliha Ida ledang nyinahang sih pasuecan Idane ring wong sunantara, sane wenten ring pantaran iragane, malantaran Ida mapaica pangan miwah pangangge ring ipun.
19
Duaning punika semeton patut nyinahang kapitresnan semetone marep ring wong sunantara, santukan sane nguni semeton taler dados wong sunantara ring tanah Mesir.
20
Luihangja Ida Sang Hyang Widi Wasa, Widin semetone, tur ngaulaja wantah ring Ida kewanten. Semeton patut satia ngiring bakti ring Ida, tur semeton patut masumpah janji wantah masrana parab Idane kewanten.
21
Pujija Ida duaning Ida punika Widin semetone. Semeton ngraga sampun manggihin Ida nglaksanayang pakaryan-pakaryan sane agung tur madurgama pabuat semeton.
22
Rikala leluur semetone lunga ka Mesir, pecak wantah sareng pitung dasa diri. Nanging Ida Sang Hyang Widi Wasa, Widin semetone sampun ngawinang semeton dados akeh pisan tan bina sakadi bintang-bintang ring langite.”
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 11 →