bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Edo
/
Edo ((E Baibol Ẹdo) Version 1996)
/
1 Chronicles 18
1 Chronicles 18
Edo ((E Baibol Ẹdo) Version 1996)
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 19 →
1
Ọ ghi kpee fua kherhe, e Devid ne ọba keghi dọlegbe mu okuo gie ivbi e Filistin, ọ na khọn miẹn iran otọ. Ọ keghi mu e Gat kevbe igue ni lẹga ẹre hin ototọ ase iran rre.
2
Ọ keghi khọn ivbi e Moab, iran na gha ga gie ẹe.
3
Vbe iyeke ọnii, e Devid keghi mu okuo gie Hadadezẹ ne ọba otọ e Siria ni rre Zọba vbe ọkpẹn otọ e Hama rhunmwuda, e Hadadezẹ keghi te gha ho ne ọ la odẹ uhunmwu e Yufretes la otọe ni do gha kha yan rẹn.
4
E Devid keghi khọn mu arriaisẹn (1,000) vbe avbe ikẹkẹ okuo ẹre deba iran ni hin ẹsin arriaisẹn ihinrọn (7,000) kevbe ivbiyokuo ni ye owẹ khian arriaisẹn ugie (20,000). Ọ keghi viọ ẹsin ni gha sẹtin si ikẹkẹ okuo iyisẹn (100) ye otọ, ọ na kun ni ghi dekẹe hia use.
5
Ugbẹn vbe ivbi e Siria ni rre Damaskọs ghi gie ivbiyokuo ne iran ya ye Hadadezẹ ne ọba obọ, e Devid ne ọba keghi dekun iran, ọ na gbele arhin arriaisẹn evayan ugie (22,000) vbọ.
6
Iyeke ọnii, ọ keghi bu agọ ivbiyokuo ye ẹvbo iran, iran na khian emwa ni rre ototọ ẹre, iran na gha ga gie ẹe. E Nọyaẹnmwa keghi gie obọ e Devid gha ke odukhunmwu vbe ehe hia.
7
E Devid keghi khọn mu avbe asa igoru ne ewọe e Hadadezẹ viọ re, ọ na hẹ iran werriegbe gha rrie Jerusalẹm.
8
Ọ keghi vbe kun oze ọrhẹnrhẹn vbe Tibhat kevbe Kun, ne ẹvbo ne Hadadezẹ gbearoghe, gha rrie. (Avbe oze nii ọ re Solomọn ghi ya ru ẹgbẹdin nọkhua, ke orre kevbe avbe ọkpan ne a lọ vbe Ọgua Osa.)
9
E Toi ne ọba Hamat keghi họn wẹ e Devid wa khọn ivbiyokuo e Hadadezẹ hia muotọ.
10
Ọ keghi rhunmwuda ọnii gie Joram ne ovbi ẹre ne ọ ya wẹ e Devid ne ọba do, ne ọ vbe gu ẹe ghọghọ ye ne obọ ẹre na ke ukhunmwu ne Hadadezẹ ne irẹn vbe Toi he ka gba gbinna yi inugba ne ọ khin. E Joram keghi viọ emwi ihaoko ne a ya igoru, esiliva kevbe oze ru gie Devid.
11
E Devid na ya ehia fi ohan ne a ya gha ru ugamwẹ, deba avbe igoru kevbe esiliva ne ọ viọ kevbe avbe ẹvbo ne ọ khọn rẹn gha dee, avbe Idọm, e Moab, Amọn, Filistia kevbe Amalẹk.
12
Abisiai ne a tie eni iye ẹe Zeruaia keghi khọn ivbi Idọm vbe Iya Umwẹ, ọ na gbele arriaisẹn evairrọvbugie (18,000) vbe uwu iran.
13
Ọ na bu agọ ivbiyokuo lele ehe hia vbe Idọm. Iran ni rre evba keghi do gha ga gie Devid ne Ọba. E Nọyaẹnmwa keghi gie Devid gha khọnmiotọ vbe ehe hia.
14
E Devid keghi rriọba yan otọ Izrẹl hia. Ọ keghi ru ẹe ne a miẹn wẹ a ya obọ esi gha mu emwa hia vbe ne a i na vbe zẹ ọmwarhọkpa ẹkpe.
15
E Joab ne ọtẹn Abisiai kegha re ọkaokuo nọkhua yan ivbiyokuo, e Jehosiafat ne ovbi Ahilud kegha re ne ọ sin emwi hia ẹro.
16
E Zadọk ne ovbi Ahitub kevbe Ahimẹlẹk ne ovbi Abiata, kegha re ohẹn, e Seraia kegha re ọgbenbe ẹguae.
17
E Benaia ne ovbi e Jehoiada kegha re ọkaolotu iran ne Devid ya khẹ egbe, ivbi e Devid ni ikpia kevbe gha rre ukpo ni yo vbe oga ọba ẹre.
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 19 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29