Numbers 1

Edo ((E Baibol Ẹdo) Version 1996)

Jump to: Chapter 2 →

1Vbe ikpẹdẹ ne okaro ọghe uki ne ogieva vbe ivbi Izrẹl kpao vbe Igipt rre nẹ, e Nọyaẹnmwa keghi gu e Mosis guan vbe uwu Owa Ukpọn Ile vbe ato ọghe Sainai. Ọ wẹẹ,

2“Wẹ vbe Errọn gba ka ivbi Izrẹl, ẹwae kevbe ẹgbẹe. Gbẹnnẹ eni avbe ikpia hia.

3Iran ni rre ukpo ugie kevbe ni vbe wan sẹ ọnii, avbe emwa hia ni gha sẹtin yo okuo.

4U ghi zẹlẹ ọka ẹvbo ọkpọkpa vbe uwu avbe ẹwae ni ne iran yuẹ obọ.”

5A keghi hannọ avbe ekaẹvbo na ni vbe re olotu vbe ẹvbo iran, ne iran winna iwinna na.

6Ẹwae Ọka ẹvbo E Riubẹn Elizọ ne ovbi Siediọ E Simiọn E Sielumiẹl ne ovbi Zurisiadai E Juda Nasiọn ne ovbi Aminadab Isaaka Netanẹl ne ovbi Zua E Zebulọn Eliab ne ovbi Hẹlọn Ifreim Ẹlisiama ne ovbi Emihud E Manasẹ E Gamaliẹl ne ovbi Pẹdazọ E Bẹnjamin Abidan ne ovbi Gidiọn E Dan Ahieza ne ovbi Amisiadai Asia E Pagiẹl ne ovbi Okran E Gad Eliasaf ne ovbi Deuẹl E Naftali Ahira ne ovbi Enan

7E Mosis kevbe Errọn keghi viọ iran iweva na.

8Iran keghi tie emwa nii sikoko vbe ikpẹdẹ ne okaro ọghe uki ne ogieva, a keghi gbẹnnẹ eni emwa nii hia ye ebe zẹ vbe ẹwae kevbe ẹgbẹe ọghe dọmwadẹ ọghe ọe, a keghi gbẹnnẹ eni emwa ni hia ni sẹ ikpugie ra ni sẹẹ onii ye ebe, a keghi ka iran.

9Zẹ vbene Nọyaẹnmwa khare. A ghi sẹ Ato Sainai, e Mosis keghi gbẹnnẹ eni emwa nii hia ye ebe.

10A keghi gbẹnnẹ eni emwa hia ni rre ikpugie kevbe ni vbe sẹ ọnii, iran ni gha sẹtin ye okuo, ye ebe zẹ vbe ẹwae kevbe ẹgbẹe edọmwadẹ ọghọe, iran keghi suẹn ọnrẹn vbe ẹwae Riubẹn ne ovbi e Jekọb ne ọdiọn. Ehia kegha re vbenian.

11Ẹwae Inu ne ọ khin E Riubẹn Iyisẹn irrọvbe uri eha yan arriaisẹn enẹ irrọvbe kigbe siyeha (46,500) E Simiọn Iyisẹn irrọvbe uri eva yan arriaisẹn ọkpa irrọvbiyeha: (59,300) E Gad Ekigbesiyeha yan uri eha yan arriaisẹn yan iyeva: (45,650) E Juda Uri eha yan arriaisẹn ene yan ekigbe siyenẹ: (74,600) Isaaka Uri eva yan arriaisẹn ene yan ekigbe siyeha: (54,400) E Zebulọn Uri eva yan arriaisẹn ehairrọvbiyeha: (57,400) Ifreim Iyisẹn yan uri eva yan arriaisẹn iyeva: (40,500) E Manasẹ Uri yan arriaisẹn eva yan ọgban: (32,200) E Bẹnjamin Uri eva yan arriaisẹn isẹn yan ọgban: (35,400) E Dan Iyisẹn yan uri eha yan arriaisẹn eva yan iyeha: (62,700) Asia Iyisẹn yan uri eva yan arriaisẹn ọkpa yan iyeva: (41,500) Naftali Uri eva yan arriaisẹn eha yan ekigbesiyeha: (53,400)

12Ehia keghi gha re ekigbesiyeha irrọvbe uri eha yan, arraisẹn eha yan uri eha: (603,550) 47Sokpan, a ma ka avbe Livai ba ẹwae nekpa. 48Rhunmwuda, e Nọyaẹnmwa tama e Mosis nẹ wẹẹ, 49“U gha ka ikpia ni gha sẹtin yo okuo, ghẹ ka avbe Livai ba ẹre. 50Ne u gha na te ru vberriọ, u ghi viọ avbe Livai ye ni gbe aro ghe Owa Ukpọn Ile kevbe avbe emwi ne a lo vbọ hia. Iran ọre ọ khian gha dadae ke ẹe kevbe emwi ne a lo vbọ, iran ghi gha ga vbọ, iran ghi vbe bọlọ agọ iran lẹga ẹre. 51Wa gha si kpao vbe agọ, avbe Livai ọre ọ gha fannọ Owa Ukpọn nii, iran ghi vbe ya bọ ẹe vbe agọ ne ọgbọn. Ọmwa ọvbehe rhọkpa gha sikẹ Owa Ukpọn nii, a ghi gbe ẹe rua. 52Ivbi Izrẹl nekpa ghi bọlọ agọ iran kugbe otu otu, dọmwadẹ ọghọe ke ẹe kevbe ivbi otu ẹre kevbe afiala ọghe iran. 53Sokpan avbe Livai ghi bu agọ lẹga Owa Ukpọn Ile ne iran gha gbe aro ghe ẹre, ne ọmwa rhọkpa ghẹ ya sikẹ ọre, ne ohu ghẹ ya mu mwẹ fi Izrẹl emwi.” 54Ivbi Izrẹl keghi ru emwi hia ne Nọyaẹnmwa tama e Mosis.

Jump to: Chapter 2 →