bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Bodo
/
Bodo BDVNT (ବ୍ଡ଼୍ ହ୍ର୍ଜା ବାଇବଲ)
/
1 John 5
1 John 5
Bodo BDVNT (ବ୍ଡ଼୍ ହ୍ର୍ଜା ବାଇବଲ)
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
1
ଯେ କେ ଯୀଶୁକେ ଖ୍ରୀଷ୍ଟ ବ୍ଲି ବିଶ୍ବାସ୍ କ୍ରେଦ୍, ସେ ଇଶ୍ଵରାର୍ ହିଲା ଆର୍ ଉବା ଇଶ୍ଵର୍କେ ଲାଡ୍ କ୍ର୍ତା ଲକ୍ ତାର୍ ହିଲାମ୍ନ୍କେ ହେଁ ଲାଡ୍ କ୍ରେଦ୍।
2
ଅମିମ୍ନ୍ ଜ୍ଡେବ୍ଳ୍ ଇଶ୍ଵର୍କେ ଲାଡ୍ କ୍ରୁନ୍ଦ୍ ଆର୍ ତାର୍ ଆଦେଶ୍ ସ୍ବୁ ମାନୁମା, ସେଡେବ୍ଳ୍ ତାର୍ ଦ୍ବାରା ଜାଣୁହାରୁ ଯେ ଅମିମ୍ନ୍ ଇଶ୍ଵରାର୍ ହିଲାମ୍ନ୍କେ ଲାଡ୍ କ୍ରୁଲୁ।
3
ଇଶ୍ଵର୍କେ ଲାଡ୍ କ୍ର୍ତାର୍ ଅର୍ତ ତାର୍ ଆଦେଶ୍ ମାନୁମା, ଆରେକ୍ ତାର୍ ଆଦେଶ୍ ସ୍ବୁ କ୍ଷ୍ଟ୍ନାଇ।
4
ଜୁଇଲ୍କ୍ ଇଶ୍ଵରାର୍ ହିଲା ତାକେ ଇ ଜ୍ଗତ୍କେ ଜିଣ୍ତାର୍ ହାଇଁ ଶ୍କ୍ତି ଆଚେ ଆର୍ ଅମାର୍ ବିଶ୍ବାସ୍ ସ୍ଙ୍ଗ୍ ଏ ଜଗତ୍କେ ଜିଣିଆଚୁ।
5
ଇ ଜଗତ୍ ତ୍ଇ ଜିଣ୍ତା ଲକ୍ କେ ନାଇ ମ୍ତର୍ ଯେ ଯୀଶୁକେ ଇଶ୍ଵରାର୍ ହଇସିବ୍ଲି ବିଶ୍ବାସ୍ କ୍ରେଦ୍ ସେ ହ୍କା ଜିଣି ହାରେ।
6
ସେ ଯୀଶୁ ଖ୍ରୀଷ୍ଟ ହାଣିଏ ଡୁବେନ୍ ଆର୍ କୁର୍ଶକାଟେ ବ୍ନି ଦ୍ଇ ଆସିରିଲା, ସେ ହ୍କା ହାଣିଏ ଡୁବେନ୍ ନେମ୍କେ ନଇ, ମ୍ତର୍ ହାଣିଏ ଡୁବେନ୍ ଆର୍ କୁର୍ଶକାଟେ ବ୍ନି ଡାଳି ଜୀବନ୍ ଦେମ୍କେ ଆସିରିଲା, ଆରେକ୍ ପବିତର୍ ଆତ୍ମା ହେଁ ଇତାର୍ ଗିନେ ସାକ୍ଯ ଦ୍ଇଦ୍, କାଇତାକ୍ ଆତ୍ମା ହ୍କା ସ୍ତ୍।
7
ଯୀଶୁର୍ ବିଷୟରେ ଅମୁକେ ତିନ୍ ଲକ୍ ସାକ୍ଯ ଦେତି।
8
ପବିତର୍ ଆତ୍ମା, ହାଣିୟେ ଯୀଶୁର୍ ଡୁବେନ୍ ଆର୍ କୁର୍ଶକାଟେ ହ୍ଣି ଗ୍ସୁର୍ଲା ବ୍ନି, ଇ ତିନି ଲକାର୍ ସାକ୍ଯ ଗଟେକ୍।
9
ଜ୍ଡେବ୍ଳ୍ ଲକ୍ମ୍ନ୍ ସତ୍ କ୍ତା କ୍ଉତି, ଅମି ସେରି ବିଶ୍ବାସ୍ କ୍ରୁମା, ମ୍ତର୍ ଇଶ୍ଵର୍ ଯାଇରି କଇଦ୍। ସେରି ତ ଅଦିକ୍ ବିଶ୍ବାସ୍ ଯଗ୍ଯ, ଇଶ୍ଵର୍ ତାର୍ ହଇସି ବିଷୟେ ସ୍ତ୍ ସାକ୍ଯ ଦ୍ଇଦ୍।
10
ଇଶ୍ଵରାର୍ ହଇସିକେ ବିଶ୍ବାସ୍ କ୍ର୍ତା ଲକ୍ ନିଜାର୍ ସେ ବାକ୍ୟ ସାକ୍ଷି ହାଇଆଚେ, ଇଶ୍ଵରାର୍ ତ୍ଇ ବିଶ୍ବାସ୍ ନ୍କେର୍ତା ଲକ୍ ଇଶ୍ଵର୍କେ ମିଚୁଆ କ୍ରେଦ୍, କାଇତାକ୍ ଇଶ୍ଵର୍ ନିଜାର୍ ହଇସିର୍ ବିଷୟେ ଯାଇରି କ୍ଇଆଚେ, ସେ ସେରି ବିଶ୍ବାସ୍ ନ୍କେଲା।
11
ଇଶ୍ଵରାର୍ ସାକ୍ଷି ଇରି ଯେ, ଇଶ୍ଵର୍ ଅମୁକ୍ମ୍ନ୍ ନ୍ସେର୍ତା ଜୀବନ୍ ଦ୍ଇଆଚେ। ଆର୍ ସେ ଜୀବନ୍ ତାର୍ ହଇସିର୍ ଲ୍ଗେ ଆଚେ।
12
ଯେ ହଇସିକେ ହାଇଆଚେ, ସେ ନ୍ସେର୍ତା ଜୀବନ୍ ହାଇଆଚେ। ମ୍ତର୍ ଯେ ଇଶ୍ଵରାର୍ ହଇସିକେ ହାଇ ନ୍କେରେ, ସେ ନ୍ସେର୍ତା ଜୀବନ୍ ହେଁ ହାଇ ନ୍କେରେ।
13
ଏ ଇଶ୍ଵରାର୍ ହଇସିର୍ ନାଉଁରେ ବିଶ୍ବାସ୍ କ୍ର୍ତା ଲକ୍ମ୍ନ୍ ଯେ ତୁମି, ତୁମିମ୍ନ୍ ଜ୍ନ୍କ୍ରି ଜାଣାସ୍ ଯେ, ତୁମିମ୍ନ୍ ନ୍ସେର୍ତା ଜୀବନ୍ ହାଇଆଚାସ୍, ଇତାର୍ ଲାଗି ମୁଇ ତୁମାର୍ମ୍ନ୍କାର୍ ଲ୍ଗେ ଇ ସ୍ବୁ ବିଷୟ୍ ଲେକୁଲେ।
14
ଆର୍ ଅମାର୍ ବ୍ର୍ସା ତାର୍ ଲ୍ଗେ ଆଚେ ଯେ, ଜ୍ଡେବ୍ଳ୍ ଅମି ତାର୍ ଇଚାହର୍ ତାକେ କାଇ ବିଷୟ୍ ମାଗୁନ୍ଦ୍, ସେ ଅମାର୍ ପାର୍ତେନା ଶୁଣେଦ୍।
15
ଆରେକ୍ ଆମିମନ୍ ଜାଇରି ପାର୍ତେନା କରୁଲୁ, ସେରି ସେ ଶୁଣେଦ୍ ବ୍ଲି ଯ୍ଦି ଅମିମ୍ନ୍ ଜାଣୁ, ତ୍ବେ ସେତାକ୍ ଅମି ତାକେ ଯାଇରି ପାର୍ତେନା କ୍ରିଆଚୁ, ସେରି ସବୁ ଯେ ହାଇଆଚୁ, ଇରି ଅମି ଜାଣୁ।
16
ଯ୍ଦି କେ ନିଜାର୍ ବାଇକେ ଆର୍ ବେଣିକେ ଅନ୍କାର୍ ପାପ୍ କ୍ର୍ତାର୍ ଦ୍କେଦ୍, ଆର୍ ସେ ପାପ୍ ମ୍ର୍ନ୍ଡ୍ଣ୍ଡ୍ ହାଉତା ପାପ୍ ଅଇ ନ୍ରେଇଦ୍, ତ୍ବେ ସେ ପାର୍ତେନା କ୍ର, ଆର୍ ଇଶ୍ଵର୍ ମ୍ର୍ନ୍ଡ୍ଣ୍ଡ୍ ହାଉତା ପାପ୍ କ୍ରି ନ୍ରିଲା ଲକ୍କେ ଜ୍ନ୍କାର୍ ଜୀବନ୍ ଦାନ୍ କ୍ରେଦ୍, ସେନ୍କାର୍ ତାକେ ହେ ଜୀବନ୍ ଦାନ୍ କ୍ରେଦ୍। ମତର୍ ଅନ୍କା ପାପ୍ ଜୁଇରି ମ୍ର୍ନ୍ଡ୍ଣ୍ଡ୍ ଆଚେ। ସେ ପାପାର୍ ଗିନେ ସେ ପାର୍ତେନା କ୍ରୁକେ ମୁଇ କଇନ୍କେରି।
17
ସ୍ବୁ କ୍ରାପ୍ କାମ୍ ପାପ୍, ମ୍ତର୍ ଅନ୍କା ପାପ୍ ହେଁ ଆଚେ ଜୁଇରି ନ୍ସେର୍ତା ମ୍ର୍ନ୍ ବାଟ୍ ନେମ୍ ନ୍ହାରେ।
18
ଅମି ଜାଣୁନ୍ଦ୍ ଯେ, ଇଶ୍ଵରାର୍ ହିଲା ଅଇରିଲା ଲକ୍ ସ୍ବୁବ୍ଳ୍ ପାପେ ଲାଗିନ୍ରେଇ, ମ୍ତର୍ ଇଶ୍ଵରାର୍ ହିଲାଅଇ ନିଜ୍କେ ରକ୍ଷା କ୍ରେଦ୍, ଆର୍ ପାପ୍ ଆତ୍ମାର୍ ତାର୍ କିଚି କେତି କ୍ରୁନ୍ହାରେ, ଇରି ଅମି ଜାଣୁ।
19
ଅମି ଜାଣୁ ଯେ ଅମି ଇଶ୍ଵରାର୍ ହିଲା ମ୍ତର୍ ସ୍ବୁ ଜଗତ୍ ଶଇତାନାର୍ ଆଇତେ ଆଚେ।
20
ଆର୍ ଅମି ଇରିହେଁ ଜାଣୁନ୍ଦ୍ ଯେ, ଇଶ୍ଵରାର୍ ହଇସି ଆସିଆଚେ ଆର୍ ସେ ସ୍ତ୍ ଇଶ୍ଵର୍କେ ଜାଣୁକେ ଅମୁକ୍ମ୍ନ୍ ଗ୍ଯାନ୍ ଦ୍ଇଆଚେ। ଆମିମନ୍ ସେ ସ୍ତ୍ ଇଶ୍ଵର୍, ତାର୍ ହଇସି ଯୀଶୁ ଖ୍ରୀଷ୍ଟର୍ ତ୍ଇ ରେଉଅ। ସେ ସତ୍ ଇଶ୍ଵର୍ ଆର୍ ନ୍ସେର୍ତା ଜୀବନ୍।
21
ଏ ଲାଡାର୍ ବାଇମନ୍, ଜୁଇରି ତୁମାର୍ ହ୍ରୁଦୟ୍ରେ ଇଶ୍ଵରାର୍ ଜାଗା ନ୍ଇଦ୍ ତୁମିମ୍ନ୍ ସେ ମୁର୍ତିମ୍ନ୍କାର୍ ତ୍ଇହ୍ଣି ଦୁରିରିଆ।
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
All chapters:
1
2
3
4
5
Recommended Reading
Commentary
1 John Commentaries
→
Devotional
1 John Devotional Guide
→
Get This Bible
Bodo BDVNT (ବ୍ଡ଼୍ ହ୍ର୍ଜା ବାଇବଲ) Study Bible
→