bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Chin
/
Chin (Mara Bible RV (BSI))
/
2 Kings 24
2 Kings 24
Chin (Mara Bible RV (BSI))
← Chapter 23
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 25 →
1
Zehôki â bei nota Babylaw bei Nebukaneza ta Zerusale siehnao ta, Zehôki cha ano chakaotuhpa ta kô thôh y ta. Cha khai tawhta Zehôki ta Nebukaneza cha a heihsaipa ta, a chariah ha ta.
2
Abeipa ta Kaldia pheisaihzy, Aramia pheisaihzy, Môabâ pheisaihzy nata Amawna pheisaihzy cha Zehôki a dyuh awpa ta tuah ta. Abeipa ta a chakaotuhpa hrohsopazy hmâpa ta a vaw rei hapa Abeipa bie hawhta, Zudâh siehnao ta parao awpa ta a tuapa ei a châ.
3
Cha hmo cha Manase moleinazy nata a hmotaopa zydua vâta, Zudâh cha Abeipa mohmô tawhta pahlei awpa ta, Abeipa biepiepa ta Zudâh chô liata a vaw tlôpa a châ.
4
Manase ta chyhsa siapazy thisaih palo ta, Zerusale cha chyhsa siapazy thisaih ta a pabiepa vâta, Abeipa ta a ngiahthai thei vei.
5
Zehôki thâtih hropazy nata a hmotaopa zydua cha, Zudâh beizy thâtih rona châbu liata ropa a châ.
6
Zehôki cha a pathlatuhpazy hnohta a mô ta, a sawchapawpa Zehôkhi ta ano su liata â bei.
7
Babylaw bei ta Izi bei ry liata a ypa, Izi Chavah tawhta Ufrâti chavah taihta râh zydua a la khai hapa vâta, Izi bei cha a râh tawhta kaw pua khao vei.
8
Zehôkhi cha kô hrawh hleichariepa a châ nota a bei ta, Zerusale liata thla thôh â bei. A nô moh cha Nehustâ châ ta, Zerusale khihpa Enâthâ sawchanô a châ.
9
Zehôkhi cha a paw taozie zydua hawhta tao hrapa ta, Abeipa mohmô liata hmo pha leipa tao ta.
10
Cha nota Babylaw bei Nebukaneza chakaotuhpazy cha Zerusale lâ khy ei ta, khihpi cha dôh ei ta.
11
A chakaotuhpazy ta khihpi ama dôh hai nota, Babylaw bei Nebukaneza cha khihpi lâ a vy ta,
12
Zudâh bei Zehôkhi cha, a nô nata a chakaotuhpazy nata a beimachâzy nata abei o liata hyutuhpazy chhaota Babylaw bei lâ kei pua ei ta. Chatanachata Zehôkhi cha â beina kô chariena liata Babylaw bei ta a patu haw.
13
Abeipa ta a vaw reipa hawhta, Abeipa o liata ryusôhpa zydua nata abei o liata ryusôhpa zydua cha Babylaw bei ta a siekhei khai haw. Izarei bei Sawlawmaw ta Abeipa Achhyna o liata ngôh hmobaoh a taopa zydua chhao a pakeichheih khai haw.
14
Zerusale khihsaw zydua, beimachâ zydua nata pasaipha zydua siekhei khai ta, sei 10,000 tlai a siekhei ei. Zôthaipa nata syudaihpa zydua chhao a siekhei khai ha ei. Chyhsa dyhchhie chaipazy tah leipa ta cha, râh liata ahy hmah y khao veih ei.
15
Nebukaneza ta Zehôkhi cha Babylaw lâ a chhi ta. Abei nô, abei lapinôzy, beimachâzy nata râh liata chhituhpazy cha sei ta Babylaw lâ â chhi ha ei.
16
Babylaw bei ta chariah a dyuh thei awpa pasaipha sai ta 7,000 nata zôthaipa nata syudaihpa 1,000 sei ta Babylaw lâ â chhi ha ei.
17
Babylaw bei ta Zehôkhi paw unawhpa Mâtaniah cha Zehôkhi su liata bei ta tao ta, a moh Zedekia tahpa ta a thla.
18
Zedekia cha â bei pathao nota kô kih nata kô khapa châ ta, Zerusale liata kô hrawh hleikha â bei. A nô moh cha Hâmutâ châ ta, Libnâ khihpa Zeremiah sawchanô a châ.
19
Zehôki taozie zydua hawhta tao hrapa ta, Abeipa mohmô liata hmo pha leipa tao ta.
20
Abeipa pathiiana vâta, a mohmô tawhta papua hana taihta Zerusale nata Zudâh chô liata a vaw tlô hapa a châ. Zedekia cha Babylaw bei ry liata a ypa tawhta pua a chhuah ta.
← Chapter 23
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 25 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25